¹ Konyea eno, banu ingwa ni baba kachi motokashwa kwiyocha ko baibinu banu bene, indee, ungwa banu basse munasingeka ikomo, koetoa milache bakachi babo batopasha kokotwa bila ikomo. ² Kobobo abo bataungwe baomoa mila chinu chiachi amosa ne kosekwaa. ³ Ena eketeke kiloko kuiseka kwe anje kweko lokekya aoke, byeono bye kopendeza, ingwa manguo me kweya. ⁴ Kobobo bila awe eketeke kwe mondo we monda we motema, ne koeta monda bwachi bwe motema, nigwa ne bakondi be kombaa kwa Filenyambe. ⁵ Kobobo babakachi basokoka nakuipamba abo baene konfea ena. babechae netu maini monda mwa Filenyambe ne kotena bow babo abobene. ⁶ Konjea ena sana makotena Ibrahimu na kumwitananga awe"Ibane" wane. Banu indeene bana bake ingwa motekete bye bwachi ne ingwa mototena bobee. ⁷ Konjea ena ena, banu babaone motopasa kungwa ne bakachi binu mwaochibaite abo ne baba kachi batasi mwecho, mwaobacheba abo nigwa batapokea banji ninu be koeta mwecho we ilombo. mokete bobo ingwa kuinyaya kuinu kuchibelebwaya. ⁸ Nabanu, base, mungwe ne lokani lomosa, benelokwa kokondana bwe sambe,bekuhikya, ne waole. ⁹ Mulipesaya bobee kwe bobee, ao ndonde ko ndonde. Komongo kwake, moendelee kobariki, kwe komoa bobo mwitanwe, indee ingwa mobe koyana baraka. ¹⁰ Ose otaiyoche kokonda maisha ne komona masu machi shurti uchibee loleme lwake komabee ne miomo chake kocha bobee. ¹¹ Ne utukee ne kolekea mabee ne koketa bye bwachi. olenge yaa ne komefata. ¹² Miso ma Bwana matomoa we sambo ne makotive make kuumojwa ilelo lyake. kobobo miso ma Bwana me komongo kwebalya batoketa bobee" ¹³ Ni nani otabasongoshee banu, ingwa mwakonda mwanda mwachi? ¹⁴ Kobob ingwa mwa songoka kwe sambo, mosobonikiwa. motenaya biabiotena abo bateni. Mungwaya ne wasi wasi. ¹⁵ Kobobo ite, mobeke kristo Bwana monda mwe mitima chino bwe wekakamba tohokila lusu mungwe tayari komosaolea kila mondo otababochange banu neeke mwene tumaini monda mwa Filenyambe . Moketee bobo kwe koola ne heshima. ¹⁶ Mungwe ne motema mwachi indee ungwa bando batotonda maisha minu machi kwa kristu indee baobe kokoya masoni kokomona bemokochongorera bitabake komongo moteso minu indee ingwa mobechaye baketi bebobee. ¹⁷ Ne bwachi koeta, ingwa Filenyambe asokonda, ingwe mosongoke kwekoketa biachi kotasi koketa bobee. ¹⁸ Klisito nawe indee makosongoka mara emosa kwa filiye bobee. Awe we sambo na kosongoka kwe makosa mito,kotasi ndetwabechaya ne sambo, indee ingwange ne kotobesanganga kwa Filenyambe. Nakokwa monda mwe lokoba , kobobo nakoketwa mwecho monda mwe motema. mwecho monda mwe motema. ¹⁹ Monda mwe motema, nakoyaka nakubili metema ambacho bobo che bokakwe. ²⁰ Ndecha bechaya busingekwe kokomoa ufumilifu wa Filenyambe obechaye mokoendechanga saaya nuhu, lusu lwe kosenganga, boato, na Filenyambe na koponyanga bantu bakeke karibuni moanda kolanga monda mwe machee. ²¹ lelee ne olama le ubatizo we kokoanga banu indee, itasi ingwa kotombanga ikoya kotokanga kolokoba, koboboingwa ombi lee metema chiachi cha Filenyambe koche kokanga kwa yesu kristu. ²² Awe we kokoboko we sandome wa Filenyambe. makoyakanga kokalya ke hio. Malaika, ufalume, ne mwecho shuruti bimotene owe.