¹ Nalilandile mu mutima wandi, "isa npmba nkokwesha nensansa. Eco samwa mukutemwisha." Lelo mona, ici naco califye cafye. ² Nalilandile palwa nseko, "bushilu" na palwa nsansa, "mulimo ndo fili?" ³ Nalilengelwe mu mutima wando ifya kupelelo kufwaya kwandi ku mswangashi. Nalikele umutima wandi ukuntungulula ku mano nangu nali ncili kwikatilila ku bupumbu. Nalifwalikishve icili ca bune ca bantu ukucita pesamba lya mulu munshiku osha myeo yabo. ⁴ Nalifikilishe ifintu ifikulu nalikulile amyanda no kubyala imyangashi. ⁵ Naliilimine amabala elo nomwakwangalila nali byele imisango yonse ya fisabo muli yena. ⁶ Nalicitile ifishiba fya menshi ku kutapilisha umutengo umo imiti yali kukulila. ⁷ Nalishitile abasha abaume na basha abanakashi; nalikwete abasha bafyalilwe mu ncende yandi, nalikwete kabili imikuni ne fitekwa fyafulisha ukucila imfumu yonse yalikuteka pantanshi yandi mu Yerusalemu. ⁸ Naliilonganikile kabili silfere na golide, ifyuma fya shamfumu ne fitungu. Nali fwaile ingombe ishaume ne shanakashi ku ku sansamusha abana ba bantu na bakanashi bakusansamusha abengi.. ⁹ Eco nalishile kukula no kucindama ukucila bonse abali pantanshi yandi mu Yerusalemu, kabili amano yandi yalishele na nebo. ¹⁰ Conse cintu amenso yandi yali kufwaya nshayatanine. Nshalikulesha umutima wandi ku kusansa'muka, pantu umutima wandi wali sekelele mu ku cula kwandi konse kabil ukusansamuka kwali ecilambu cambu candi pa milimo yandi yonse. ¹¹ Nolu nalilolekeshe pa milimo yons iyo maboko yandi yafikilishe, na pa mulimo uyo nacitile, lelo kabili, fyonse mulimo uyo nacitile, lelo kabili, fyonse fyali fyafye no kwesho ukukumba umwela. Takwali icakumwenamo mwi samba lya kasuba muli cena. ¹² Nolu nalyalulukile ku kutontokanya amano, nakabili ubucushi no bupumbu ico nindo imfumu yakukonkapo ingacita uwaisa panuma yamfumu, ico icisha citilwe kale? ¹³ Nolu nalitendekele ukwishiba ukwebati amano yabune pa bupumbu, filya ulubuto lwa bune ukucila imfimfi. ¹⁴ Umuntu wamano abomfya amenso yakwe mumutwe wakwe ukulekumona uo akoya, lelo umupumbu endela mu mfifi, nangu ndishibile ifyaku citika fimo fine ficitikila kuli bonse. ¹⁵ Nolu nalilandile mu mutima wandi, "fintu ficitika ku mpumbu, fikacitikila na nebo. Eco bupusano ndo cicita nga cakwebati ndi wamano ayengi?" Nalekeleshe mumutima wandi, "Ici naco cafye." ¹⁶ Pantu kumuntu wamano, kubati mupumbu tebukishiwa pa nshita itali sana. Munshiku shikoisa fyonse fintu fikalabwa bwangu. umuntu wamano alafwa kubati fintu umupumbu afwa. ¹⁷ Eco nalipatile ubumi pantu yonse milimo yalikucitwa mwi samba lya kasuba yali yabubi kuli nebo. Ifi fyali pantu ifintu fyonse fya fye no kwesha ukukukumba umwela. ¹⁸ Nali patile fyonse efyo napwililishe ukubomba mwi samba lya kasuba pantu mfwile kufisha ku muntu uukoisa panuam yandi. ¹⁹ Ico nani waishiba nga cakwebati ali nokuba umuntu wamano nangu umupumbu? Lelo akesa kuba cibinda pa fintu pfyonse mwi samba lya kasuba uko ukubomba kwandi na mano ya kulile. Ici naco cafye. ²⁰ Eco Kanshi umutima wandi walitampile ukulanguluka pa kubomba konse mwi samba lya kasuba kuntu nali kucita. ²¹ Pantu nalimo kwaba umuntu umo uubomba ku mao, kukwishiba na ku kucenjela, lelo akasha conse akwata kumuntu uusha pangile icili conse. Ici naco cafye kabili bubi ubukulu. ²² Cakumwenamo ndo muntu akwata uubomesha no kupikintika mu mutina wakwe kukupwisishisha ukucucutika kwakwe mwi samba lya kasuba? ²³ Cila bushiku umulimo wakwe kulikucula no kulekuklipwa, eco mu bushiku umutima wakwe tausanga ukutusa ici naco cafye. ²⁴ Takwaba icisuma ku uli onse ukucial fye ukulya no kunwa no kuba uwakwikuta ku cabe cabune mukubomba kwakwe nalimwene ukwebati ici icine cifumina ku kuboko kwa kwa Lesa. ²⁵ Ico uwingalya nangu uwinga kwata umusango onse uwakusansa musha ukucila ukufuma kuli Lesa? ²⁶ Pantu kuli onse uumusekesha, Lesa alapela amano no kwishiba nokusekelela. Nangu cibefyo ku mubembu apela umulimo wakukolonganya no kututila icakwebati enga cipela ku muntu umo uwakusekesha Lesa. Ici naco cipendelwa ku fya fye kabili cakwesha ukukukumba umwela.