¹ Boazi ayinamukira oku muhango, anayimangaho. Lero lolaga, oyo waligwasirwe okugombola, na ye Boazi aderhaga kuliye, agera aho. Boazi amubwira: oyegere, obere hano, we na owindi, anahashegera anyimanga. ² Boazi ahamagala balume ikumi omu bashosi b'omurhundu, anaderha. Mudahale hano, banadahala. ³ Lero abwira olya waligwasirwe okugombola: Naomi, warhenga omucihugo c'e Moabu aguzize ecihimbi c'ishwa lya mwenewirhu Elimeleki. ⁴ Narhanyize ntingwasirwe nkumanyise, nankubwire: cirholere byo embere za ba cikala na embere z'abashosi b'olubaga lwirhu. Nkaba olonzize obigombole, ogombole; cinkaba orhalonzizi obiderhere hano, lyo nkumanya, bulya ntaundi okwanine okugombola embere zawe, na nie nkukulikire, na anashuza: nabigombola. ⁵ Boazi aderha: Olusiku wagombola ishwa omumaboko ga Naomi, wayishi gombola na Ruti w'e Moabu, muka nakwigendera, lyo oyinamula izino lya nakwigendera omu mwimo gwage. ⁶ N'oyo waligwasirwe okugombola ashuza: ntacigombolere, nyobohire okushaba omwimo gwani; ongombolere, bulya ntagombole. ⁷ Amango ga Mira omw'israeli, lyo bayemera omuhigo guyerekire obugombozi erhi mpindulo, muguma akagi hogola ecirato cage acihe owabo: ebyo bwakagiba buhamirizi omw'israeli. ⁸ Oyo waligwasirwe agombole abwira Boazi: cigombolere ye! ahogolaecirato cage. ⁹ Lero Boazi abwira abashosi Nangasi boshi bali aho:muli rhumasi oku nie bagombole omu maboko ga Naomi ngasibyo byali bya Elimeleki, Kiljoni na Malshoni. ¹⁰ na oku nacigombolire Ruti w'e Moabu nka mukazi, muka Malshoni, lyo nyinamula omwimo gwa nakwigendera, lyo izino lya nakwigendera lirhagi hera omu benewabo n'omu muhango gw'ahamwage. Muli bahamirizi ene. ¹¹ Abantu boshi n'abashosi bali aho muhango baderha: rhuli bahamirizi! Mashi Nnamubaho ajirire oyomukazi ojire omumwawe nka Raheli na Lea, balya bombi bayubasire enyumpa y'israeli! oyerekene oburhwali bwawe omu efrata, ocijirire n'izino e Betelehemu. ¹² Mashi iburha Nnamubaho akuha okw'oyu mukazi muhya lijire enyumpa yawe nka ya Peresi; waburhiragwa Yuda kuli Tamari! ¹³ Boazi arhola Ruti aba mukage, anaja emunda ali. Nnamubaho ayemera Ruti ayalala, anaburha omugala. ¹⁴ Abakazi babwira Naomi: Nnamubaho akuzibwe, orhalekaga wabula ene omulume w'okugombola, na izino lyage lyaba lya cishingo omw'israeli. Oyu mwana ayishi rhuliriza omurhima gwawe, anayishiba muhabazi omu bugikulu bwawe, bulya mwalikazi wawe okusima, wamuburhaga, ye okukwanine kulusha misole nda. ¹⁶ Naomi arhola omwana amuheba oku cifuba cage, anaba mulezi wage. ¹⁷ Abalungu bamuyirika omukuderha: amurhabna aburhirwe Naomi; na banamuhamagala Obedi. Ye wali ishe wa Yese ishe wa Daudi. ¹⁸ Lolaga omuburho gwa Peresi. ¹⁹ Peresi aburha Hersoni; Hersoni aburha Rama; Rama aburha Aminadabu; ²⁰ Aminadabu aburha Nashoni; Nashoni aburha Salmoni; ²¹ Salmoni aburha Boazi; Boazi aburha Obedi; ²² Obedi aburha Yese; Yese aburha Daudi.