¹ Paulo,motome we kristo,Yesu ,koetela ne kanuni ye Firinyambi ne mwakozi wito Yesu kristo obe tomaini ditoo. V 2 kwe Timotheo mwana wanee we ukwedi kole imani:neema rehema ne amani yabe koola kwe Firinyambi ishito ne kristo Yesu bwana wito. ³ Ite nabe kokobembeleza nabe kotaloka koyaka makedonia,uchikane efeso ite bodia ohobee kobakandela bando bekine ndekofondesha mafundisho chikinee. ⁴ Nane kololaa hadithi ne orodha ne nasaba ishii ne mwishooena etabesee mbaka koetaa kotashi kobasaidia kweendelesha mopango we Firinyambi we imani. ⁵ Nane mwishoo we kolahaa kono ne kokondana kobe kohola kole motema mwachii kole mawazoo chachii ne kole imani ye kwedii. ⁶ Bekine babekokosaa edia bashii kufolokela mianda ye manuu. ⁷ Bashii kokonda babe badiimu be sambo nabo bashikocheba biabe kohochebwa nane kungunwika. ⁸ Bobo twashikocheba bodia sambo ne niachi ite mondo otatomele kwe njelaa yabe bwachii. ⁹ Tweshi kocheba bobo mwanda hona otashii kwe ajidi ye babekokona sambo ne babe koleka,bando babe mukuchiana ne olene zambi.ne badia bashii ne Firinyambi ne babehe,yeshikotongebwa kwe ajidii ye babe kuchiyaa isakee ne inakee babo,kwe ajidii ye kuchiana. ¹⁰ Kwe ajidii ye bashalati kwe ajidii ye bando bandumba,kwe ajidi ye badia babe mokokwata bando ne kobaketa bachaa,kwe ajidii ye balene manuu,kwe ajidii ye hosee ushii amosa ne mafundisho elee ne mwecho. ¹¹ Mafundisho ena yabe koolana ne injili ebe utukufu we Firinyambi obe kobarikiwa bobo kwabo diashi kobekebwa amana. ¹² Na meno nashikumushukuru kristo Yesu bwana wito,obekondecha bokome kwe sababu obe konemona koba mwaminifu obekombeka kole utumishii waake. ¹³ Na bele mondo we kotondana,motesayi ne mondo we fuyoo bobo nabekokonja rehema kwe bobo nabe koketa bodia kwe buyinga,ne kwekotashikoba ne imani. ¹⁴ Nayo neema ye Fidinyambe witoo yashi kochekya imani ne kokondana kwabe kole kristo Yesu. ¹⁵ Mwanda onaa ne we kotabokebwa ne otapashwee kapokebwa ne basee,kwe bobo kristo Yesu,obelee momosenge kobaokola bale ne zambi meno ne mobehe koetaa badia basee. ¹⁶ Bobo kwe sababu ena meno babe koniabela rehema ite bodia monda mwanee meno,kombala ye bisee kristo Yesu ozidishee ovomelevu hosee,obekoketa bobo nabe mofanoo kwe badia batamwetaboke awe kwe ajidii ye bushima bwe milele. ¹⁷ Na bobo kwe mofalme we milele,hushishikokwa,hushiikomoneka,Firinyambi ikyee yakee,ne ebee heshima ne utukufu milele ne milele,amina. ¹⁸ Mwana wane Timotheo,nashikokwabela malaanoo lele lebee akiba,kwe ajidii ye mianda ye unabii yabe kombala ajidii ye hoo.Ite kolee edia ubitute bedia bitaa bwachii. ¹⁹ Oketee bodia ite bobo obe ne imani ne zamiri nyachi badia bekinee bashikokona edia bashikoangameza imani,ite bodia himeneya ne alekizanda nashikomwabela shitani bando badia,bobo bafundishee bamosalanga Firinyambi.