¹ Kushila kwe myaka ikumi nee mwaanda nabe koyaka lukine Yerusalemu amoosa nee Barnaba. Nabe komotomba Tito amoosa naane. ² Nabe koyaka kwe sababu Firinyambe obe kodhihirisha kwaane ite nabe kopashwa koyaka. Nabe kobeka kombala yaabo injili nabe koyatangaza kwe bando be mataifa . Bobo nabe kohongela kwe siri badya babe kohochebwa kobabingozi muhimu. Nabe koketa bodya ite kohakikisha bobo shabe kochoka, naane nabe kochaka botaka. ³ Bobo naane Tito, obehele amoosa naane, obehele Myunani, obe kolazimishwa kothiriwa. ⁴ Mwanda ona obe kohola kwe sababu yee babotwa be maanu babe kobaka kwe siri kopeleleza uhuru tobele naao kole Kristo Yesu. Babe kolenga kooketa baatu koba baheka be sambo. ⁵ Totashi kuji hola ko batii naane kwe saa emoosa, ite bodya injili yee kweli esabe kuushi kubadilika kwino. ⁶ Naane badya babe kohochebwa babehele biongozi bachengela kyese kwaane. Kyese babe koba mokokitecha kitashi nee maana kwane, Firinyambe ndashi kokonda kokondeleana wee bando kalonga. Komongo kwake babe komona ite nashi koaminiwa kole tangaza injili kwe badya nane batashi kotahiriwa, ebe ite Petro otangaze injili kwe badya bale kotahiriwa. ⁸ Kwe maana Firinyambe, obe koketa kashimonda yee Petro kwe ajinli yee utume kwe badya bale kotahiriwa, bobo obe koketa kashi monda mwane kwe bando be mataifa. ⁹ Wakati Yakobo, Kefa nee Yohana, babe kochebekana koba bale mokoyenga kanisa, babe kocheba neema babe konehabela meno, babe kopokela kole ushirika meno nee Barnaba.Babe koketa bobo ite bodya toyake kwe baando be mataifa, nee ite bobo baobe koyaka kwe badya babe kotahiriwa. ¹⁰ Naabo bale kotolenga baatu koba kombala mashikini. Meno bobo nabe kokonda koketa mwanda ona. ¹¹ Wakati Kefa obe kobakaa Antikia, nabe komokondela bohololo bohololo kwe sababu obe kokosaa. ¹² Kombala yee baando kadhaa koba kohola kwe Yakobo, Kefa obehele mokadia amoosa nee bando be mataifa. Naane eba baando bale kobaka, obe koleka nee kotolola kohola kwe baando be mataifa. obe mokotena baando bale kokonda tohara. ¹³ Bwakale bodya wayaudi bakine bale kukumbakanya nee unafiki ona amoosa nee Kefa. Mahelelo maake yabe ite naane Barnaba obe kotombebwa nee unafiki waabo. ¹⁴ Naane nabe komona ite babe kotashi kolonda injili yee kweli, nabe komochongolela Kefa kombala yaabo baase, "ite baanu mole mayaudi bodya mwashi kuchikana nee tabia yee baando be mataifa badala yee tabia yee Kiyaudi, kwe bikye mwashi kokonda baando be mataifa kuchikana bole mayaudi?" ¹⁵ Baatu tobe nee mayaudi kwe koboteka nee kuushi "bando be mmataifa bale nee dhanbi" ¹⁶ Mochebe ite kuushi washi kobabekwa sambo kwe matendo yee sambo, badala yaake, bashi kobalekwa sambo kwe imani monda yee Yesu Kristo. Tobe kobaka kwe kwe imani monda yee Kristo Yesu ite bobo tobe kobalekwa sambo kwe imani mondo yee Kristo nee kuushi kwe matendo yee sambo. Kwe matendo yee sambo kuushi lokoba lotahabe kobalekwa sambo. ¹⁷ Ite bobo tobe komolenga Firinyambe kwe kotobaleka sambo yee Kristo, twashi kobanga batu beene naane koba bale nee dhambi, buni Kristo obe koketwa moheka wee dhambi? Kuushi bodya! ¹⁸ Maana ite nashi koyenga tegemeo edya nashi kobandosa, nashi komonesa mweene koba washi kokona sambo. ¹⁹ Kohetela sambo nabe kokwa kwe sambo, kwe bobo neengaaba kuchikana kwe ajili yee Firinyambe. ²⁰ Nashi komona mokomo amoosa nee Kristo. Nde meno lukine nabe kuchikana, naawe Kristo obe obe kuchikana monda mwaane. Maisha nabe imani monda mwaana wee Firinyambe odya obe kongonda nee obe kujihola kwe ajili yaane. ²¹ Shiishi kokona neema yee Firinyambe, maana ite sambo ebehele kohetela sambo, adya Kristo obe kokwa botaka.