¹ Nga longa onu, felo e bakita ngia, o kele bosambeli, boyaleli, bolongi, bo hulesi matindo po e baito ngia. ² Po e bokumu pe bane belelesami ane te toyale hai a boumake bo hai, bosambeli la bosembo. ³ Ebayi wali, pe eitani felo o Mongalima mo humesi ya iso. ⁴ Ane ekundji te baito ngia ba hume pe bokoki bohembeli liekela ba baito, bosolo. ⁵ Po ine emoyi e Mongalima, la moki emoyi kati la Mongalima pe la baito Yesu Klisto mito. ⁶ Ane eteyahesa ye mangine lifako po e ngia. Ehelo tango e lae ebayi temo. ⁷ Po emotsi le yalaki moteyi la toma liekela, ndji heki isuma a makambo eyemali mitondo boendi bia bapakano kati e bondi la solo. ⁸ Lekundji ine te baito basambele, a otomboli bafindji peto a esikani ine bohenisi bakita mbembe. ⁹ Lekundji po ine te baali batole tulu a lolenge wali, a bosawa , bakita mbembe, bolitsi lo ngwele pe boyasesi, ta wolo, ta bayaka la tulu e lokumu. ¹⁰ Kasi batole meitanake lokola ekoki to a baali bekela esili o bosungi Mongalima . ¹¹ Eitani ine mwali a okoke metindo o hai, bohosesi mobimba. ¹² Ndjikundesi ine mwali bo hani, kasi bolukoli ngi molome ine bohumoi kati o hai. ¹³ Po ine Adama etekelamaka felofelo, Ewa mbuse. ¹⁴ Pe etsibayi ano etekosamaka , ebayi mwali ano, etekosamaka, mito eteyakwesa likita lio aine mobeko. ¹⁵ Uma ombe lekekwa huma la oumia a bohesese kati e boendji lifako pe kati e bosantu.