¹ Pepekeni amatwi, mwe myulu, no kuleka nsose. Lekeni icalo cilekumfwa ku fyebo fyakanwe kandi. ² Lekeni ukufundisha kwandi kulekupongoka nge mfula, lekeni filekukonkoloka ngomume ifyebo fyandi, ngo mina kwa mfula pa cani citeku, kabili ngo bufuminishi pa fimuti. ³ Leo nkabilikisha ishina lyakwa yawe, no kushimbula ubukulu kuli Lesa wesu. ⁴ Icilibwe, imilimo yakwe yalifikapo; pantu inshila shakwe shonse bupingushi. Ni Lesa uwa cishinka, uwabulo ubupondamishi, wa mulinganya kabili uwatambalala. ⁵ Baliyonawile kuli ena, tabali bana bakwe, Ecansoni kuli bena ba mu nkulo yapondama kabili iya bucenjeshi. ⁶ Bushe yawe eo mukolambwila muli iyi nshila, mwe bantu bakupumbuka kabili abakubula amano? Bushe ena tewishinwe, untu amilengele? Alimipangile kabili alimilimbile. ⁷ Ulekwibukisha inshiku sha kunshita shakale ulekutontonkanya pa myaka ya nkulo ne nkulo ishipitile, ipushisha wiso nao akokulanga, Abakalamba nabo bakakubula. ⁸ Lintu uwa pulamo apele inkulo ne nkulo ifyakupyaninina fyabo, lintu ayakenye abantu bonse, kabili alipakanya imipaka ya bantu na bantu, nge fyo kabili acitile ukulingana ne mpendwa ya milungu yabo. ⁹ Pakuti icakaniko cakwa yawe bantu bakwe; Yakobo emulingo wa cikwatwa cakwe. ¹⁰ Alimisungile mu mpanga ya ciswebebe, kabili mu buumba na mukulila kwa kalanda mu matololo; alimishingilukile no ku mibakilila. Alimulindilile kubati ni mboni ya linso lyakwe. ¹¹ Nga kapumpe untu akolindila icinsa cakwe no kulakushunda pa twana, Yawe alifungulwile amapindo yakwe no kubabula, kabili alibapitile pa mapindo yakwe. ¹² Yawe ekafye alimutunulwile, takwali imilungu imbi imbi pamo nankwe. ¹³ Alimilengele ukwenshiwa mu fyalo fyasansuka ifya calo, kabili alimulishishe ifisabo fya mu mabala; alimimyangishe no buci ukufuma mu cilibwe, na mafuta ukufuma mu cilibwe canakabwe. ¹⁴ Alilile umukaka uwatikama uwa mu maombe no kunwa umukaka ukufuma mu mukuni, kumo nenama yanona iya bana bapanga, ba sukusuku baku Bashani naba sawe, kumo ne shakupeleka sha ngano-- kabili walikunwa umwangashi wakufuluka uwali kupangwa ukufuma kufyakunwa fya myangashi. ¹⁵ Lelo yeshuruni alitulwike no kupanta; walitulwike, walitulwike nganshi, walikulya ifya kututila fyobe ifingi nganshi. Alekeleshe Lesa untu uwamupangile. kabili alikene icilibwe ce pusukilo lyakwe. ¹⁶ Balengele yawe akalumwe ku milungu yabo imbi imbi, ku fyakuselausha fyabo balimukalifye. ¹⁷ Balikwipaila amalambo ku ngulu, ishishili ni Lesa, imilungu intu tabaishibile, imilungu ishilele kumoneka fye nomba line, imilungu intu bawishinwe tabali mukuitina. ¹⁸ Mwasulile icilibwe, uwaishile kuba wishinwe, kabili mwalilabile uyo Lesa untu amifyele. ¹⁹ Yawe alimwene ci nao alibakene, pantu abana bakwe abaume nabana bakwe abanakashi babilimusushishe, ²⁰ "Nkofisa icinso candi cikofuma kuli bena,"atile, "kabili nkomona mpelekesha yabo fintu ikoba; pantu ni nkulo iya bupulumushi, abana bakubule cishinka. ²² Ico umulimo naukoshiwa ku bukali bwandi ; kabili ukopya ukufika kumbo; ukopwisha icalo no busomboshi bwa ciko; cikobika pa mulilo imifula ya mpili ²³ Nkolonganika ne fibi pali bena; Nkolasa ne mifwi pali bena; ²⁴ Bakaba abakonaulwa ku nsala no kuliwa ku mingu sha mulilo ne cikuko icakalipa: Nkatuma muli bena ameno ya nama sha mpanga, pamo na sumu wafintu ifikulika mu lukungu. ²⁵ Kense ya lupanga lukalenga ukufwilwa , na mukati kamuputule wakusendamamo pamputa akacita co. cikokanaula bonse umulumendo no wacisungu, no mwana ukoonka, no mwaume wafwi. ²⁶ Nalisosele natile nkabapashila ukutali, ukuti nkalenge icibukisho cabo ukuleka ukufuma mu bantunse ²⁷ Lelo nalitinine ukususha kwa mulwani, nokutila