¹ Ngalusa, Kylia bominoli la bana ba lae, ano le mokundji katsi e liekela, ano ta ngo mangine nga lemokundji, kasi ba ano etelembelaka liekela, ² Po e boheki liekela ano eyali aiso po e seko. ³ Pe lisungi, bowaowa la bo hai eyale aino po e Mongalima Aha pe la Yesu Klisto, Mona o Aha, katsi o liekela pe la lokundo! ⁴ Le yalaki a bosembeli boeni lo mona boyeli katsi liekela, po emibeko ano tohukolaki ngi Aha. ⁵ Pe sikasikane, ano le longomu, Kylia, ata ine ekomamaki lo a mebeko e sika, kasi ahune etsiulakesi tee a ebandeli ine lokundo ba emoyi la basia. ⁶ Pe lokundo lolitsi a boheli engebene a lo mebeko. katsi ine ukokimu boheleli, ine ekokakinu tee felo. ⁷ Po ine bisuma ofela betehola katsi u moki, betsikundji boyamboli ine Yesu Klisto etelua a mosuni. Ano eyali lo ndenge, eyali mito isuma la mito etsi hinola ine Yesu ebayi Klisto. ⁸ Boya kengi inu angine, po ine botsilumbe mboma yeisili e lao, kasi oukole litomba a lo esili. ⁹ Mito sanga mito ekokia felo pe ane etsikoyala katsi mateya u Klisto etsikokoyala a Mongalima, ano ekoyala katsi mateya kwa Aha la Mona. ¹⁰ La mito emoyi akalua ngi u wao pe etsiki lo liteya, so mwinola katsi e mbele e laho, pe so mwekela ine: Okalo! ¹¹ Po ine ano emohekeli: Okalo! Akahola lo mbekombe. ¹² Ata ine liki bima lindji a bokomeli onu, ndjikundji a bokomi a papiye la keleyo; kasi lekanesi ine bokei ngino pe le bahekele a mowa e monwa, po ine sai e iso elumbe libunga. ¹³ Bana ba moseka u wao bominolami bakamwaya okalo.