¹ Yesu nakuingelanga ne koetanga mwingya mwee yeriko. ² Ne ana abechange ni mondo omosa witanibwangee Zakayo.Awe obechangee mokolo we batipasangee molambo nawe mondo ngonji. ³ Obechangee mukupimanga komonanga Yesu ne mondo we loke lokanji, kobobo ndaabanga komonanga kwe komonanga ketongo kye bando,Kwe komonanga obechangee mwiyee we kema. ⁴ Bobo, na kuiyambeanga lobelo kombala kwe bantu, nakobandanga monganda we motee bobo obangee komomonanga, kobobo Yesu nakuisenanga koetanga njela elya. ⁵ Saa Yesu aholelanga iboa lea, nakololanga monganda na komosaolelanga, Zakayo, ika lobelo, kobobo leno ni bwachi nachikanangee mondabo mwao. ⁶ Nakoketanga lobelo, nakuikanga ne komokaribishanga kwe kemimo.'' ⁷ Bando basee amonange abo bibi, nakobokokanga, nakochanga,'' Osoyechanga komoendelanga mondo wenee bwabea.'' ⁸ Zakayo na kuimananga na komosa olelanga kyabyo mee, tolanga kyabyomee nosoyebye nolobyane Masoechanga bakema, ne ingwanga nasobakoanga mondo osee kelema ndamotosengee mala mwanda.'' ⁹ Yesu na komosa olelanga, ileno bohombee boso olelanga monda mwe ndambo ena, kobobo awe nawe ne mwana we hibulahimu. ¹⁰ Kobobo Mwana we mondo osobechanga kolenga ne kuokohanga bantu bachebelaanga.'' ¹¹ Halingwacha bibi nakoyelelanga kochanga ne kochanga mifano, kwe komoanga obechangee kalibu ne Yerusalemu, na habo nakuimenga hite bohombee bwa kakua bobechangee kalibu komoekanga mala emosa. ¹² Bobo nakobakweanga, mondo omosa nakoyechanga mosenge we njoho indee okokeangee bolombee ne kobobo hohotokee. ¹³ Nakuitananga bando bememo bake ikumi nakobaechanga mafungo ikumi, nakoba okweanga, moketange byekosombya mpaka ata otokangee mee; ¹⁴ Kobobo bantu bakee nakomokonanga ne bobo nakotomanga baochii bayechangee komofatanga ne kochanga, twechangee mondo ona kotoyanga.' ¹⁵ Komoa atokangee awe kondabo kisha koketwanaga mufalume, nakotomanga balya bememoho bebechanga osoba sielalanga makota babechangee kwake, okonjangee kochebanga faida enii yakonyanga kwe koketanga bye kole kya. ¹⁶ Wekombala nakobechanga, nakochanga, kyabyomee, ifungo lyao lesoketanga mafungo ikumi ne koeta. ¹⁷ Ona mondo we memo nakochanga bisingekya, we memo mwachi. Kwekomoa obechangee muchungi mwachi monda mwe bikike, otaungwangee ne bohombee monganda mwe mosengee ikumi. ¹⁸ We babelee nakobechanga, nakochanga, kyabyomee, ifungo lyao lesoketanga mafungo matomu. ¹⁹ Ona mondo we memo nakomokweanga, endanga balombee monganda mwe mesengee etanu. ²⁰ Ne ukine nakobechanga, nakochanga kyabyomee bibi ana makota maho, indee nakobekelangee bwachi monda mwe kitambala. ²¹ Kobobo natenanga kwe komoanga awe ne mondo mobango, otochanga kelya ketasi ndotolanga ne kufuna ketasi ndotobyala. ²² Ona we mwemo nakomokweanga,'' Komianda chao mwene, ndakulikesanga, awe mondo we memo mobee. Ochebangee ite mee ne mondo mobango, natuendanga katasi sitolonga ne kufuna ketasi sabyala. ²³ Bobo, indee ndwabekanga makotangane