¹ Ulo fyonse ifi fintu filishile pali mwebo, amapalo ne fitiipu fintu nabika kuntanshi yenu, na ulo mwafi bukisha pa nko shonse shimbi uko yawe lesa wenu amyensheshe, ² na ulo mwabweluluka kuli yawe lesa wenu, mukonakila nakwi shiwi lyakwe, mulekukonka na fyonse nkomikonkomesha lelo-mwebo na bana benu-nemitima yenu yonse elo ne myeo yenu yonse, ³ elo yawe lesa wenu akomibwesesha bakole benu nokumicitile nkumb; akomyalulula kabili akomilinganya mwebo ukufuma mu nko shonse umo yawe lesa wenu amipashiile. ⁴ Nga bantu benu abasalanganishiwe bali kuncende ukwalepesha mwisamba lya myulu, ukufuma kulya yawe lesa wenu akomilonganya, kabili ukufuma kulya akomileta. ⁵ Yawe Lesa wenu akomileta mu mpanga iyo ifikolwe fyenu fyakwete, kabili mukoi kwata nakbili; akomicitila ubusuma kabili akomifusha ukucila fintu acitile kufikolwe fyenu. ⁶ Yawe Lesa wenu akomisebulula imitima yenu, elo ne mitima ya bana benu, ukuti mukotemwa Yawe Lesa wenu ne mitima yenu yonse elo ne myeo yenu yonse, ukwebati mwingaba no mweo. ⁷ Yawe Lesa wenu akobika fyonse ifi ifitipu pa balwani na pali abo abamipata, kabili abalekumilamata. ⁸ Mukabweluluka no ku nakila kwishiwi lyakwa Yawe, elo mukosunga amafunde yakwe yonse yantu nkomikonkomesha lelo. ⁹ Yawe Lesa wenu akomifushisha ukutunguluka ku fya minwe fyenu fyonse, mubu fyashi bwa mafumo yenu, mufyashi bwa fitekwa fyenu, na mufisabo fya mu mushili wenu, ku kutunguluka. Pantu yawe akosansamuka nakabili abatunguluka, kubatifintu asnsamukile mufikolwe fyenu. ¹⁰ Akocita nga mukonakila kwishiwi lya kwa Yawe Lesa wenu, mukasunga namafunde ne fipope ifilembelwe muli ili ibuku lya malango, nga mipilibukile kuli yawe lrsa wenu ne mitima yenu yonse ne myeo yenu yonse. ¹¹ Pantu ifunde akominkomesha lelo talili lya kosa, kabili talili kutali namwebo ukufika. ¹² Talili kumulu ukwebati mulande ati, nani alaya tuninina kumulu nokutuletela pano ukuti atulenge tulikutike, pakuti tulicite? ¹³ Kabili tali kwishilya bemba, ukweba ati mutile ati, nani aleya twabukila kwishilya lya bemba no kutuletela, kabili no kutulenga tulikutike, pakuti tulicite?. ¹⁴ Lelo icebo cili mupepi namebo, mutunwa twenu elo ne mitima yenu ukwebati mucicite. ¹⁵ Mona, lelo ndibukile pantanshi yobe umweo no busuma, imfwa no bubi. ¹⁶ Ngacakutila mulenakila kubupingushi bwakwa Yawe Lesa wenu, ifyo. nkomikonkomesha lelo muletemwa Yawe Lesa wenu, mulekwendela munshila shakwe, kabili mule sunga amafunde yakwe ne mibele yakwe, elo ne fipope fyakwe, mukaba no mweo no kufula, na Yawe Lesa wenu akamipaala mu mpanga iyo muleingilamo noku ikwata. ¹⁷ Lelo nge mitima yenu ilyalukile, mulifililwe ukukutika kabili mulitunkilwe no kukontamina kuli tulesa tumbi no kutushinshimuna. ¹⁸ Nolu nkalanda kuli mwebo lelo ukutila mucishinka mukaloba; tashakatantalile nshiku shenu mu mpanga mu kapitamo ukucila yordani no kuyamo elo noku kwata. ¹⁹ Naita umulu ne calo kukuba inte palwa mwebo lelo ukuti nimbika pantanshi yenu umweo nemfwa, amapalo ne fitiipu; eico shaleni umweo ukuti mube no mweo, mwebo no bufyashi bwenu. ²⁰ Citenifi ukuti mulekutemwa yawe lesa wenu, mulekunakila kwishiwi lyakwe, kabili mulekulambatila kuli ena. Pantu emweo wenu no kutantalila kwa nshiku shenu; citenici ukuti mulekwikala mumpangaiyo yawe alapile kuli bawishinwe, kuli Abrahamu, Isaki na Yakobo, ukubapela.