¹ Babotwa nane molandanga imani ye Bwana Yesu Christo, Bwana we utukufu, kwe kokonda bando fulani. ² Ite mondo fulani washi koengela kwe kumubakana yeeno wa bwala lopetee lwe zahabu ne mangubo maachi, pia waingela mashikini de ne mangubo be biko, ³ Mwashi komonesha komolenga zaidi ye Edya manubo maachi na kotenda, "Afari awe chikana eya nafashi paachi" alakini moyake komochongolela odya mashikini "Awe taloka adya," au, " chikana ase ye maolo maane," ⁴ Buni ite mwashi kuukumiana baanu beene, ne adya maamuzi bale ne mawazo maabe? ⁵ Muungunwe, babotwa baane baachi, buni, Firinyambe ndashi kobachakolo mashikini we kobalu we adya matajiri kole imani ne koopiana ufalme obe ku waidiya badya bale kolenga. ⁶ Alakini mwazarau mashikini! Buni nde matajiri bashi kobatesa baanu, neebango babe kobabolota ko muyolo? ⁷ Buni shi batajiri bale mokosabola chiina diena diachi ambalo mushi koetebwa? ⁸ Hata bodya ite mwaitimiza ena sheria ye mufalume bodya ebe koandikwa katika maandiko, "oka mokonda jirani wao bodya awe mweene," okoota bwaachi. ⁹ Ite mwa mokonda zaidi yee bando, mwashi kotenda zambi, mokapata hukumu yee sambo ite ni be kobeleka sambo. ¹⁰ Woose watecha sambo yese, na bado washi kokwala katika nukuta emoosa tu, etee ne hatia ye kobeleka sambo yeese. ¹¹ Nde bodya Firinyambe, nde bole kotenda, "ndu chianga." ite ndashi kuzini, Alakini obe kuchia, washi kobeleka sambo ye Firinyambe. ¹² Nde bobo mo ongele ne kueshimisha wahukumiwa nee saambo ye uhuru. ¹³ Nde bobo hukumu ekaaba pasipo lokwa kwe waadya baashi nee lokwa. Lokwa kujitukuza iyolo ye hukumu. ¹⁴ Kole ne buachi buni, bobotwa nane , ite mondo watenda nele ne matendo?, Buni imani ena eka muokowa? ¹⁵ Ite mobotwa we kelome au we mokachi ole ne lazima ye mangubo au kelebwa kye kila lusu, ¹⁶ ne mmoja weenu okoba chongolela moyake kwe amani, kuindala toya ne modye baachi, lakini muushi kubaecha mahitaji ye lazima ye lokoba, ena ile ne mafaa bikye? ¹⁷ Hali kadhalika imani peke yaake, ite iishi ne matendo, yashi kokwa. ¹⁸ Bado mondo fulani waashi koola kotenda, "Ole ne imani na meno nele ne matendo." Komonesa imani yao kuushi matendo, na meno ndabe komonesa imani yaane kwe matendo yaane. ¹⁹ Bashi koamini ite kole Firinyambe omosa; kodya kotecha buachi. Lakini moshimu nayoo yabe kuamini bwe bodya nee kotetemeka. ²⁰ Buni, omokolenga kocheba, awe mondo mpumbavu, namuna imani ena kuushi matendo iishi ne mafaa? ²¹ Buni, shi isake wito Abrahamu abe koesabola haki kwe matendo obe komohola mwaana waake Isaka iyolo che madhabahu? ²² Mwamona bodya imani yaake ebe kotecha kashi ne matendo yaake ne kwe matendo yaake, imani yaake ebe kuika kusudio dyake.Maandiko yabe kutimizwa yashi. ²³ koocha, "Abrahamu obe komoamini Firinyambe, ne koesabelewa ite we nee sambo. nee bobo Abrahamu babe kumuitana rafiki we Firinyambe. ²⁴ Mwashi kumona kwe matendo mondo washi kuesabelewa sambo ne shikwe imani tu. ²⁵ Hali kdhalika buni, ndabe Rahabu odya kahaba obe kosabelewa sambo kwe matendo, obe kubarikiwa wajumbe na kobachala ko njela ikine? Ite kama bodya lokoba luushi ne motema washi kokua, bwe bobo imani kuushi matendo yashi kokwa.