¹ Omwagomango Mikaeli, murhambo mukulu, mulanzi w'abana N'olubaga lwawe; na hayishibà mango ga malibuko, nkoku birhasagiba kurhenga amashanja galiho kuhika ako kasangi. Omwagomango, abomulubaga lwawe bayishibà bayandisirwe omucitabu bayishi cizibwa. ² Banji omubo bagweshire omu lutulo lw'idaho bayishi tuluka, baguma oku buzine, na abandi oku nshonyi, oku ganyagusibwa emyakula. ³ Abayishibà bali benge bayishikola nka mukemezo gw'emalunga, na Abayishibà bayigirizize obushinganya, oku lubaga bayishi langashana nka ntonde, mango goshi na kugendekera. ⁴ We, Danieli, obike ebyo ihwe, na ohebe obunanire oku citabu kuhika amango ga buzinda. Banji bayishi bisoma, na obumanyi buyushuke. ⁵ Na nie, Danieli, Nakagisinza, na lolaga, bandi balume babirhi baliyimanzire, muguma idaku ebwa cikombo c'olwishi, na owindi enyanya ly'amishi c'olwishi. ⁶ Muguma mulibo abwira omulume waliyambirhe ecibwikwa, wayimazire okuniana ly'amishi g'olwishi; Mangaci obuzinda bw'ebyo birhangazo bwabà? ⁷ Na nayunva omulume waliyambirhe elishangi y'ecishingo, waliyimanzire oku mishi g'olwishi; alabula okuboko kwage kulyo na okulembe emalunga, anacigasha oku olamire amango goshi oku byshiba omu mango maguma, amango manji, na ecirholo c'amango, na ebyobyoshi byayishihwa amango emisi y'abacesibwa yayishi hwerekera. ⁸ Nayunva, ci nta hugukagwa; na naderha: Nnahamwirhu, gurhi obuzinda bw'ebyo bintu bwayishiyorha? ⁹ Ashuza, genda, Danieli, bulya eyomyanzi yabikwa ihwe na okuhebwakwo obunanire kuhika ensiku za buzinda. ¹⁰ Banji bayishi cicesa, n'oku ciyeruhya na oku cishuka; abagoma bayishi kajira amabi na ntaye omu bagoma wayishi hugukwa, cikwone abagwerhe obukengukwe bayishi yunva. ¹¹ Gurhenga amango enterekero y'amango goshi yalekwa, na hano obugoma bw'omushereza buyimanga, hayishibà nsiku cihumbi magana gabirhi na makumi galimwenda. ¹² Ali munyiragi owayishilinda, na owayishihika kuhika nsiku cihumbi magana gasharhu na makumi gasharhu! ¹³ Na we, hwerekera ebuzinda bwawe; wayishirhamuka, na wayishiba oyimanzire kugerera omwimo gwawe oku nsiku nzinda.