¹ Paulo,mondo we kashi we Yesu Kristo,obe kuitwana obe mutume,nee komokona kwe ajili yee Firinyambe. ² Ena nde edya injili obe koahidi kale koetala manabii waake kole maandiko matakatifu. ³ Nee kole mwaana waake,obe koboteka kohola mo ukoo wee Daudi kwe jinsi yee lokoba. ⁴ Awe obe kotangazwa kwe mwaana wee Firinyambe kwe bokome yee motema yee utakatifu kwe ufufuo wee bando be kokwa,Yesu kristo bwaana wiito. ⁵ Koetela awe twqshi kokonja maachi nee utume kwe utii we imani muungia kwee mataifa yeese ;kwe ajili yee chiina diake. ⁶ Muungia mwee mataifa ena baanu pia mwashi koetwana anoo wee Yesu kristo. ⁷ Mohonda ona nee kwe baase bale kumi,bale kokondwa nee Firinyambe,bale koetwana kobe bando batakatifu.Maachi nee ebe kwino,nee Amani kohota kwe Firinyambe isake wiito nee bwana Yesu kristo. ⁸ Kwe bobo,nahi komushakuru Firinyambe waane koholela Yesu kristo kwe ajili yiino baase,kwe sababu imani yiino yahi kuchubiriwa kole mosengedishima. ⁹ Kwe maana Firinyabe nee shahidi waane,kwe bobo nashikomokambela kwe motema waane kole injili yeee mwaana waake koba hocha. ¹⁰ Daima naengela kole sila yaane ite kwe mwiisho nate nee mafanikio saa kwe kokonda kwe Firinyambe kole kobaka kuuno. ¹¹ Maana nashi kotamani koba mona,ite nakonje koba hasa baanu baadhi yee karama yee mitema,Nakonje koba imarisha. ¹² Yaani,nashi kolola baanu,kwe njel yee imani yee kila amoosa wiito,yiino nee yaane. ¹³ Sasa babotwe naane,sechee mokose kocheba ite,marachiwe lele nabe kukusudia kobaka kwino,lakini nashi kochebelebwa mpaka amoo.Nabe kokonda bobo ite kobanee matonda mataifa. ¹⁴ Nashi beenyi naabo weebu nee bayenga. ¹⁵ Kwe bobo,kwe loba luane,meno naletayari kotangaza injili kwino nee naanu bale kodia koma. ¹⁶ Kwe maana shikamone ena injili,kwe bodiane kohoba kwe Firinyambe ota beche wokovu kwe kila odia obe kohetaboka,kwe mayahudi kombala nee myunani naawe. ¹⁷ Kwe bobo sambo yee Firinyambe yashi kuimedhihirishwa kohola kwe imani nani imani,ote yabe kohandekwa,ole nee sambo ota ishi kwe imani!! ¹⁸ Adia kolemoka kwe Firinyambe yashi kuumedhihirishwa kohola mbengo koetela wasi ne woose we bando,kwe bodia kwe njela yee udhalimu koheseka ukweli. ¹⁹ Ena nee kwe sababu,yeeseite obeleke kochebekana iyolo yee Firinyambe nee bohololo kwaabo.Kwe maana Firinyambe. ²⁰ Ne maana myanda chake yashi komoneka buachi yashi koba boholo taango kohombabwa kwe mosenge.Yashi kochekana koetela byendo byabe kohombwa.Myanda bwe milele nee Asili yee Firinyambe.Maholelo make bando eba baashi bee udhuru. ²¹ Ena nee kwe sababu,Adia babe kocheba kuhusu Firinyambe.Batashi kumutuhuza kwe bobo Firinyambe,baashi komoecha shukrani.Badala yaake,batee bapumbavu kole mawazo yaabo,nee mitema yaabo ele neee boyenga ibe kotechebwa ikunye. ²² Babe kutana bale werevu,lakini batee bayenga. ²³ Bashi kuubadili utukufu we Firinyambe ndaashi nee uharibifu kwe mafano wee bilongu bye binadamu ole nee uharivifu,nee yee kanyunyi,yee nyamaa bale nee maholo chinachi,nee yee bihumbe bilemo kokalaba. ²⁴ Kwe bobo Firinyambe obe kobaleka waa londee tamaa yee mitema yaabo kwe bikoo,kwe lokoba lwabo kufezeheshwa baina yaabo. ²⁵ Nee bangoo bale kobadirisha ukweli we Firinyambe kobe maanu,nee adya bale koabudu nee kotomokea bihumbe badala yee muumbaji,obe kusifiwa milele amina. ²⁶ Kwe sababu enaa,Firinyambe obe kobaleka baalondee tamaa yaabo yee masonyi,kwe bodya baana bakachi ebaa bole kobadirisha matumzi yaabo yee Asili kwee kedya kele komosengo nee Aaili. ²⁷ Kwashi koboteka balomee Piabashi koleka matumizi yaabo yee Asili kwe bakachi neee kobaa nee bamnaa dhidi yaabo bee ne eba bale balome babe kotecha nee balome banjinake baashiko wapasa,nee badya bale kokonja adhabu ebekostahili kochembela kwaabo. ²⁸ Kwe sababu balekokonakoba nee Firinyambe kole lokanyi lwaabo,obe kobaleka balondee lokanyi lwaboyashi kofaa,batehe myanda edya yaashi kofaa. ²⁹ Bashi kotonda nee udhilimu woose,uovu,tamaa nee maabee.Bashi kotenda nee wiivuu,kochiana,kotutana,udanganyifuu,nee nia chibee. ³⁰ Abo pia nee,basengenyayi,wasingiziaji,neee vurugu,kebole,nee kujikonda.Abo nee bale mokoketa mabee,bashikutii bazazi baabo. ³¹ Abo baashi nee ufahamu,baashi kokonebwa,baashi nee kokonda kwe Asili,nee batashi nee lokwa. ³² Baashi kuungwa kanuni yee Firinyambe kwe bobo bando bashikotecha myanda yee njisi ena batabe kokwa.Bobo baashi mokoketa myanda ena abobaashi kuungwana nee badya bashi koketa myanda ena.