1
Moholo, Kaliusu, mokundami, ano bekundji a soolo.
2
Mokundami, le mwekela ine o tsikale a bima ngia pe yala a ilongo ihitani, kwine e tsikali bomito e laho.
3
Liteyaka a yenanga ofela, tango ete twanaka bangamwe pe bakahekela po e bo soolo ine eyali ngao, ndenge yeheleli hoye katsi e bo soolo.
4
Letsiki bofela u enenga nga okoki ine bana owa behela katsi e bo soolo.
5
Mokundami, okela ko ndenge okelaki ngi bangoaya, pe aisiaka ngi bangoanwe ba ngemba,
6
bane behekaki po e lokundo lo lao felo e lingomba. okokela wali po e lokundo lo ibo lohitani ngiMongalima.
7
Po ine nga lina li Yesu Klisto beheki bo, so sila yema e bapakano.
8
Tokoki bohinoli bo baioto, po e oyali bohi la ibo po e soolo.
9
Letekomaka isiaka baoyi lingomba; kasi Diyotelefe, ano ekundji boyali felo e ba moyi, etsisala osu.
10
Nga po e emoli,la lekia bweni unu, lekomwekela mesala ikela ye, e boheki ndenge itsitani po e osu; totsinangela a lo, etsisila bangwao, la basiaka bane bekundji bokeli, efetesa wo la botsaki wo a lingomba.
11
Mokundami, so kela mbeko mbe, kela nga mbeko ndjali po ine ano ekela mbeko ndjali eyali e Mongalima; ano ekela mbeko mbe etsiheni Mongalima.
12
Ngia, la bosoolo yemangine, beheka temo e monamu ngi Demeteliusu; osu pe, to mohulesela temo, pe olembeli ine temo osu eyali wali.
13
Le kohukola yefela i bima e bokomeli hoye, kasi ndji kundji okeli la mokeke.
14
Le nangela bo mweni sikene, pe tokweka monwa a monwa.
15
Bo hai uyale a lao! bangoanwe baka mweya okalo, okalwesi bangoaya, mito a mito ye mangine.