¹ Bilanga yele bi bokumi e Darius, ngenge e mbale omoi mwasa o felo, Profeta Agai akapomela Zorobabele mongo o Schealthiel, mokambi ye etuka e Yuda, Josue mono o Jotsadak, mokonzi e basali ba mbele e mongalima, liohi line li teluaka ngi Mongilma: ² akaheka ko oyo, Mongalima li mapinga: liota ine eyeki: Ngonga i botongi mbele e mongalima etsikoki. ³ Tsina emoli liohi li Mongalima liteasanaka kwa profeta Agai ngi boo ane baohi: ⁴ Ebai tango eino i boyali a mbele ine bokaisaka langi la mbele imotsi ikambenga? ⁵ Akaheka ko oyo Mongalima i mapinga: bolite sikane ba ndole eino a bokebi komotu! ⁶ Bo hona ofela, pe bo huna peeni, bo lia kasi botsi liali, bonua kasi botsi fwesi kamo, botoli tulu pe botsibai a lumbe; lifutsi li mito sombi likia pamba. ⁷ Akaheka ko oyo Mongalima li mapinga: Bolite sikane ba ndole eino a bokebi komotu! ⁸ Bolile a etsikolo, botole mete pe bofuke mbele: le konangela pe le kokumesama, akaheka Mongalima. ⁹ Bokahisaka yelikya a ofela, kasi sikane bokahukola peeni; bokahulaka helo ngino, kasi nga hambolaka. Po e mbi? Akaheka Mongalima li mapinga. Po e mbele ela ine likambenga, kasi onu bowelela mito la mito po e mbele e lahe. ¹⁰ Tsina emoli likolo ekafetela onu mahue, pe mbu ekafetela onu bima e lahe. ¹¹ Nga etaka bokauki a moki, likolo li bitsikolo, fate, li vinyo, li baina, bima ko itu mbu esaka, likolo li baito, e nama pe likolo li esili ku ito bi ndala. ¹² Zorobabele mono olome o Schealthiel, Josue mono olome o Jotsadak, mokonzi e basali ba mbele e Mongalima, pe baito ko motu bane betsikali ba bakaokokaka lohame lo Mongalima, Mongalima e ibo pe baowe ba profeta Agai ano ndenge lotomo aka moesaka Nkolo, Mongalima e ibo. Pe baito bakayalaka a bobangi mbele u felo e Mongalima. ¹³ Agai, motomami li Mongalima, akaheka a baito a ndingisa e Mongalima: Mongalima akaheka, ngo lebai a ino. ¹⁴ Mongalima aka ongola bayele ba Zorobabele mona olome o Schealthiel mokambi ye etuka e Yuda, ba Josue mona olome o Jotsadak, mokonzi e basali ba mbele e Mongalima, pe mayele e baito esiaka. bakalua pe bakakela esili a mbele e mongalima e ibo, ¹⁵ ngenge mbalemoi mwasa u metuku mele la mekeleka u bakumi u Darius.