¹ Bobo kohosoo koba kwe bwana witoo Yesu kristo ne kukumbaka nya amosa bobo tobe nawe:twashikomwengela banu babotwa nitoo. ² itemusumbudiwanga nane kotabishwa kwe urahisi,kwe motema,nane kwe salamo nane kwe bawa yabe komonekaa ite yashikoola kwitoo,ibe koocha na bobo lusu lwe bwanaa lwashi kobaka. ³ Mondo ndamudanganyanga kwe namuna hesee,kwe bobo hikabee mopakaa ledia andiko diabekoola kombala ne mondowe uasi obololebwe,odia mwana we kooneka. ⁴ Ona ne obekopenga nawe kujibandesa mwenee na kopengaa Firinyambi ne kesee kiabe koabudia ne maolela makee,washiikukana kole ndabo ye Firnyambi ne kujimonesa awe ole bole Firinyambi. ⁵ Buni,ndemwakumbuka adia nabele nabanuu nabe komochongelela iyolo ye mianda hena? ⁶ Bobo mwashikocheba kedia kiashi komochebela,ite bodia kiashi kobololebwa kwe wakati onaa otabekee. ⁷ Kwe bodia sirii ye odia mondo obe kokona koketa molemo mopaka otaochebwe monjela. ⁸ Adia odia obe kokona otabololebwe,nawe bwana Yesu otamuchiye ne pomoze ye kanwa kakee,bwana otamoketende kiendo kiokiote kwe kobololwa kwe koba kwake. ⁹ Koba kwe odia obe kokona otabee kwe sababu ye molemo we shetani kwe bokome basee isharaa ne maajabu ye manuu, ¹⁰ ne manu masee ole udhalimu miand hena yatabeoko kwe badia babe kochembela kwe sababu ndebale kopokela kokonda kwe ukwedi kwe ajilii ye kookolebwa kwabo. ¹¹ Kwe sababu edia Firinyambi washii kobatomela molemo ole mobee itebaitaboke manua, ¹² Maolelo makene bodia base batahokomewe,badia bale ndebaitaboka ukwedi na abo kwifurahisha kole udhalimu. ¹³ Bobo yashii kotopashaa komoshokuru Firinyambi kela saa kwe ajidi yino mobotwa wabe kokondebwa ne bwana,kwe sababu bwana obe komosobola banu ite malimbuako ye wokovu kwe utakaso we motema ne imani kole edia kwedi. ¹⁴ Keno nakiowabe kumwitanela banu,bodia koetela ijidi moobe kokonja utukufu we bwana wito Yesu kristo. ¹⁵ Kwe bobo mobotwa,mwimane bwachii muungunwe odia utamaduni mobekofondeshwa,kwe mwanda nane kwe bawa yito. ¹⁶ Bobo,bwana wito Yesu kristo mwene,ne Firinyambi ishito wito obekotonyambe shito wito obekotokonda ne kotoabela faraja ye milele ne ujasiri mwachi kwe ajili ye maisha etabe koetela neema. ¹⁷ Washikoba fariji ne kwiketa bwachii metema yino kolekela mwanda ne molemo mwachii.