abalwani babe bapushila mu kupingula, na kabili bengatila, ukuboko kwesu nakutumpuka; Ninga kwata ukucita fyonse ifi; ²⁸ Pantu Isreali luko umwaloba amano, kabili tamwaba ukwishiba muli bena. ²⁹ Iye nga cakuti bali na mano, icakuti balishibileci, icakuti ngabalitontonkenye mpela yabo ikoisa! ³⁰ Kuti umo apepeka shani ikana limo, na babi;li amakana ikumi ku kubafulumuna, kano icilibwe cabo cabashitisha, na yawe abekatilako? ³¹ Pantu icilibwe ca balwani besu tacaba kuba cilibwe cesu, ngafintu nabalwani besu balisumina. ³² Pantu umwangashi wabo ukofuma ku mwangashi wakusondomu, kabili ukufuma mu mabala ya mu Gsmora; ifisabo fyabo fisabo fya sumu: ifisansangu fyabo fyakulula. ³³ Umwangashi wabo ni sumu wa fisoka, kabili busungu bukali bwa ba ngoshe. ³⁴ Bushe ukupekanya kwa mu bumfisolo kwabikilwa nebo, calisalilwe mu fipao fyandi? ³⁵ icilandushi candi ku kukupela, no kulambula. Cakunshita lintu amakasa yabo yakotelemuka; Pantu ubushiku bwa busanso bwabo nabupalama ne fintu ifyo ifikoisa pali bena fili no kucitika bwangu," ³⁶ Pantu yawe akaleta ubupingushi pa bantu bakwe, kabili akabelela uluse ababomfi bakwe. Akamona kuti amaka yabo yalile. kabili takushele nangu umo, nangula umusha nangu muntungwa. ³⁷ Elo akatila, "ili kwisa mulungu yabo, icilibwe muntu bafiseme. ³⁸ Imilungu iyali kulya amafuta ya malambo yabo no kunwa umwangashi wa fya bupe fyabo ifyakunwa lekeni bemeno kumyafwilisha; lekeni babe ubucingo bwenu. ³⁹ Mona nomba ukutila nebo, nebo wine, ninebo Lesa, kabilitakwaba lesa umbi pamo na nebo: Nebo ndepaya, kabili ndalenga ukuba no mweo; Nebo ndalasa, kabili nangu umo uwinga kupususha ukufuma mu bulamba bwandi. ⁴⁰ Pantu nasumbwila amaboko yandi mu mulu no kutila, naliba uwa mweo umuyayaya, nkocita. ⁴¹ Lintu nkonona ukubyata kwa lupanga lwandi, kabili lintu ukuboko kwandi kwatampa ukuleta ubupingushi, ukubwesesha icilandushi pa balwani bandi, kabili ukalalambula bonse abo abampata. ⁴² Nkalenga imifwi yandi ukukolwa no mulopa, no lupanga lwandi luko lya munofu pamo no mulopa wabaipaiwa na ba bunkole, kabli ukufuma ku mitwe ya ntugulushi yabalwani." ⁴³ Sekeleleni, mwe nko, pamo nabantu bakwa lesa, pantu akalandula umulopa wa babomfi bakwe; Akabwesesha ici landushi ba balwani bakwe, kabili akalenga ica kukonsolwela pa mpanga yakwe, pa bantu bakwe. ⁴⁴ Mose alipitulwike mu fyebo fyonse ifya ulu lwimbo mu matiri ya bantu, ena na Joshua umwana mwame wakwa Nini. ⁴⁵ Ulo mose apwishishishe ukupituluka muli ifi fyebo fyonse kuli Isreali onse. ⁴⁶ Alile kuli bena, "mulekubika mitima yenu pa fyebo fyonse funtu nkoshishimika kuli mwebo ilelo, pakuti mukalekukonkomesha abana benu ku kubaka fyonse ifyebo fya aya malango. ⁴⁷ Ico uyute mulandu wafye kuli mwebo, pantu emweo wenu, kabili muli icicintu mukatantalisha inshiku shenu mu mpanga iyo mukoyabukilamo yodani ku kuikwata. ⁴⁸ Yawe alisosele kuli mose pali bulya bwine bushiku no kutila, ⁴⁹ "Nino apalungatana no lupili lwa abarimu, pa lupili lwa Nebo, ulwaba mu mpanga ya Moabu, ulwalungatana na Yerico. Uli no kumona calo ca kenaani, ico nkopela ku bantu bakwa Isreali ku kuba icikwatwa cabo. ⁵⁰ Ukofwila pa mulu wa luntu ukonina, kabili ukakolonganikwa ku bantu bobe, nga fintu Aaron umwina Isreali munobe uwafwile pa lupili hore kabili alikolonganikwa ku bantu bakwe. ⁵¹ Cili nokuba ifyo pantu tawali uwa cishinka kuli Nebo mukati ka bantu bakwa Isreali pa menshi ya Meriba mu kadeshi, mu matololo ya sini; pantu tamwanatile ku bucindami no mucinshi mu bantu bakwa Isreali. ⁵² Pantu ukamona icalo icili ku ntanshi yobe, lelo tawakayeko kulya, mu mpanga inty nkopela ku bantu bakwa Isreali".