¹ Nolu Solomoni alitampile ukukula inga'nda ya kwa Yawe mu Yerusalemu pa lupili lwa Moria, apo Yawe amonekele kuli Davidi wishi. Ena alipekenye incende iyo Davidi apekenya, pa lubansa lwa kusokwelapo ulwa kwa Ornani umwina Yebusi. ² Alitendeke uku kula pa bushiku bwa cibili ubwa mu mwenshi wa bubili, mu mwana wakulenga bune uwa kuteka kwakwe. ³ Nomba ifi efipimo fyamifula ifyo Solomoni ayanshike ifyo nganda ya kwa kwa Lesa. Ukubomfya umusango wa mikono yakale, mubutali yalilepele imikono amakumi mutanda, kabili mubufumo yalilepele imikono amakumi yabili. ⁴ Ubutali bwa muputule muputule wa kwingilapo uwa pa natanshi ya nganda bwali imikono amakumi yabili, ukulingana nobufumo bwa cikulwa. ukulepa kwa nganda nako kwali imikono amakumi yabili, kabili Solomoni alilambatike mukati ka cikulwa na golide uwalopololwa. ⁵ Alibikile ifyamumutenge mumuputale ukalamba ne mbao sha mulemu, iyo alambatikeko na golide wakupwililika, kabili ifyo abashilemo uluncindu ne minyololo. ⁶ Ali yemfeshe inganda na mabwe yamutengo; golide yafumine ku pafemu. ⁷ Alilambatileko golide ku fumuti, ku myako, kucibumba na ku fiibi, alibashileko abakerubi kufibumba. ⁸ Alikulile incende ya mwashilisha. Ubutalu bwamuko bwalingene no bufumo bwa nganda, imikono amakumi yabili. Alambatikeko golide wapwililika, uwali kufika ku matalanti imyanda mutanda. ⁹ Imisomali Yafinine amashekele ya golide amakumi yasano. Alilambatikeko golide kumiputule yali pamulu. ¹⁰ Abashile ifimpasho fya bakerubi babili aba mwa shilisha, ne ncenshi shalilambatikeko golide kuba kenibi. ¹¹ Amapindo ya bakerubi yalilepele imikono amakumi yabili yonse pamo; ipindo lya kerubi umo lyalepele imikono isano, ukufika ku fibumba fya muputule, kabili ipindo limbi lyali imikono isano, ukufika kwi pindo lya kerubi umbi. ¹² Ipindo lya kerubi umbi nalyo lyali imikono isano, ukufika ku fibumba fya muputule; ipindo limbi nalya lyali imikono isano, ukwikata kwi pindo lya Kerubi wakubalilapo. ¹³ Amapindo ya aba ba Kerubi yalifungulwike ukufika ku mikono amakumi yabili. Abakerubi yaliminine pa makansa yabo, kabili ifinso fyabo fyaloseshe mumuputule ukalamba. ¹⁴ Ena alipangike icipembi ca makumi makumbi isha kashikila, ishabusako bwakukshika, kabili ne nsalu iyatelela, kabili ali pikwililepo naba kerubi. ¹⁵ Solomoni kabili alipangile inceshhi shibili, ishalepele imikono amakumi yatatu na isano, isha pa ntanshi ya nganda, icitebo cali pa mulu waluceshi lumo lumo calepele imikono isano. ¹⁶ Alipangile imiyololo ya nashi no kuibika pa mulu wako, kabili ali pamgile na ama pomegranate umwanda umo nokuyalunda ku minyololo. ¹⁷ Alimike inashi pa ntanshi ye tempele, lumo ku kulyo, na lumbi ku kuso; ainike ulwali ku kulyo ati Yakini, na luceshe lwa ku kuso ati.