¹ Paulo,motome wee Kristo Yesu kwe kokonda kwe Firinyambe,kwe badya babe kotechwa kolokonda kwe ajili yee Firinyambe babeele efeso nee badya nee baanunufu kole Kristo Yesu. ² Maachi ebee kwino nee amani ehole kwe Firinyambe ishito nee bwana Yesu Kristo. ³ Firinyambe nee isake we bwana wito yesu kristo ohabelebwa sifa.Ne awe obele kotubiri kwe kela baraka yee motema,kole mahali pembengo mondo yee Kristo. ⁴ Kombala yee kohomba mosenge,Firinyambe obe kotosobola baatu bodya twashi kohetaboka kole Kristo.Obe kotosobola baatu ite tohobe koba watakatifu nee totabe kolaumika kombala yaake. ⁵ Kole kokondana Firinyambe obe kotosobola kombala kwe kolotomba bolebaana baake kwe njela yee Yesu Kristo.Obe kokela bobo kwe sabaubu obe kopendezwa kokota kedya obe kokonda. ⁶ Maholelo maake nee ite Firnyambe washi kotukuzwa kwe maachi yee utukufu waake.Ena obe kotohabela botaka kwe njela yee mokonda waake,tole nee ukombozi kohetela mashi yaake,msamaa wee zambi. ⁷ Tole nabo ite kwe sababu yee utajiri wee maachi yaake. ⁸ Obekoketa maachi ena koba chiwelele kwe ajili yiito kole hekima nee kocheba. ⁹ Firinyambe obe koheta echebekane kwito edya ukweli yaabe koheseka yee mokango,koholana nee mbosa obeele kodhahirishwa monda yee Kristo. ¹⁰ Wakati yee nyakati yaabe koheka kwe utimilifu wee mopango waake,Firinyambe ota beeke amoosa kela kyendo kye mbengo nee kye iyolo yee kibalu monda yee Kristo. ¹¹ Kole Kristo tobe koba kosobolebwa nee kukusudiwa kombala yee wakati.Ena ebe koba nee koholana nee mopango wee odya obe mokoheta byendo biise kwe kusudi yee kokonda kwake. ¹² Firinyambe obe koketa bodya ite bobo tohobe koba kwe sifa yee utukufu waake.Tobe be kombala koba nee ujasiri mondo yee Krsito. ¹³ Ebe koba kwe njela yee Kristo.Ebekoba kole awe naane bobo mwahetaboka nee kotecha mhuri nee motema mutakatifu obeele ko ahidiwa. ¹⁴ Motemande dhamana yee urithi wito mopaka umulike okapatikana.Ena yaabe koba nee kwe sifa yee utakufu waake. ¹⁵ Kwe sabau ena,tangu wakati nabe uhungunwa kuhusu kohetaboka kwino mondo yee bwana yesu nee kuhusu kokondana dyno kwe badya baase bale kobasambala kwe ajili yiino nee kobatendela kole maombi yaane. ¹⁷ Nashikohengela bodya Firinyambe we bwana wiito yesu kristo,ishito we utukufu,oka baabela motema yee hekima,mufano yee lokanyi lwake. ¹⁸ Nashi koengela bobo miiso yiino yee motema etechwe nuru kwe baanu kocheba nee kuni ujasiri we kuitenebwa kwino.Nashi koengela bobo ochebe utajiri we utukufu we urithi waake komosengo mwe badya babe kosambolwa kwe ajili yaake. ¹⁹ Nashi koengela bobo ochebe bokata uzidio we bokome bwaake monda yiito ite twashi kohetaboko.Ena bokata nee koholana nee koketa kashi kole bokome bwake. ²⁰ Ena nee bokome yaabe koketa kashi monda yee Kristo wakati Firnyambe obe komofofola kohola kwe baku neee komochikanisha kole koboko kwake kwesandome kole mahali pe mbengo. ²¹ Obe komochikanesa Kristo iyolo kolehe nee otawala,mamulaka,bokome,enzi,nee kela chiina lebe kotaywa,obe komochekanesa yesu kuushi tu kwe wakati ona lakini kwe wakati okabaka lukine, ²² Firinyambe washi kotenesa byendo biise kose yee mahoko yee Kristo.Obe komoketa awe otwe iyolo yee byendo biise kole kanisa. ²³ Nee kanisa itende lokoba lwake,ukamilifu waake odyakochekya byendo biise kole njela yiise.