¹ Polo, bobwani bo Yesu Kilisito, pe mongwaya Timote, la Filemo, ba-lokundo lo iso pe mwinina o iso o mesala, ² A moseka owa Apia, Archipe, mwinina owa o tuma, pe la yekelesia yene ye bai katsi e mbele elaho; ³ mina ine ngolu pe hai i yaesameli onu la bine bilui ngi Mongalima Aha o iso pe ngi Kolo Yesu Kilisito. ⁴ Le ulesa tango ko etu ngolu a Mongalima u wa, bo mwisi katsi e sambo iya, ⁵ Po une le bai la bolembesameli onu bo bo inoli bone boyali ngi Kolo Yesu Kilisito pe la lokundo lo aho po e ba santu ko batu. ⁶ Le molonga ine bo yayelesi bo aho katsi e bo inoli bo yale bopotake po e tsina e Kilisito, l bo enesi katsi e iso ndenge ngya i wali. ⁷ Ngo, solo, la okokoka yenanga mingi pe bo ya okofesi bowaowa a tsina e lokundo lo aho; Zambi la ndole elaho, mongwaya, motema mo basantu ;ote isela. ⁸ Tsina emoli, sumi ko leyali katsi e Kilisito la bosomi ko atu bo mweasi motindo po ine i bai wali, ⁹ I longami penza po e lina li lokundo nde le motomela losambo, bo litaka ene ndenge ebai ngo, Polo, moholo, pe bo eteli sikane mombwani o Yesu Kilisito. ¹⁰ Le molonga ohe po e mona owa, ano ete ote ngo e bai katsi e minyololo, Onezine, ¹¹ Ano mbala e felo etsi te biaka a litomba po e laho, kasi ano sikane aka bia litomba, pe kwa ohe pe kwa ngo. ¹² Ngo nga mo inesela oye ye, mesolo meha matuke. ¹³ Le kundaki bo mooyalesi kelekelela, po ine a ende ngo a isikani iyaho, ene tango eyali ngo katsi e menyololo po e mboli nzali. ¹⁴ Kasi, nzi te kundaki ata yemoyi bokeli so bo lembeli ene ndenge eko ena oyo, po ine bo itanake bo aho botsi yali bo lokulu, kasi iyali bo lokundo. ¹⁵ Imba yalaka ete fakana laho po e tango emoyi po e tango,po ine omo ukole po e seko, ¹⁶ Ata ine motuke, kasi ano e eteli motuke, aine monginena bo-lokumdo, uwa penza, pe uwao la lolenge lone lo kokoni, sumi kwa monio, sumi kwa molimo. ¹⁷ Lambi kahe oya iki ngo aine mwinina o aho, o mofuke aine ngo matuke. ¹⁸ Pe la ete mo kela yema yemoyi mabe, to la e bai la bo uneseli oye yema yemoyi, isa o likolo li ha. ¹⁹ Ngo Polo, le komi oyo la bandala iya matuke le ko enda, po ine le tsi mobekeli ine oyo pe okoki oye matuke bo inesli ngo. ²⁰ Eyee, mongowaya mina ine le ukole ngwao lio mbano, katsi Kilisito. ²¹ La bo isi yelikia likolo li botosi bo aho nde i mokomele ngo, la bolembelika ine okokela bo eteli ene ye beka ngo. ²² Ko emoli tango, kengele ngo mbele e bo engali, zambi le kanese bo lui aho, a ndole e sambo i aho. ²³ Epaphras, mwinina owa u bombwani katsi e Yesu Kilisito, ²⁴ Le mo ka lwesa, la pe Malako, Aristarque, Demas, Luka, ba inina baha ba mosala. ²⁵ Mina ine ngolu e Kolo eiso Yesu Kilisito e yale le molimo u wao.