¹ Mongalima akapomela Yona mona olome u Amithai: ² Emala, kiaka a lohia lo mbau Ninive, pe bekela boo ine ete mabe e ibo ekaluele. ³ Yona akakia, pe akatsila a Tarsis yesika li Mongalima. Akaena mai masuwa ene ekia a Tarsis. Akaenda mbela e mobembo e lahe pe aka hola a masuwa po ine ake a Tarsis yesika li Mongalima. ⁴ Kasi Mongalima aka toma yefofo efulaku a liange efulake, yefofo emoli ekalilesa mbonge, wato efulake ekabanda boningani pene ine ipasuke. ⁵ Ine baito betambwisi masuwa ba ka anga, pe mito la isia aka banda bosambeli e lahe Mongalima po e boumi, baka banda bofilingi bima bine eteyaka katsi e masuwa po ine masuwa elile fefele. Yona ete engala sese e wato. ⁶ Loo Kapiteni akaya fila kelekele e Yona la bomwekeli: Oye o engali po e mbi ? Emala pe ondela Mongalima e laho. Po ine mbala e to kanisa, pe e to umesa po ine totsi wa. ⁷ Bane baito beyalaki katsi e masuwa bakaheka : To ofe zeke po ine tolembele mito nda katsi e iso aka totolesa ene pasi. Baka ofa zeke, pe zeke emoli ete kwela Yona. ⁸ baka mwekela: bekele usu, po e mbi tobai a ene pasi? Oye okelakola mbi ? Otwei kohe ? moki u waho mbi? ⁹ Yona akalengesa bo monua: Ngo le bai mito e Hebreu, le sambela Mongalima e likolo, mito ete kela mbu pe liange efulaku. Ngo le motsili. ¹⁰ baito e ba masuwa baka banda boangi, pe baka moekela: oka kela lo ndenge po e mbi? Bane baito be lembeli ine te Yona etsila esika felo e Mongalima. ¹¹ Baka moekela: Usu to kokela oyo mbi po ine liange efulako eyale hai po e iso? A tango emoli, mbonge eteyalaka sanga makasi. ¹² Akaulesela bo monua: bo sile ngo pe bofilinge ngo a liange mbuse emoli liange efulako ekoyala hai po e ino, ngo le lembeli ine te mbonge efulake ene etombokeli onu po e tsina e la. ¹³ Baito ba masuwa baka meka bofili wato kelekele e mokili, kasi betsi koki po ine mbonge elua makasi ngi boo. ¹⁴ Sikane baka banda bobeleli Mongalima une: Aa, mongalima, oto tsiolake usu kwitu fukone mito omoi, oto tsitolese usu ngelo e lahe! Oye mito mangine obai a lokulu i bokelei ene okundji. ¹⁵ Mbuse emoli baka sila Yona pe baka mofilinga a liange, pe mbala emoi hai ekalenga a liange efulake. ¹⁶ Baito emoli ba ka ang Mongalima, ba ka moesa lifako pe ba aka motenela ndayi. ¹⁷ Mongalima akatoma Swe efulake po ine anoe Yona. Yona akakelaka baose basaso botso la mwasa a solo e swe emoli.