¹ Naomi, ima obili, aka moyekela: mona owa owali, lekundji ine le matelas oye bohami po ine obane a enanga. ² Olembeli Boaz, obandaka bokele ngwa ye ilongo imoyi a baito baye ba yesili ba owali, ye ebayi monginena e iso. Bonombe a likose ekokia botuti Orges po e botusesi uma. ³ Ya saye mpe o a pita baina, tola tulu eyitani, mpe kiaka esikani ye etuta uma. Kasi soyenesana a ba iso e laye, tii tango ekofwesa boleyi mpe bonoyi. ⁴ Mbuse, Lita wali yelonge ye ekaengala mbuse imoli kiaka botusesi bolangeli esikani ewaki mekele e laye, mpe yengala eyelo. ye mangine eko moyekela bakita ine ekoki oye okele. ⁵ Aka mowulesela : lekokela ba kita ngia ndenge eyeki oye. ⁶ Akakia a etutelp, mpe akakela ndenge eyekaki ima obili e laye. ⁷ Boaz akalia mpe akanwa, motema u waye eyalaki a yenanga. Akakia boyengoli kelekele i likisa li'matiti. Luta akalwa tayitayi, akatusesia bolangeli a mekele e laye mpe akengala. ⁸ A momoloi botsio, Boaz akumwa a mbala emoyi, Aka kamwe tango akena mona owali engali a mekele e laye. ⁹ Akaheka : oyenda? Aka mowulesela ngo Luta mito e laho yesili wake ngo a tulu e lahoo po ine obayi a makaki li lisiko. ¹⁰ Mpe akaheka : Mongalima abenisa oye, mona owaowali. Po ine boboto ine okalitesa sikene a lihota li molome e laho, eyeteli ine olitesaki ngu ima obili e laho. Okoki ine opale palanga umoyi u olome ano ebayi abozwi to ine etsibayi abozwi. ¹¹ Sikene sohanga Mona owaowali, lekokela bakita ngia ine olombi ngo. Po ine baito ngia a lohia belembeli ine obayi mwali eyitani. ¹² Ebayi solo lebayi a makoki li lisiko, kasi monginena esiya emweteli ngo. ¹³ Oyengole ine, akombe, la akakunda bosili oye, asile oye. Kasi la etshikundji bosili oye, ngatena seleka a lina li Mongalima li bomoi ngo mangine leko mosila. Oyengale ane tii a kombe. ¹⁴ Akengale asese e mekele e laye tii a kombe, kasi akatsa a kombe po ine baito betsimoyene. Boaz akaheka : etsibayi wali mito esia alembele ine mwali umoyi etengalaki ane. ¹⁵ Tango ekundji ine ake, Boaz aka moyekela: tandola liputa e laho e tala wali Luta akadola emoli, Boaz aka mwesa bakatini mbale omoyi i Orge; mpe akisela ye a mata mbuse emoli akawula a lohia lombau. ¹⁶ Akatsa ngu ima obili, Naomi akaheka: eboyi oye, Mona owaowali? Luta aka moyekela bakiti ngia Boaz ekulaki ye. ¹⁷ Akaheka kwalingina : aka mwesaka ngo ba katini mbaleomoyi orge, mpe akaheka: otsiwula a soyemo a o findji ngu ima obili. ¹⁸ Naomi Akaheka : nange motema, Mona owaowali, tii tango okolembela emoli likita ekosuka yahondenge. Po ine Boaz ekokela ngia po afwesi emoli likita sanga bonombe.