¹ Yesu nakobaokwe anga lukine bafakochi bakee,'' abechange ne mondo omosa we byendo wabechanga ne mucgungi we byendo, nakosaolelwanganite ona mondo we byendo usuchimbechanga byendo byake. ² Bobo ngonji nakumwitananga, nakomosaolelenga,'' ne ekee bibi bisungwa meno monganda mwee ochanga esabu lye byendo byao, kokomoanga ndoka obange kungwanga mucgungi we byendo lukine.' ³ Olya muchungi na kochanga momotenga wake, naketanga ekee, kobobo Isane wane osondosanga memo chane che buchungi? Sisi ne mwecho we kolemoanga, na tokoengela na omoa bibi. ⁴ Natochebanga letaketangee ingwa ndaochibwange monda memo chane lee kuchinganga bando wangaribishange momalabo mabo. ⁵ Bobo welokani nakobaitananga we leni wa Isake wake kila omosa nakomosaolelanga we kombala, osokendibwanga koeta na Isane wane? ⁶ Nakochanga mbimio mwa emosa bye makuta nakomosaolelanga enda mokanda wao chikamanga lobeo andekanga makumi ketema. ⁷ Indee nakomosaolelanga ikune nawe otokenditwanga leni leboni? nakochanga byunda mia emosa bye bonga bye ingwa! nakomosaolelanga endanga mokanda wao,'' andekanga makumi matanu,' ⁸ Olya Isake nakomosekanga muchungi we byendo kobolya boketangange kotasi sambo, kokomoanga bana bemosenge ona ne bachereni babua ne kosongokanga kwe ujanja ne bando be mbanga yabo kotasi kwingwanga bana be mwangaza. ⁹ Namee natobaokweanga muiketelange bakondwa kobyendo bye bwabea indee kwaokosekananga baba karibishange monda machika neno me lose. ¹⁰ Wee mwamimifu monda mweekea kekeke koeta ungwanga mwamimifu monda mwee kelya kekoho nakyo ne wee mobee mobee monda mwe kekekee ungwanga mobee monda mwe kelya kekoho nakyo. ¹¹ Ungwanga banu ndemwa ungwanga bekotenanga monda mwe byendo bye bwabea ni nani otabamenyange monda mwe byendo bye kine kine? ¹² Ingwa mokaungwange bekatenanga monda mwe kotomekesanga byendo bye mondo ukine ne nani otabaechange haki yinu bame bene? ¹³ Kusi mocha obange kotomekeanga mabwana babelee, kobobo otakonange omosa ne kokondanga ukine, ungwanga otasinge kange ne onane komoanga ukine bokata moka obekotomekea kakua ne byenda.'' ¹⁴ Bobo mafarisayo, indee babechanga batokondanga byendo nakungwanga masoni mase ne komokebey. ¹⁵ Na kobasaolelanga,'' Banu indee mutuitananga sambo kombaa kwe bando, kobobo kakua otochebanga metoma chinu. Kwe komoanga lya sekibwange kobando ungwanga bobee kombaa kwa kakua. ¹⁶ Kanuni ne ndomwa byabechange asamba Yohana abechange, Tangia kyunda kelya, ilongo liachi lee utawala wa kakua nakolale kwanga, ne ose mondo ukimonge kuingechanga kwe mwecho. ¹⁷ Kobobo ne bwachi kwe mbingu ne mosenge bitoswange kotasi nani esabu lemosa lye sambo( Kanuni) lyungwanga. ¹⁸ Osee otalekeange mokachi wake ne kotombanga mokachi ukine osoketanga bwambya nake, nawe otatombange awe walikibwanga ne momee wake osoketanga bwambya nake. ¹⁹ Bechanga ne mondo omosa we byendo wabwalanga nguo chiiange yekochachanga ne nguo metoke ne obechange ni kememo kila lusu byendo byakee mokala. ²⁰ Ne mokene omosa we china lya ke Lazaro nakobekibwanga oboa lyake, ne wabechanga ne bilonda. ²¹ Nawe wabechanga mokokondanga koebeswanga kwe makombwa makelanga komesa lye olya webyendo nani Imbwa nakobechanga kwa molembange bilonda byake. ²² Ingwa olya mokeni nakokwechanga na koendibwanga ne malaika mpaka mokyalee kya Ibulahimu, olya webyendo nawe nakokwechanga nakochikibwanga. ²³ Ne kolya kwikunye abechaya awe monda mwe bisongochee nakwandanga miso make kwiyoho na komonanga Ibulahimu kwe nyoho na Lazaro mokyalee kyake. ²⁴ Nakolelanga nakochanga, Tati Ibulahimu, ngwea lokwa tomanga Lazaro wingechange songoye mosani wake momachee, uchingange lalemee lwane, kwekomoanga naosongokanga monda uwetoyatoto. ²⁵ Kobobo Ibulahimu nakochanga, mwa wane kumbukanga ite monda mwe maishs mao wapokeanga mianda chao che bwachi, na Lazaro nawe nakokonjanga byabea. Ingwa bobo webe ana omemanga nawe usumeanga. ²⁶ Ne koeta nga kwe bobo, kosabekibwanga kina kekoho ne kelehe asambanga bae, indee balya batokondanga koholanga koko koyechanga kwinu baobanga nani bando bekwinu babokanga nakobechanga kwitoho,' ²⁷ Olya webyendo nakochanga, natokoengea Tati Ibulahimu, ungwa omotomange kondabo kwa Isane wane. ²⁸ Kobobo nenee babotwanga nane batanu indee babamanyange, kwe bobaungwanga abo nabo batobechanga iboa ana lekosongoka. ²⁹ Kobobo Ibulahimu nakochanga,' benee Musa ne mefakochi. Balekeche baba ilwingechange abo. ³⁰ Olya webyendo nakochanga, kusi, Isito Ibulahimu, kobobo ungwanga makobayechelanga mondo olyangee koba kwe bata iyayange.' ³¹ Kobobo Ibulahimu na komosaolelanga,' ndeba ungwanga Musa ne mefakochi baba songolachwange nani mondo ndaochikokanga asambanga bakwee.