¹ Ye enoseli ye Mongalima. Ye te enesanela ngi profeta Habakuku, ² tee kohe, o Mongalima? Ngai sumbo mehui pe otsi okoka! Nga sumba mehui la yekakateli. Po otsi sunge! ³ Po e mbi oenesi oyo ngo bosamboli? pe mbi ilita oye boseko? Po e mbi menyoko pe yekakakli biyali yo felo e la? Bitole toika fula pe lienge li lila. ⁴ So ko oyo mobeko motsibai la tsina. Bosembo botsibai la lokulu; po ine mito o bolema elonga mito o semba. Pe betena mosamba la isuma. ⁵ Filinga baiso katsi e meki, lita, yala la boka mwe, poma ! Po ine nga kia bokeli pe e baose ba ino mosala umoi. Une ukoinola onu la baka tangoela onu. ⁶ Lita le oko sumbanesa baito ba Kaldee, baito ba kanza epotisi pe baito beyela luwele. Bane betenesa bisanga bimoki. Po e boluholi la ngolu mbele ine etsi bai ya ibo. ⁷ Ebai yekakili pe matata, soko ye matuke nde ekela kune ekundji ye. ⁸ Punda i eteli nkoy l luwele, ibai luwele ane puputu e botsio, pe bane belili likolo li punda i ahe be yalala e nzombo; bane beyela likolo li punda belua yesika. Beyiba aine nzoo ane e oloka nama. ⁹ Boo baito ngia belua po e boluholi la lokulu; baiso bahe beyali mu bobangesi, belita saka felo. Peesangesa baito ba linga aine ngene. ¹⁰ Etsi bai la bonkonde ngi bakumi ba lohia, pe baenesa baenga bakumi lisengia; be hola bitut bi pose ngia. Befakanesa mbu, pe esila yoo. ¹¹ Ko oyo bolema bo ahe bolilo likolo, eyela lokende so bohomi, pe ekela kune ekundji yee. Lokulu lo ahe, lo ebai u ahe Mongalima. ¹² Otsiyali po e seko, Mongalima, Mongalima u wa, Mosantu u wa? Totsio ko wa! O Mongalima! o te asia bane baito bokumi po e boteni mosambo, o Mongalima, litale lila, oka mosambasea po ine a aesi baito bitumbu. ¹³ Baiso baho beyali petwa po e boeni bo be, pe otsi koka bolite basumu. Po e mbi elita oyo baito ba isuma, pe enanga oye monua? Ane e ahaka mito a kanza ano ebai la semba bo moeteli? ¹⁴ Okokanesa mito la swe i loye, aine fele ine ilumbi matuke. ¹⁵ Eloba la ndobo. Embwa bo katsi e monyama u ahe, esangesa bo katsi me nyama me ahe, ko oyo eyali yekatsi e enanga pe katsi banangi boeteli. ¹⁶ Ibai yo ko oyo, e aesa filinga monyama o ahe. E aesa monyama o ahe libonza li mbaka. Po ine eyeli po e monyama e mbwa ye bima bi baina. Pe bilutu bi ahe biyali monamu. ¹⁷ monyama u ahe mokoki bofweli. Pe baose ngia etenakola ngingo so bowaowa bo meki?