¹ Mbuse e yeleko ye felo, mbala na mbala mpe la kinda bofela, bobekeli baha ba iso kune ndole ba Profeta. ² Mongalima, katsi e yene yeleko, aka to bekela la ndole e Mona olome, ano ete lilesa yee mosangoli u bima ngia, kola yee aka kela mwano, ³ pe ano, boyali lolenge lo longumo lo ahe pe yebomo ye bomito bo ahe, pe bo inolesi bima ngia la bopomake bo ahe bo lokulu, ete kela boptolami bo basumu pe ete ya yalesa la lilome li bokumi bo Mongalima katsi e bisikani bililami likolo. ⁴ Bolengi ko loo kinda likolo li ba Anzelu bane bete sangola la lina li itani aine lia ibo. ⁵ Po aine ngi nda katsi e ba Anzelu Mongalima etsi bekela yee: Oye obai Mona awaolome. lite mo ota bo noombe! Pe ko aituta: Leko bia po elahe Aha, pe yee okobia po ela Mona olome. ⁶ Pe ane ehulesi aituta katsi e mwano mohotami u felo, a te beka: Mina aine ba Anzelu ngia ba Mongalima ba mo kembele! ⁷ Ko aituta aka bekela boo: Ano ete kela ba Anzelu yefofoo, Pe basali bahe londemo lo yohe. ⁸ Kasi ete bekela Mona olome: Keka elaho e bokumi, O Mongalima u seko; Motungu u bokumu bo aho mo bai motungu mo bosembo. ⁹ Ote kunda boyengebeni, pe ote fina ine itsi longobani la Mongalima, Tsina-emoli, O Mongalima, Mongalima u aho ete mopita la baina ba yenanga likolo li bane bekokani la oye. ¹⁰ Pe aituta: Oye, Kolo, ko libandela ote fuka mbu, pe yoo bibai mesala me ndala i aho; ¹¹ Bi okofola, kasi oye oko tsikala; Be oko kwa meholo aine tulu. ¹² Oko nanga boo aine kasaka pe be okolengama; Kasi oye, o okotsikala oye matuke; Pe bikeke bi aho bitsi oko fwela. ¹³ Pe ngi nda jatsi e ba Anzelu etsi te bekela oye yee: Yala a lilome lila; tee ko ane eko kele ngo banguna ba aho bo iseisi mekele? ¹⁴ Beti bai boo ngia melimo bane besalela Mongalima, betomami po e bokeli lingomba po e lokumu lo bane be koki basangoli boumake?