monda mwe bankii, indee ata otokangee naendangee omosa ne faida? ²⁴ We mwemo nakookweanga bantu babechangee mukuimananga olya, mobakoangee lea ifungo ne komwechanga olya wenee mafungo ikumi. ²⁵ Nakomosa olelanga,'' Kyabyomee, awe wenee mafungo ikumi.'' ²⁶ Natoba okweanga, kila mondo indee wene keemo otabelibwangee koeta, kobobo olya otasi, nani kelya kyemake ketaendibwangee. ²⁷ '' Kobobo baba babee bane, indee ndebakonda naungwangee mwanee wabo, mobabesange ana ne kobachianga kombola kwinu.'' ²⁸ Abechanga awe mokochanga bibi, nakoyechanga kombala mokobamdanga koyechanga Yesusalemu. ²⁹ Ingwanga aisenangee awe Bethfage ne Bethania, kalibu ne mulima we Muzeituni, nakobatomanga bafakochi bakee babelee, ³⁰ Nakochanga?'' moyechangee monda mwe kalya ke sambee nao. mwingelangee, motabangangee mwana we ngamia ndanabandwanga indee. Momosololangee, momobesangee kwane. ³¹ Ingwa mondo ndasobabochang, Indee mosomosololang? Mochangee '' Kyabyomee'' mokomi we nganga. ³² Balya batomwanga nakoyechanga nakomonanga mwana we ngomia bwe Yesu wabechanga mokobasaolelanga. ³³ Abechangee abo mukobololanga mwana we ngamia banayangee nakomosaolelanga,'' koekee mosufungulanga mwana we ngamia ona?'' ³⁴ Nakochanga, kyabyomee osomwelanga! ³⁵ Bobo, nakomochalelanga Yesu, nakobanyanga ngubwo chabo monganda mwe mwana we ngamia na kobandesanga Yesu monganda mwake. ³⁶ Abechangee mokoyechanga bantu na kobanyanga ngubwo chabo monjela. ³⁷ Abechanga mukuikanga mulima we Mizeituni, ketongo kese kye bafakochi nakoanyanga komoyambelelanga ne kosekanga kakua kwe chuki lekata, kwe komoanga miandala chikata chamonanga abo. ³⁸ Nakochanga,'' Nawe mubalikiwa mwanee obechanga kuchina lee kyabyomee!'' ³⁹ Bakine Mafarisayo monda mwe ketongo nakomosaolelanga, Mwalimu, nyanyekanga bafakochi bao.'' ⁴⁰ Yesu nakobasaolelanga, nakochanga, natobasaolelanga, ingwanga baba basonyameanga, mabwe mataochangee chiki.'' ⁴¹ Yesu haisenangee awe kalya kalelelangee awe. ⁴² Nakochanga, indee ngochebanga nani awe, monda mwe masu mama miandala indee etakobeselangee kenyanya! Kobobo indee uswisekwanga kumiso mao. ⁴³ Kwe komoanga masu masobakanga indee banganangee mao batayengangee boma kalibu mao, ne koko kombya ne kokoganda mizanga kotokanga kila mbanga. ⁴⁴ Batakokechangee, asee awe ne bana bao, bakakesielangee nani ibwe lemosa monganda mwe likine, kobobo ndawachebanga saa kakua abechangee mukukimanga kokoanga. ⁴⁵ Yesu nakuingelanga kokanisa, nakoanyanga kobenganga balya babechange mokolanga, ⁴⁶ Nakobasaolelanga,'' Bisoandekwanga,' ndabo yane etaungwangee ndabo ye sala,' kobobo banu mosomebetanga kungwanga ndabo lee babakulii.'' ⁴⁷ Kobobo, Yesu obechangee mukufunde sanga kila lusu mokanisa. Bahamee bakocho ne balimu be kanuni ne biongozi be bantu nakolenganga kumuchanga. ⁴⁸ Kobobo ndeba obanga kokonyenganjela lee koketanga bobo, kwe komonanga bantu base babechangee mukumwingwe lechanga kwe kine kine.