¹ Meno nee motee wee lee sambo, na isanee wanee nee motemi wee metee chee bimuka. ² Kila motabi monda mwanee indee letobotanga bimuka, nee kotokya kila motabi ingwa osobota bimuka otaletosee ingwa indee lyobe kobota koeta. ³ Banu taayari motee toko kwe komonanga ikomo ingwanga indee nausia kobachongolela. ⁴ Michika nee monda mwanee, na mee monda mwinu. Ingwa motabi otasii kobobo alyo lyenee etasi kungwanga monda we motee wee binuka, kobobo nabanu, motasi kuchikananga monda mwinee. ⁵ Momo ne motee, banuu nee motabi otaimokee monda mwanee na mee monda mwakee, mondo ona otabotee mbegu chabula, ingwanga bila meno mukaobee koketa ikomo nanii lemosa. ⁶ Ingwa mondo osee otasii ndaka chikanangee monda mwanee, otalalwee bwee motabi nee komeswanga; bando batukumbakaya metabi nee kuchilalanga monda mwe toya, nee kokowa. ⁷ Ingwa mota imokee monda mwanee, nee ingwa nyanda chanee mata imokee monda mwinu, mwengee lesee letokondi bwa, na banu mota abilibwee. ⁸ Monda mwee lelee Isanee ososekwa, indee mosobotanga bimuka byabua nee indee nee ndomwa chanee. ⁹ Ingwa Isanee wanee nangondangee meno, meno indee natobakonda banu, mwimokee monda mwee bikondwa byanee. ¹⁰ Ingwa motakwate amwi chanee, mota imokee monda mwee bikonde bwane bolya bwa kwata mee amwi cha Isanee mee kuimokea monda mwe bikondwa byake. ¹¹ Matocha nyanda chichi kwinu bobo indee kemeno kyane kyungwe monda mwinu nee indee kingwa kememo kinu kekitikee kungwa bye kini kinee. ¹² Lelee nee amwi chanee, indee mokondanee banu kwe banu ingwa bwa bakonda mee. ¹³ Kuusi mondo wenee nee bikondwa bikatala etasi ona, indee oso ochanga mwecho wake kosababu lee babotwanga nito. ¹⁴ Banu nee bobatwa nito ingwa motaketee bito basielelee mino. ¹⁵ Sitobaitana bacha, kwekomona mocha ndacheba kelya ketoketa kelya ketoketa Isake wakee.Natobaihama banu babotwanga, kokomona natobasa olela mianda chisee indee chisungwanga kolanga kwa Isane. ¹⁶ Ndemwanyoboa meno, etasi meno kobasobowa banu nee kobabekanga moyee mobotee bimuka, nee kimuka kinu kekonyee kuchikana. lelee lyee bobo indee ungwa kesee keta engelangee banu kwa Isanee muchuna lya nee, otaba echangee. ¹⁷ Mianda chichi natoba sielela, ingwanga mokondanee kila mondo nee munjinakee. ¹⁸ Ingwa mosenge otabakonee, mochebee itee wangona na meno kombala unaba konana banu. ¹⁹ Ingwa mungaungwabe mosengee, mosenge ungabakonda bwe bekwabo, kobobo kokomona banu musi bee momosengee kokomonanga nabasobola kolanga monda mwe mosenge, ne sababu ena mosenge osobakona. ²⁰ Mwibochee ikomo lya basa olelanga,' Mocha ndasi mokolo koeta isake wake; ingwa banjonga meno, bata basongochange na banu indee; ingwa osolekwata ikomo lyane, bangalekwata ne linu nalo. ²¹ Bata baketelee mianda chichi chise kwe komona china lyane ingwa bamocheba olya wandoma. ²² Ingwa sikebakee nekoba saolela saolela, bangungwanga mokoketanga bwabea; kobobo bono basii ne lokwa lwee byabea byabo. ²³ Otongona mee osokona na Isanee nawe. ²⁴ Ingwa sinaketa nyemo komongo chabo ingwa kuusi omosa wa meketangee, bangaungwa batasi nee bwabea; kobobo indee basoketanga bisee bibelee basomona nee kongona meno na Isanee wanee. ²⁵ Lelee lesolanga indee ungwa ikomo lisingwee kwee lea lyandi kwanga monda mwe sheria chabo,'' ²⁶ Ingwa wekemimo osoba, awee ndamotomonge kobanu kolanga kwa Isanee, ona nawee, motoma wee sambo, ingwa osolanga kwa Isanee, otajingekee. ²⁷ Banu nabo musunjingeka kwe komonanga musii ngwanga amosa nanee tangia kombala.