¹ Tamulingile kulolesha ing'ombe nangu impaanga ya mwina israeli munenu uko ileya iciyeye nakubelama kuli yena, mulingile ukuibwesesha kuli ena. ² Nga chakweba ukuti umwina Israeli munenu talimupepi namwebo, nangula tamumwishibile, mufwile ukuleta iyo inama kung'anga yenu, nokwikala nayena mpaka umwine atampa kuifwaya, elo mulingile kuibusesha kuli ena. ³ Mulingile ukucita cimocine na impunda yakwe; mulingile ukuchita cimocine na umwingila wakwe; mulingile ukucita cimocine na icintu ica mwina Israeli munenu, icili conse alufya elo mwacisanga; tamulingile ukubelama. ⁴ Tamulingile kumona impunda nangu ingo'mbe yamwina Israeli munenu iyi ponene mumusebo noku belama kuli yena; mulingile ukumwafwalisha ukuimya nakabili. ⁵ Namayo talingile kufwala 'ifya kwa shitata, na shitata wine talingile kufwala ifyakufwala fya banamayo; na uyo onse uwa cita ifi fintu camuselu kuli Yawe Lesa obe. ⁶ Nga cakuti icinsa ca cuni casangwa ukuba kutanshi yenu mu musebo, ku muti nalimo panshi, notwana utunono nagu amani mulicena, nanyinabo alikele pa twana utunono nangula pa mani, tamulingile ukusenda nyina pamo twana utunono. ⁷ Mulingile mwashininkisha ukuti mwaleka nyina aya, lelo utwanatunono mufwile ukuisendela. Beleni ili ifunde pakutila fika myendele bwino, nokutantalisha inshiku shenu. ⁸ Nga wakula ing'anda iipya, ukabikepo ulubango emukuti wikabika mulopa pa ng'anda yobe nga cakuti umo aponapo. ⁹ Tamulingile ukubyala mwibala lya mwangashi imitundu ibili iya mbuto, epali ifisabo fyapokwa nencende yamushilo, imbuto wabyele nefilimwa fya myangashi. ¹⁰ Tamulingile ukulimina ku ng'ombe nangu impunda pamopene. ¹¹ Tamulingile ukufwala ica cintobentobe ica pangwa namasako na kolokondwe pamo. ¹² Mulingile ukupanga ifisempe mufifutu fine ifya fyakufwala fintu muifwika. ¹³ Nga cakuti umwaume apita umukashi, elo aya kwingila muli ena, elo kabili aisa kumupata, ¹⁴ kabili amubepesha na ifintu fyamusebanya nokubika ishina ilibi pali ena, nokutila, " Nasendele uyu umwanakashi, lelo lintu napalamine kuli ena, nshansangilemo icishininkisho ca buna cisungu muli ena. ¹⁵ Elo wishi na nyina lyamukashana balingile ukutwala icishininkisho ca buna cisungu ku bakalamba pa mpongolo ya mushi. ¹⁶ Wishi wamukashana alingile ukusosa ku bakalamba ukuti, ''Napele umwana wandi kuli uyu umwaume nga umukashi, elo kabili aisa kumupata." ¹⁷ Moneni, alimubepesha nefintu fyamusebanya, ''Nshasangilemo ubushininkisho bwa bwina cisungu mumwana wenu umwanakashi.'' Lelo ici ecishininkisho ca buna cisungu ica mwana wandi umwanakashi; Elo bakanshika umwingila pa cinso ca abakalamba ba mushi. ¹⁸ Abakalamba ba ulya mushi balingile ukusenda umwaume nokumukanda; ¹⁹ elo balingile ukumupingula amashekele ya silfere umwanda umo, nokupela wishi wamukashana, pantu umwaume nabifya ishina lya kwa nacisungu wa Israeli. Afwile aba umukashi wakwe; talingile kumutanfya munshiku shakwe shonse. ²⁰ Nga cakweba ukuti ici cintu cacine, ukuti ubushininkisho bwa bunacisunga tabwasangilwe mumukashana, ²¹ balingile ukufunisha umukashana pa mwinshi wa ng'anda yakwa wishi wakwe, elo abaume ba mushi wakwe bafwile bamutobela infwila na amabwe , pantu nacita icamusebanya mu Israeli, pakucita ngacilende mu ng'anda yakwa wishi; elo mukafumya ububifi muli baimwe. ²² Nga cakweba ukuti umwaume asangwa nalala na umwanakashi uwa upwa kumwaume umbi, nishi balingile ukufwa bonse, umwaume uwasangwa nalala no mwanakashi elo nomwanakashi wine; elo mukafumya ububifi muli baimwe. ²³ Nga kuli umukashana nacisungu, uwaukobekelwa kumwaume, elo umwaume umbi amusanga mumushi nokulala nao, ²⁴ batwaleni bonse babili ku mpongolo ya mushi, na ukubatobela infwila namabwe. Mulingile ukutoba umukashana amabwe, pantu talilile, nangula line ali mu mushi. Mulingile ukutoba umwaume amabwe, pantu ali onawile umukashi wa mwina mupalamano wakwe; elo mukafumya ububifi muli baimwe. ²⁵ Lelo umwaume nga asanga umukashana uwakobekelwa mwibala, kabili uyo umwaume amunasha nokulala nankwe, ninshi umwaume uwalala nankwe alingile ukufwa. ²⁶ Lelo kumukashana tamulingile ukuchitako nangu cimo; takuli ulubembu ulukumine imfwa kumukashana. Na uyu umulandu uli kwati umwaume uwasansa umwinamupalamano wakwe nokumwipaya. ²⁷ Kabili amusangile mwibala; umukashana uwakobekelwa ali lilile, lelo takwali nangu umo uwakumupususha. ²⁸ Ngacakuti umwaume asanga umukashana nacisungu lelo takobekelwa, elo umunasha nokulala nankwe, kabili ngabasangwa, ²⁹ ninshi umwaume uwalala nankwe alingile ukupela amashekele ya silfere amakumi yasano kuli wishi wamukashana, kabili alingile ukuba umukashi wakwe, pantu namonaula. Talingile ukumutanfya munshiku shakwe shonse. ³⁰ Umwaume talingile ukusenda umukashi wakwa wishi nga uwakwe; talingile ukusenda insambu sha cupo cakwa wishi.