¹ Ngo Polo, mosaleli u Mongalima, apositolo u Yesu Klisto po ine bihinoli boyambi i baponami i Mongalima la bolembeli ano liekela ano lolenge eyali losambo, ² ine lihomi likolo li elikia ebumake biose ngia yene eteumina te tango kala la Mongalima ena etseke usuma, ³ pe etenesa liohi lilae a tango elae a botei liloba ine etesiameke ngo melongo u Mongalima, humesi e iso. ⁴ A Tito, mona owa e likinda la bohinoli bo iso: mina lisungi pebo hai bomwayaeli la Mongalima pe Yesu Klisto mumesi ya iso. ⁵ Le motsikaka a Kelete, po ine wise melongo une itsikali a bokengi, pe ine a metsindo meyaesi bakomeli a yetuka yemoyi. ⁶ La mito emoyi ano etsiki mbekombe ebayi abana la mwinoli bane betsikoki a bofakemi la bondumba pe botomboki. ⁷ Po ine esengeli ine mosali u Mongalima ayale mito ano etsngwela bo, ane mobaleli wa asambo u Mongalima. atsiyale a lolendo, kanda, bomoyi et pombo, lokulu pe isuma. ⁸ Kasi ayale nga ano mofuki bafaya, litsingi li baito wa wali, kati kati, sembo, so litono, hai. ⁹ Boyahesi a liohi li Mongalima ko une eteyamilo po ine likoke bolongami ko une eheki mateya ba santu pe bobile baito bane betsihinola. ¹⁰ Lo tsina katsi mingi baito beokofesi bolefo, batomboki batei ba lokuta pe baito isuma, ¹¹ la ibo isengeni buwaki monua. Be kombengesa bahota ngia la botei yene betsi teateya. ¹² Omoyi katsi e ibo, polofeta e ibo angine akaheka: baito ba Kelete baose ngia baeki ba isuma, nama imombelemu, solo i mbese. ¹³ Lo temo ebayi liekela. la tsina emoli sila kwaisia a bwemaeli tsina ine bayale a bwinoli botsiki litsi, ¹⁴ pebetsiyaesia a bekwe be bayuda pe a meko me baito bane betsila liekela. ¹⁵ Yema ngia ebayi peto po ebayi peto, kasi yema etsibayi peto po e bane bepulami a mbekombe, pe bane betsokoka, liele lia ibo pe bakita motema ba ibo beyulami a mbekombe ¹⁶ bekela yesili ye bolembeli Mongalima kasi be molambola a tomo yaibo ine ibayi loko, metomboki, pe etsikoka bokeli likita limoyi li wali.