¹ Pe aka enese ngo liange li bomoi, sangi sangi oine nele, etsua ngu keke ye Mongalima la mpata. ² Kati kati i yesikani i hia lifulaku pe mbale a mbale ye liange, uteyalaka mote e bomoi, e hota mbuma mbala laho la iyele, e aesa mbuma elahe sanza kwitu, pe nkasi iyahe eumesa miki. ³ Boteni yelambo botsiokoyala.Keka ye Mongalima pe ye mpata eokoyala momolo e hia lifulaku; metuke meyahe beokomokeela yesali pe beokomwena a bosio, ⁴ pe lina lilahe eokoyala likolo li bosio yeibo. ⁵ Otsio etsiokoyala; pe betsiokoyala a yeposa ye ifefene ata ye bongengi, fuko ine Mokonzi Mongalima eokobaesia mwenzi. Pe beokoyala a keka bikeke la bikeke. ⁶ Pe aka ekele: baane bahoyi bebayi bo liekela, pe Mokonzi, Mongalima me melimo mo ba polofeta, etomaki moanze owae po e boenesi la metuke meyahe bakita bine bilwa sikane. ⁷ Pe lita, leyeli sikane. yenanga ano ebateli bahoyi bine beteekaka felo felo la ano buku ⁸ Ngo ano Yoane, ano eokoki pe eeni woo bakita. Pe yekeleko eokoki pe eeni ngo, le yafilingaki a mekele me'anzelu ano bemwenesi ngo po e bo mokumesi. ⁹ Kasi akaekele: So kela woo akita! lebayi mwinena owao e yesali, pe ye banginena li ba polofeta, pe ye baane be batela bahoyi be ane buku. Kumisa Mongalima. ¹⁰ Pe aka ekele: so susa bahoyi bine beteekaka felo felo b'ine buku. Fuko ine yekeleko yeka belema. ¹¹ Ano etsiki boyengebene atsikale la bolimbi boyengebene, ano ebayi a mbindo ayapule kwa ituta; pe moyengebeni akele kwa ituta boyengebeni, pe ano ebayi mosantu aya tsangesi kwa ituta. ¹² Lita, leyeli sikane, pe lifutsi lila libayi ngwa, po e boaesi mito la mito ndenge ekeli ye. ¹³ Lebayi mito'o felo mpe li sukaka, bofelo pe mbuse, obandeli pe b'otungi. ¹⁴ Yenanga la baane besoha kanzo yeibo, po ine baukole ndingisa li mete e bomoi, pe ba hole a mosela momolo u hia lifulaka! ¹⁵ A heholo, mbwa, baane beluta baito, baane bekela boseka, baane beolaka, baane bekumesa bikeko, pe baane bekundji pe beeka isuma! ¹⁶ Ngo, Yesu, letomaki anzelu ela po eboekeli onu baane bakita a bisambo bieino. Lebayi bolengela pe liota li mbuse li Dawidi, ngiengi u ikombekombe. ¹⁷ Pe Molimo pe mwali beeka: lwa. Pe ano eokoki eeka: lwa. Po ine ano epala baye alwe; pe ano ekundji, asile baye ba bomoi, atsiende. ¹⁸ Le eka la mito ngia ano eokoki bahoyi bine beteekaka felo felo e ine buku: La mito ak'isayema yesiaka, Mongalima eokomofa a bakita mbe ndenge ikomami a ene buku; ¹⁹ pe la mito ak'okofesia mai peni e yene bahoyi bo buku le bakita beteekaka felo felo, Mongalima eokokofesia biyae bi mote e bomoi pe ye hia lifulaku yesantu, ndenge ikomami momolo e ene buku. ²⁰ Ano eeka ene bakita akaeka: Ngi'nola, le lwa sikane. ko oyo! Lwa, Mokonzi Yesu! ²¹ Ngolu e Mokonzi Yesu eyale la ino kwetu.