¹ Bofelinge mbeo i bitsi kui pe isuma kwitu, la bokitaki pe likunia la botongi bo ndenge kwitu. ² Bokunde, oine balengela bane beoti bo sikane, beyali apasa efala e libele line liyali lioyi li Mongalima po ine etsisanganesi bo a yema yemoi, po ine bofule tiikwahumake a ndole Emoli. ³ La unu botokokaka wali ine iyali ngi Nkolo. ⁴ Boya file kelekele elahe, libanga line liyali a bumake, etefilingama a baito, ine i ponami pe e kundami felo e Mongalima; ⁵ Pe unu batuke, boyali oine ba banga beumake, boyale ndesi unu batuke po ine bokenge mbele emoi yo sambeli, boyali lisanga li banganga ba Mongalima bane betsikilisumu, bane beyali aesili yo bwabaki bakabo po e Mongalima ine i molimo. Ine yokoyala wali po e Yesu kilisito. ⁶ Po i moli, kune e tekoma bo eyesali ye Mongalima: lita, ngisa a siona libanga limoi likolongake liponami, linolami; pe ano ekomwinola e tsikokoka bosambo. ⁷ Boyali a louno aiso baito, bane einoli lioyi li Mongalima. Kasi po ebane betsi inolilioyi li Mongalima, libanga line lite filinga bo line ye fuka mbele likakwa libanga lifulake a litumu me mbele. ⁸ Liyali libanga line lituta litumu me mbele, lifilinga baito, bane bekitaki bo po eboinolilioyi li Mongalima eteponaka bo po imoli. ⁹ Unu, a bokesanesi, boyali liota line li ponami, li banganga ba Mongalima, mokesatu, baito ba Mongalima, bane beetakemi po boyeki bakita baitanake bi Mongalima ano eyaetaki tuatii kwa ndjima po e boholi a bongengi bomwasa. ¹⁰ Unu beyali mbale esiyaka botiyalaki baito ba Mongalima, pe sikene bokakwa baito ba Mongalima, unu felo, botsokolaki bowaowa bo Mongalima, imolisikene bokoukola bowaowa. ¹¹ Bakwaya a basekwaya, ngayekela unu,oine baito basika pe bafayase likolo limbu, bokengele unu batuke po e kamoilongo ine la nana amolimo. ¹² Boelewali katikati e bapakano siko etangakola wo unu ine boyali baito bane bekela mbeko itsitani, emoli bainole mbeko ino iitanake, bo bokumesi Mongalima a mwasa wokoluaye. ¹³ Boyai sese, po e Nkolo, a bakondji kwatu bisi bo likolo libaito kwatu pe bakondji bane beteeli, ¹⁴ bane bekamba unu betomi bo po e boisi etumbu a bane beyali a mbeko mbe, pe boise bane mbeko wali lokumo. ¹⁵ Po ine iyali mokano li Mongalima po ebokeli wali bouleseli bo a kimia boito bane betsiyembeli yema pe bibebe, ¹⁶ Boele oine mito bosomi, botsitole bosomi oine tulu yo boliki mbeko mbe, imoli bokele po ine basali ba Mongalima. ¹⁷ Bokumesi boito kwatu; bokunde banginena baino boange Mongalima; mokumesi bakondji. ¹⁸ Baito ba mosala, botose a boangake kotu balekesi baino, litsiyali sanga bane beyali pe haii, la bane beyali a longe lopotsi. ¹⁹ Po ine eyali wali botoli batatsi bone boniokoli mito ako po e Mongalima, bune ena oye basi liokunda. ²⁰ Po imoli, lokumo mbi iyali a bonangi motema boukoli etumbu a po emito ekela mabe? kasi labokananga motema a botatsi aene ndenge ekela unu o wali, iyali ngolu felo li Mongalima. ²¹ Pe omoli e takibo unu, po ine kilisito ye pe etena pasi po ieno, akatsikela unu ndakisa e moli, po ine bobile ndenge emoi, ²² Ye a no etsikeli a ta lisumu li moi, pe a menua mia yaito e tsiteukola fote; ²³ Ye, bemotangakola, e tsiulesa batangakoli, bemoniokola, kasi e tsiulesa, eulesa ane e sambesa ye wali: ²⁴ Ye, ano e toli yematuke mbeko mbe iiso a bilongo biyahe likolo li ekulusu, po ine towe asumu tokuma po ebosembo; a bafua bahe imoli bokuma. ²⁵ Po ine, po eteyalaka oine nama iyolaka bo, kasi sikane bokayale nga ngi bapasitele pe ngi bangengeli imelimo meino.