¹ Elo Yawe Lesa wenu akaputulako ku nko abo, impanga yabo Yawe Lesa akomiap, na ilyo mukesa pakati kabo ku kwikala mu misumba na mayanda yabo, ² Mukaipatwilako imisumba itatu pakati ka mpanga iyo Yawe Lesa Wenu akomipa nga icikwatwa. ³ Mukapange umusebo nokwabanya imipaka yampanga mufiputulwa fitatu, mumpanaga Yawe Lesa wenu akomipa ukuipyana, pakwebati uyo onse uwaipaya umunankwe enga fulumukilako. ⁴ Ili ekambishi likumine onse uwaipaya umunankwe kabili afulumuka kulya kukupususha umweo wakwe-uyo uwipeye umwina mupalamano pa nshita ya busanso. ⁵ Ku cakumwenako, umfwa umungtu aya mumpanga no mwina mupalamano ku kutema inkuni, kabili akobomfya isembe mukutema inkuni, umfwa isembe iyasokoka mumupini no ukukoma mwinamupalamano nao afwa-wene akafulumukila kuli umo muli iyi misumba na ukupususha umweo wakwe. ⁶ Epali kalanda wa mulopa apimpila njtala misoak kabili mukukaba kwa mutima wakwe umfwa intamfu yalepesha, amukoma no kwipaya, nanfual tali nokufwa iyo imfwa panshita yakunuma tamupatile iyo. ⁷ Eico nakukonkomesha nkusalapo imisumba itatu kuli wemwine. ⁸ Umfwa Yawe Lesa akusha imipaka yenu, ifyo alapile kufikolwe fyenu ukucita, na ukumipa impanga alapile ukupela ifikolwe fyenu; ⁹ Umfwa mwasunga amafunde yonse aya nokuyacita, ayo nkomi konkomesha Ilelo-amafunde yakutemwa Yawe Lesa wenu na ukwenda lyonse mu nshila shakwe, lyena mukailandilako naimbi imisumba itatu kuli mwebene, ukulunda iyi itatu. ¹⁰ Mucite ici ukutia mwisumya umulopa wakaele mumpanga ilyo Yawe Lesa wenu akomipela nga iyakupyana, nokutila mwiba na mulandu wa mulopa. ¹¹ Lelo umfwa umuntu apata umunanakwe, amulalila nokumwimina amuma imfwila, umfwa afulumukial muli umo wa misumba iyi- ¹² abakalamba bamusumba bakatuma nokumubwesha ukufuma kulya, nokumupela kuli lupwa, pakweba ati engafwa. ¹³ Amenso yenu yekamulilila bulanda; lelo, mukatandule ububi pa mulopa mu Israeli, kukutila cimiwamine. ¹⁴ Wikasesha umupaka wamwina mupalamano uwashimpilwe imyaka yakale, mubupyani ubo mukapyana, mumpanga iyo Yawe Lesa wenu akomipa. ¹⁵ Kambone umo ekemina kubunte pa muntu kuli conse ica mamapulu, kulubembu, muli conse icakubembuka kwakwe: Lelo pakanwa kabakambone babili nangula patunwa twabakambone batatu, umulandu onse ukashininkishiwa. ¹⁶ Umfwa cakutila kambone mubi aimina kubunte pafyakubifya muntu. ¹⁷ Elo abantu babili, abo abali necakulubula, bakeminina ku cinso cakwa Yawe, kuntanshi yabashimapepo na bakapingula muli isho inshiku. ¹⁸ Abapingushi bakafwailishe; bakambone, umfwa kambone wabufi abeela ubunte bwabufi kuli munyina, ¹⁹ Lyena mukacite kuli ena, ifyo apingile ukucita kuli wabo, mukafumye ububi pakati kenu. ²⁰ Elyo abashala bakomfwa nokutina, pa kutula apo tabakacitepo ubo ububi pakati kenu. ²¹ Amenso yenu yekamulilila bulanda; umweo nkalandula pa mweo, Ilinso pa linso, ilino pa lino, ukuboko pa kuboko ukulu pa kulu.