¹ Bowaowa a lohia lombau, lohia lo liyenge, lohia li mbindo mpe li obe! ² Betshokoki ata mohehe umoyi, li Mongalima, etshinoli toe li laye, etshihisi motema ngu Mongalima, etshikundji boya fili ngu Mongalima e ibo. ³ Bakumi emoli bekokani a batambo ine epali boholani nama a likose, mpe etshitiki, yema emoyi a kombe. ⁴ Ba profeta emoli belilesia, bebayi baito ba isuma. Banganga emoli bekela toki a bima i bosantu, mpe betsi tosi mibeko i Mongalima. ⁵ Mongalima ebayi momole a lohia lombau emoli, ekela bakita ba bosembo, kasi ta ebitake. kombe ngia eyeka bakita ine ekundji, etshilekisa ata mwasa emoyi. Ata imoli, baito bebitake betshokoki bosambo a bakita ine ekela bo. ⁶ Mongalima akaheka : Nga olaka bima esia, nga tshakaka ba mbele esondami ine epoti poo, nga yengesa ndole i lohia lombau e ibo okale, nga tshaka ba lohia lombau emoli. Ata mito emoyi eketaka mpe eyalakola eyelo. ⁷ Mbuse nga miyeka; soki Yesulame ekoyala a mayele mpe ekotose ngo, tina ebomoholaki etshi bayi a lingina, kasi baito emoli bekundji saka bokeli bakita ebitake. ⁸ Emoli ngo Mongalima leyeki ine botshinge ngo a mwasa ine ekolwa ngo bosambisi unu, nga hukola mokano li biionanganisi bima mpe ba lohia, po ine leyenesi kanda e ngo likolo e ibo, moki kwitu ekotikala a yoye i kando e ngo. ⁹ Emoli lengesia makanisi a baito a bikolo kwitu, leko petola ye mbebu e ibo po ine betshi tange Lina li bangalima bane bebayi a sumu, bo ngia beko sembele Soko ngo Mongalima, mpe bo ngia beko kela ngo ndenge emoyi. ¹⁰ Baito be hapane betshakani, bekolwa yesika mbale eliyange i Ethiopia, mpe bekalwele ngo bafako. ¹¹ Emoli mwasa, unu baito ba ha, botshokokoka bosambo po ebakita ngia i mobulu mpe i bitake ine bokelaki ngo, po ine le kotusia mito kwitu i lolendo kati e ino, mpe boko banda bokeli lofundo a lina lila li bosantu. ¹² Leko tika kali e ino sanga baito bane betshi bayi a lofundo mpe bane betsi bayi a yetole, bane belonga Molangalima a batele bo. ¹³ Baito ba Isalayele bane bekohukola betshi kela kwalingina bakita bibitake, betshi kela sumu kwalingina, betshi tusia kwalingina lia li sumu po bokele sumu a mito esiya. Kasi be kobanda boleyi mpe boyengali wali, so mito ekohangisa bo. ¹⁴ Bofa yetuli ye enanga, Bana owali i Sion! Bofa yetuli ye enanga, baito ba Isalayele, bo ofa bafindji, bana owali i Yelusaleme bonangele a motema kwitu. ¹⁵ Po ine Mongalima oko longela unu a bita une aka tomekaka unu; aka sesa banguna e ino kumi i Isalayele, Mongalima ebayi kati e laho, otsihanga bowa. ¹⁶ Emoli mwasa, bekoyeka a Yelusaleme: lohia lombau i Sion otshihonga, bafindji e laho etshilemba. ¹⁷ Yawe, Mongalima u laho ebayi kati e laho, lokulu e laye ebayi bowaowa oyé, ebayi a yenanga po e laho, lokundo lo laye ebayi bomwesi bomoi isika ebayi a enanga mpe e efa yetuli ye enanga po e laho. ¹⁸ Mongalima akaheka : lekotusia bosambo, lekohulesa ngino baito baha bane betshakani mpe belela po ine betshikundji ine bekele ngo feti. ¹⁹ A tongo imoli, lekeyena yetumbu a bane ngia benyokolaki unu, lekonanga bafwa a baito ba ino, lekohulesa baito bane bekiaki a motuku. Leko lengesia bosambo ine beyalaki bokokesi unu tolongo ngia. ²⁰ Emoli tango, lekowelesia unu a lohia ine, mpe lekosangisa unu ngia yelongo ku moyi. Leko mwasa unu lokumu, pe sango e ino eko tshakana kati e bikolo kwitu i moki. Unu angine bokwena emoli ngo Mongalima mito aka yeka.