¹ Lioi li Mongalima akaheka ngu Sofonia, mona u Cushi, mona u Guedalia, mona u Amoria, mona u Ezechias, a tango u Josias, mona u Amon, kumi i Yuda. ² Mongalima akaheka, le kotshaka bima ngia a moki. ³ Mongalima akaheka, le kotshaka baito mpe banama, moli li likolo mpe suwa li etima lifulakaka, baito bangwa bo angine. Le kofwesa baito a moki. ⁴ Le konanola lifindji li la likolo li Yuda, mpe likolo li baito ngia ba Yelusalema; le kofwesa litshika li Baal bi ine esikani. ⁵ Bane beofa biwi felo li mbele li mapinga li ekolo, bane beofa biwi a bolapi ndayi ngu Mongalima pe a balapi ndayi ngu kumi e ibo. ⁶ Bane bakayesa Mongalima nokongo, mpe bane betshipali Mongalima, betshi mwemi. ⁷ Hayi felo li Nkolo, Mongalima po ine mwasa li Mongalima ekalwa, po ine Mongalima aka pona baito ba ye bane Beko kenga lionza. ⁸ A mwana li lionza li Mongalima, lekomwesa yetumbu bana ba kumi, mpe bane ngia betola tulu li bafaya. ⁹ Emoli mwasa, le koyesa yetumbu a bane ngia behumboya likolo li mbele, bane beyalesi a bosili a lokulo mpe bane beyeba a mbele i motuke e ibo. ¹⁰ Emoli mwasa, ekoyala bo ngangi a mosela i suwe, a boleli a lobia lobawu esiyaka, mpe botshaki efulaku a yetikolo. ¹¹ Beyakakia Macthesch baka lela: po ine bane betamba baka bebisa bima ba ibo, baito ngia bane bebayi a basombo ofulaku baka holaka. ¹² Emoli tango, le kolala Yelusaleme a lotambe, mpe lekoyena yetumbu a baito bane beyali a bilongo e ibo, mpe beyeka a mitema e ibo: Mongalima etshikeli wali pe etshikeli obe. ¹³ Bima be ibo bekohukola la loluno, mpe mbele e ibo ekotshakama, ; baka fuka ba mbele, Beko tshiyala a imoli mbele, beko hona vinyl, kasi betshi noheya emilo vinyo. ¹⁴ Mwasa efulakaku i Mongalima eka koka, eka lwa inanga; mwasa i Mongalima eka koka, pe bane baka longa a bita baka ngonga. ¹⁵ Emoli mwasa ebai mwasa i boha ngoyi, mwasa i bowaowa, mwasa i botshaki, mwasa i tsima. ¹⁶ Mwasa emoli beko ofa lifili pe bongangi i bita po lohia lombau mpe yetuyu ine eka lila. ¹⁷ Lekoyisa baito a bowaowa, mpe bekoyela likolo libane bekali lolanda, po ine baka sumuka ngu Mongalima ; lekofilinga ngielo e ibo o ine limongiele, mpe minya e ibo o ine etshiyitani. ¹⁸ Mwasa i bohangoyi i Mongalima, a yoye li bombanda moki ngia ekoyihaka; po ine bekotshaka beyalaki a moki kwitu, ata basombo ko wolo ekotikala.