¹ Omwagomango harhali mwami omu israeli; n'obuko bwa Dani, bwakagilonza Omwimo ahabalama, bulya kuhik'agomango barhalisagi habwa ogwabo mwimo omu Israeli. ² Bene Dani barhola kulibo boshi, omumilala yabo, balume barhanu ntwali, babarhuma e Sorea n'e Eshtaoli okuji labiriza ecihugo n'okugera. Bahika omu mishozi ya Efrahimu kuhika omunyumpa ya Mika, banalalamwo. ³ Bulya balikola Bayshore enyumpa ya Mika, bamanyirira izu ly'omurhabana mulawi, bayegera bamubwira: ndi wakulerhaga enomunda? nabici oliwajia hano? na bici olimwo? ⁴ Abashuza: Mika alianjirira ebi n'ebi, anakamp'oluhembo, nankamukolera nka mudahwa. ⁵ bamubwira: odose Nnamahanga lyorhumanya erhi olubalamo lwirhu lwaberwa. ⁶ N'omudahwa abashuza: mugende okumurhola: olubalamo mulimwo lulidiku ly'abulabi bwa Nnamubaho. ⁷ Abobantu barhanu bagenda, na bahika e Laisi. Babona olubaga lulamireyo oku murhula okubworhere bw'e Sidoni; burhuza na buzira bwoba; omucihugo murhali omuntu wakagi bahuguga erhi kubarhambula; Bali kuli n'e Sidoni, barhanzi gwerhe lushange n'abandi bantu. ⁸ Bashubira back na benewabo e Sorea n'e Eshtaoli, na benewabo bababwira: mianzi mici mudwirhe? ⁹ Rhugende! bashuza, rhubarhabalire, bulya rhwabwine ecihugo, na lolaga ciri cinja. Gurhi! cimuhulisire. Murhayolohe okurhondera olugenzi okujigwarha ecocihugo. ¹⁰ Erhi mukadahamwo, mwahika embere z'olubaga lurhuzize. ecihugo ciri cigali, na Nnamahanga acihebire omumaboko ginyu; halihantu harhabuziri kantu okubwyoshi biri omw'igulu. ¹¹ Balume magana ndarhu b'omubuko bwa Dani, bagenda e Sorea n'e Eshtaoli, badwirhe n'emiherho yabo y'entambala. ¹² Bayinamuka banahanda e Kiriati Yearimu omu yudea, byobirhuma, Abobantu haba Enyuma lya Kiriati Yearimu, hahamagalwa kuhik'ene Mashani Dani. ¹³ Barhamuka aho kuja omu mishozi ya Efrahimu, banahika omunyumpa ya Mika. ¹⁴ Lero balya balume barhanu baligenzire okurhangula ecihugo c'e Laisi barhol'obuderhe babwira benewabo: kamumanyire oku omw'eyonyumpa muli ecishuli, n'enshushano, ntule, n'enshushano nyayuse? lolagi ebimukwanine okujira. ¹⁵ Bwayegera aho, badaha omunyumpa y'omusole mulawi, omunyumpa ya Mika, na bamudosa gurhi ayosire. 6 Abobalume magana ndarhu b'omubuko bwa Dani, badwirhe n'emiherho yabo bayimnga okumuhango. ¹⁷ N'abalya balume barhanu baligenzire okurhangula ecihugo bayinamuka badaha omunyumpa, barhol'enshushano ntule, ecishuli, ensushano, enshushano nyayuse, erhi n'omudahwa ali okumuhango N'abalya balume magana ndarhu bwadwirhe emiherho y'entambala. ¹⁸ erhi bababamadaha omunyumpa ya Mika, n'erhi bababamarhola enshushano ntule, ecishuli, enshushano, neshushano nyayuse, omudahwa abawira: bici mulimwajira? ¹⁹ Bamushuza: hulika, ohebe okuboko lwawe okukanwa, rhunagende rhweshi, warhubera larha na mudahwa. Kabikwanine obere mudahwa omunyumpa y'omuntu muguma, erhi obe mudahwa wa boko bwohi na mulala muguma omu Israeli? ²⁰ Omudahwa oyunv'omwishingwe okumurhola gwage, arhol'ecishuli, enshushano, n'enshushano ntule, anaja omu murhwe. ²¹ Banaja omulugezi, bashokoz'abana, ebihwekwa, n'ebirugu. ²² Nkoku balikolabali kuli n'enyumpa ya Mika, abantu balilamire eburhambi gw'enyumpa ya Mika bacigusha bakulikira bene Dani. ²³ Bayakuza bene Dani, bakebegana banabwira Mika: bici ogwerhe? n'obuburhimanane bicibudesire? ²⁴ Abashuza: emyungu yani najiraga, mwabihesire n'omudahwa mwanagenda: bici nsigaline? Gurhigi mwakambwira bici ogwerhe? ²⁵ Bene Dani bamubwira: orhayunvise izu lyawe hofi na nirhu; nkaba nanga, abalume bagayire bakuhamirakwo, na warhuma obuhezi bwawe n'obwenumpa yawe. ²⁶ Na bene Dani bagendekera olugenzi lwabo. Mika erhi abona oku bamulushire misi, agaluka ashubira ahamwage. ²⁷ Bahagula ntyo ebi Mika ajiraga baheka n'omudahwa wakagi mukolera, na bahirimira kul Laisi, okulubaga lurhuza na lwa murhula, lwagera okubwoji bw'engorho, na bayoca omurhundu. ²⁸ Ntaye wabarhesize, bulya balikuli n'e Sidoni, N'abo Bantu barhambwire lushange n'abandi bantu. Bali omulubanda lushambalire kuhika e Rehoboti. Bene Dani baciriyubaka omurhundu, banalamamwo; ²⁹ baguhamagala Dani, kushimbana izino lya Dani, ishe wabo waburhiragwa e israeli, cikwone omurhundu gwakagi hamagalwa burhanzi Laisi. ³⁰ Banagujirira enshushano ntule na Yonatani, mwene Gershome, mwene Manasi, ye n'abagala, baba badahwa okubuli bw'abadani. kuhika omukasangi n'okugwarha kw'ecihugo. ³¹ Bakabahebera enshushano Mika ajiraga, amango goshi enyumpa ya Nnamahanga yali e shilo.