¹ Ulo imilimo yonse iyo solomoni apangile mu nganda yakwa Yawe yapwile, Solomoni aliletele mu kati ifintu ifyo Dabidi wishi, apatwileko ku mulimo uyu, ukubikako Silfere, golide na fyonse ifyakupwili shisha-alifibikile mukati umo basungila mu nganda yakwa Lesa. ² Elo Solomoni akolonganike abakalamba ba Israeli, shonse intungulushi sha mikowa, ne ntungulushi shandupwa sha bantu ba Israeli, mu Yelusalemu, ku kuleta icipao ca cipangano cakwa Yawe ukufuma ku musumba wakwa Dabidi, ico cili ni Sione. ³ Bonse abaume ba Israeli balikolongene pamo ku mfumu pa matebeto ayo ayaliko mu mwenshi wakulenga cine-lubali. ⁴ Bonse abakalamba ba Israeli balishile na bena Lebi balisendele icipao. ⁵ Baliletele icipao, Hema lya kwanshanshishamo, na fyonse ifya mushilo fyakuwamya ifyali mwi ihema. Bashimapepo abalimumukowa wa bena Lebi baliletele ifintu ifi. ⁶ Imfumu Solomoni na Bonse abaitilwe aba ku Isreali balilongene pamo ku cipao, ukupela icambo iya mpanga ne ngombe ifyo ifya imitanpendwa. ⁷ Bashimapepo balingishe icipao ca cipangano cakwa Yawe no kucibika pa cifulo ca ciko, mu muputule wa mukati ka nganda, ku cifulo ca mwashilisha, mwisamba lya mapindo lya ba Kerubimu. ⁸ Pantu ba Kerabimu bali fungulwile amapindo yabo pa cipao, no kufimba pa pa cipao mipendo bacisendelepo. ⁹ Imipendo yali iyakulepa icakweba ati impela ya iko yalikumoneka na ku cifulo camushilo kuntashi ya muputule wa mukati. Lelo, umuputule wa nomba tekuti bamoneke kunse. Bali nakulya kwine ukufika ne lelo. ¹⁰ Tamwali nelyo fimbi mu cipao lelo mwalifye ifipapatu fya mabwe fibili ifyabikilemo Mose ku Holebu, ulo apangile icipangano na bantu ba Israeli, ulo bafumine ku Egupti. ¹¹ Calishile fika ilyo bashimapepo baishile kufuma mu cifulo camushilo. Bonse bashimapepo abasangilweko baliishishe abene kuli Yawe, tababakile ifyakaniko fyabo. ¹² Nabo abena Lebi abali bakemba, bonsefye, ukubikako Asafu, Emani, Yedutuni, na bana babo abaume na bamunyinabo, balifwele insalu sha kalokondwe kabili balelisha ingoma, amapango na bansango, kabili bali minine ku kabanga ka cipailo. kwali bashimapepo umwanda umo na makumi yabili abalelisha amapenga abo bali nabo. ¹³ Calishile kuba pamo ukweba ati bakalisha wa mapenga na bakemba balishile lishisha pama, ukupanga iciunda cimo cikoumfwika, icakulumbanya no kutotela Yawe. Balisanswile amashiwi amashiwi yabo mu mapenga na mungoma na fimbi ifisolobelo, kalai bali lumbenye Yawe. Balimbile, ''pantu wa bune, pantu icipangano cakwe camuyayaya.'' Elo munganda, inganda yakwa Yawe, yali swilemo ikumbu. ¹⁴ Bashimapepo balifililwe ukwiminina mu mutande wa kupyunga pamulandu we kumbi, pantu ubukata bwakwa Yawe bwaliswile mu nganda yakwe.