¹ Biekelo lokolo li Ninive, buka e profesi e Nahumu, d'Elkosch ² Nkolo ebai Mongalima liembanda Eyangwesa; Nkolo yangwesa, eyali a efela u wanga; Nkolo Eyangwesa ngi baito bane etiokana ahibo, esusa kanda ngioo. ³ Nkolo eyali tai a wango, ekolongi po e lokulu, etshitika metuke. Nkolo e hela kati efofo, kati e lifofo; meye mebai limungele e mekele miyae. ⁴ Elahe etima lifulaku mpe emoweasa, ekela bohalesi liangengia, Basampe Carmel enonganonga, fololo u pote iyalasa. ⁵ Bitsikolo bihuwa felo elae mpe bisiaka bihunauna; Mwana u yayemalesa felo e bosio bolae, moki pe a baito ngia. ⁶ Nda emala felo e wango elae? Nda ekombwa bwango lifulake lilae? Wango ulae itshangana aine yohe pe babanga bihunia felo elae. ⁷ Mongalima eyali bonamu, eyela bosusami o mwasa u menyoko, elembeli bane be yahisa alae. ⁸ Kasi kwa bituka biliali ekombesa lohia lombau, mpe ekobila banguna bilae tu katikati e lihita. ⁹ Mbi embe ukanisa po Mongalima? Ye nga embengisa. Bonyokomi itshikwenena mbala yele. ¹⁰ Po ine isumbana aine keke, mpe aine mulangwa u pombo eunu; behekohakesa aine ndele ihangali, kwitu. ¹¹ Ngwao etoi ano ekanesa mabe po e Mongalima, ano eteyala a bakanesi bebitsi. ¹² Sikane Mongalima akaheka: sumuko iyali wali le efela, bekwa unauna pe pekolimwa. Lehekohokesa bosambo, po ine litsimokokesa osambo. ¹³ Leko hunana sikene mbekombe likolo lilao, pe lekotena bombwani ilao. ¹⁴ Ena ene ekatoma Mongalima ngwao: okotsika bakitana bane bekohukola lina lilao, lehe kohokesa a mbele e Mongalima elaa bafoto bekeli a fote, lekokenga kunda elao, po ine oyali bofofoake. ¹⁵ Ena likolo lingomba mekele mibasa koli bene behekelaka hai! Nangela biyenga bilao, Yuda, kokesa mekano miyao! Po ine baito mbe bekotshieta katikati elao, etshi okwenana asiaka