¹ Tofile, leekaki, a buku el e felofelo, ine kwitu itebandaka Yesu bokeli mpe bohani tee a yebandela. ² Tee a mwasa une utelila yee likolo li loola, mbuse e bwayi metsindo meyae, a ndole e yelimo yee tsangaa, ngi bantomani betemwinolaka yee. ³ Mbuse e bonyokolami, akatwela wo ko mosuake, mpe akenesia wo bitalesi linzi, la boyenesi aibo baose metuku mekeleka, mpe boeki bima bilitsi bokumi bo Mongalima. ⁴ Kune eteyalake yee laibo, akaya wo metindo me boyali a Yelusaleme, kasi bwambeli ine iteunaka Aha, ine itetangoela ngo onu, akaekela wo; ⁵ Fuko ine Yoani etebatesaka a baye, kasi onu, a baose peni, bokobatesama a yelimo ye tsangaa. ⁶ Boye une eteyalaka bantomami isikani imoi bakamwihola: nkolo, ibayi oyo ine a yo yekeleko nga ekwisa oye bokumi bo Isalaela? ⁷ Akineselia bo: onu botsikoki bolembeli bikeleko sumi nga tango ene eisi Aha la bokumi bawae mangine. ⁸ Kasi boukola ombe nguya, yeelimo ye tsangaa bolwei likolo lyaino,mpe bokobya ba temo bawa a Yelusaleme, a Yudea kwetu, a Samalia, mpe tee a mesiko me mbu. ⁹ Mbuse e boeki oyo, akahumboa likolo yekeleko yeteaka wo bemolita, mpe lipata li loola lika molika a baiso baibo. ¹⁰ Mpe kune eteaka baiso baibo bolitsi likolo ane ekya yee, lita, baito baele betoli tulu ipemake bakatxela wo, mpe bakaeka: Balome bagalilea, mpo embi emali onu bolitsi likolo? aho Yesu, ano etekyaka likolo li loola katsiktsi eino, eokolwa ombe kwemoli mbolo etemwenaka onu bokei a loola. ¹² Bongo bokaula a Yelusaleme, a itsikolo itomi i ba Olive, ine ibayi kelekele e Yelusaleme, a takaa e ndole e Sabata. ¹³ Yekeleko yekatsuana wo, bakalila a yefinzi ye mbele ane eteyalaka bo: itebyaka Petelo, Yoani, Yakobo, Andele, Pilipo, Toma, Batelemi, Matiasi, Yakobo mona o Alife, Simoni mo'Zebota, mpe Yuda mona o Yakobo. ¹⁴ Wo kwatu bakokokana bumoi la bolongi Mongalima, la baali, mpe Malia, inena o Yesu, mpe la banginena ba Yesu. ¹⁵ Wo baose Petelo, akemala katsi e banginena, yefalo ye baito lisanga beteyalaka amba mokama a metuku myele. Mpe akaeka: ¹⁶ Banginena balome, isengelaki ine iteekaka yelimo ye tsangaa katsi e likomi ikokesame, a ndole e monwa u Dawidi, tsina e Yudasi, ano eteyalaka sengaki e bane betebwaka Yesu. ¹⁷ Etetangemaka omoi oiso, mpe eteyalaka a lisango katsi e lone lotomo. ¹⁸ Aho mito, eteukola yehua a lifutsi li boolaki mito, ekwei, mpe akabunea katsi e bilongo, mpe mesolo meyae mekatsangana. ¹⁹ Likita liyalaki la bolembelani a baito ngia ba Yelusaleme ine yo yehua yetakamaki a monwa waibo Hakeledama, ikaeka ine, yehua ye ngelo. ²⁰ Ainzi nga, ikomami a buku e baombo: ine isikani iyae itsikale bokunda, ine mito so omoi ayale aho! mpe ine osiaka mito atole moliko uwae. ²¹ Isengeli ine, katsi e bane beelaki laiso yekeleko kweetu iyene yumaki Nkolo Yesu laiso. ²² Bobandi a batisimo ba Yoani tee mwasa une utelila yee likolo katsi eiso, omoi ayale ano ekoki bosangani laiso aine temo e bumake bowae katsi e loko. ²³ Bakatusia baito baele: Yosefu etamaki Balasabasi, a lokombo Yusutusu, mpe Matiasi ²⁴ Mbuse bakalonga Mongalima: Nkolo, oye ano elembeli metema me baito kwatu, tusia ondei katsi a baele eminoli oye, ²⁵ Tsina ine aukole isikani a lone lotomo mpe a bone bantomami, bone bomini Yuda fuko e bokei a isikani iyae. ²⁶ Bakota tseke, to tokoia tokakwela Matiasi, ano akasangana la bane bamoi bantomami laabo a omoi,