¹ Ulo umuntu abula umukashi no ku mupa wene, nga umwanakashi tasangile ububile mu menso yakwe pamulandu wakwebaa ati ali sangile ukumulembela umwanakashi icitupa caku mulekelapo, abika mu minwe yakwe, elo amutamfye na mu ng'anda yakwe. ² Ulo umwanakashi afuma mu n'ganda yakwe, kuti aya nokuyakuba umukashi wa mwaume umbi. ³ Nga cakweba ati umulume wakwe uwa eibili amupata elo no kumulembele umukashana icitupa caku mulekelapo, abika mu minwe yakwe, elo amutamfye na mu ng'anda yakwe; nagu nga cakwebati umulume wakwe uwaabili afwa, umwaume uwa mubulile ukuba umukashi wakwe- ⁴ elyo umulume wakwe uwakale, uwamutamfishe pakubala, tasuminishe ukubula nakabili aba uwakukowela; Pantu ico cikaba mipamba kuli Yawe. Tamufwile ukulengeshaimpanga ukushiniwa no bubi, pantu impanga iyo Yawe Lesa wenu akomipela mwebo nge cabupyani. ⁵ Ulo umwaume abula umukashi umupya, talingile ukuya ku nkondo nabo shilika, nangu ku mukonkomesha ukuya aku mulimo wa kupatikishiwa; alingile ukuba uwakakulwa ng'anda pa mwaka umo kabili alingile uku sansanusha umukashi wakwe uo abula. ⁶ Takuli mwaume uungabula impela nangu umwana wa mpelo nge cikatilo, pantu pali ico kuti mwatwala ubumi bwa muntu nge cikatilo. ⁷ Nga cakweba ati umuntu asangwe mubeba abantu munyina wakwe ukufuma mu bantu babena Isreali, amuleta ngo musha ne kumushitisha ena uyo umupupu alingile ukufwa; elo mukalekufumya imbifi mukati kenu. ⁸ Mulekuisunga kuli fyose ifikuko fya fibashi, pakwe ba ati mwaba abakutekanya ukomona no kukonka fyonse ifya pelwa kuli mwebo ifyo bashimapepo, abena Lebi, bafunda mwebo; ngefyo na konkomeshe bena, pakwebati mu kabombe. ⁹ Mulekwibukisha ifyo Yawe Lesa wenu acitile kuli miriamu ulo mwali kufuma mu Egupto. ¹⁰ Ulo wacitila umwina mupalamano icili conse ico wamwashimisha, taufwile ukuya ingila mu ng'anda yakwe ukufwayamo icikatilo. ¹¹ Webo wiminine panse, elo umuntu uyo wa yashimishe aleta icikatilo panse kuli webo. ¹² Nga kweba ati uyu muntu mulandu, taulingile ukulala ne cikatilo cakwe pa cakaniko cobe. ¹³ Ufwile ukushininkisha ukubwesesha kuli wene icikatilo panshta akasuba takalawa, pakweba ati asendame mucakufimbana cakwe elo akupale webo; kabili cikaba ubololoke kuli webo pa cinso cakwe Yawe Lesa wenu. ¹⁴ Tamulingile ukucusha umubomfi uyo mwaingisha umupina kabili umubusu, nangu mwina Isreali munenu, nangu umulebeshi uuli mumpana yenu mukati kamwishi wa musumba wampongolo: ¹⁵ Cila bushiku ulingile ukumupela amalipilo yakwe; elo akasubaa takalingile kuwa iyashi ilyabula kutapwa, pantu uyu umulanda emo ashintilila. Ucite ifi pakweba ati ukalulila mu musowa kuli Yawe, elo epakweba ati lwikaba lubembu ulo wa panga. ¹⁶ pantu abafyashi tabalingile ukwipailwa pamulandu wa bana babo nangu bana tabaligile ukwipalwa pamulandu wa bafyashi babo, elo cilamuntu alingile ukwipailwa pa membu shakwe umwine. ¹⁷ Taulingile ukubomfya ulupaka pa kupokolola umulinganya ufwile ukupelwa kubalebesha nakuli bakashiwa, nangu ukusendesha bamukamfwilwa icifwalo nge cikatilo. ¹⁸ Lelo, ulingile ukoibukisha ukwe ati nobe wine walipo umusha Egupto, kabili ukuntila Yawe Lesa obe alimipuswishe ukufuma mulya. Ico komikambisha ukubela ifipope. ¹⁹ Ulo mukosombola ifilimwa fyenu mumyunda yenu elo mwalaba umwanshi mu cilime ca myunda, tamulingile ukubwekelamo ukuya kuubula; ulingile ukuba waba balebeshi, bakashiwa, nangu bamukamfwilwa, pa kweba ati yawe Lesa wenu akalekumipela pa milimo ya mabo yenu. ²⁰ Ulo mukopukanya icimuti ca mwangashi, taulingileukuya ku misambo nakali ikalekuba yabaleshi, abana bashiwa nelo ba mukamufwi. ²¹ Ulo mukalonganika ifisabo fya myangashi, tamulingile ukusepako nakambi. Ifikashala fikale kuba fya balebesha, aba bula bawishi, elo naba mukamfwilwa. ²² Ufwile ukalekwibusha ukweba ati walipo umulebesha mu calo ca Egupto; ico kokukambisha ukukonka ukebela ifipope.