¹ Dyaa Yesu ubhia mu male iyowa makoko mese anga bhatende bhese ta bhuu na bhamo ta bhavfili, á esa dyaa, á kena iko gulusia ka na ikokalia á ndei dja dhene dja etuko. ² Dyaa Yoani ubhia á mudyalolo, á óka lokuku la mekambo ma kilisito, iyo usowana na bhatende bhese: ³ Òwe undjo úidjie ao tupasie inesi bha womo? ⁴ Yesu abha kpetania: kenia kon'sowai Yoani bhio na oka ka na bhio na éná, ⁵ Bhushe bha bhutiti bha éná, bhushe bha mabhunga bha luvfa, bha bhukoma bha túúnmana, bha luku bha oka, bhaa bha ogwa bha úmúa, ka livfia la likima likokoliana anga bha bhóka. ⁶ Asééa undjo andje gwaliese likia la ikuwa angami! ⁷ Toku bhu bha bhakeni, Yesu ubha muvfie na dyombo, ikulu la Yoani: Indje nukena ioena á mpena wa iseke? nyasi djio dji diza na movfuvfu? ⁸ Ngo, nu kéna iko ena indje? mushe musale ngombe dja djiki maa? Enai, bhaa bha sakalie ngombe dja djikima bha gwagwalie á bhyavfulu bhya bha kota. ⁹ Nukena kotiyo ikone mena neni? n'kanga? ya djelia, yanésawa nuwe, ka na iyeta ku na n'kanga. ¹⁰ ngo i úndjo ikpaluana: Enai, yan'tuna n'tambia wami apele na bhosio bhai, mungusa á tayalisia paki yaye apele nai. ¹¹ Angili yanesowa, anga bhaa bhali bhubha bhuta, indjese na undjo úbhútala inémita Yoani adjinisia. kaamó, úndjo ú músú á bhukota bhwa ikulu la nguvfa ú n'dumanga wa inemita. ¹² Tangia wa kati wa Yoani n'djinisia mpaka masi mamo, bhukota bha ikulu la nguvfa bhu kamisiana, ka ibhaa bha nalokulu bhaa bha geia. ¹³ Mungusa bhakanga bhatopa ka na selia etopa bhu enga mpaka anga Yoani; ¹⁴ ka, ani nuondue idjibha, iidje undjo ú ena undjo ubhia taa ú idjie. ¹⁵ Úndjo ú na matoyi ma ioka á óki. ¹⁶ Naneni undjo iengimanisie ngei ino. Iévfilane na bhana bhaa bha bhadjumane á bhigula bha bhushe bhatopa, ka bhaa bha vfie na bhana bhaamo, ¹⁷ Bhu vfia: tune ovfulia nuwe panda, ka nu bhine anu; tune bhelia nuwe djombo dja bhukuku ka nuwe nu telebhane anu. ¹⁸ Ngo Yoani ú idja, na mbese idhia na mbese inyua, ka bhuvfia: úna mugu. ¹⁹ Mona wa mushe ú idja, na idhia ka na inyuwa, ka bhavfia: ú n'dhüsia ka ún'nyisia, mbeni wa bha Pibhilika ka bhaa bha na djambi. Nge bhutumba bhese bhubhia bhuénikiane na mekambo mese. ²⁰ Ngo ubhia nuowe makoko á ndei dja dhene djio ubhia sa kia bhikako, mungusa bha bhie abho bhane bhosie. ²¹ I bhukuku angai, Kolazini! I bhukuku angai Betesaidha! ngo, ani bhikako bhio bhibhia bhi kiani anganu bhi bhia bhikiane á Tilo ka á Sidhonia, amba bhu dji bhasia kungbe, na ivfevfa gunia ka na evfu. ²² Na eyo yanesowa nuwe: bhusi bha isambisiana, Tilo ka Sdhonia bha gwalie bha okumuane ta bhuwa ine eta nuwe. ²³ Ka owe, Kapelenauma, úgwali n'kpatisiane á ikulu la nguvfa? Mbese. Úgwali n'dhulue mpaka anga bhaa bha ógwá; ngo, ani bhikakó bhio bhi bhia bhi kiané angai bhi bhia bhi kiané á Sodhomo, amba bhi kuwe mpaka bhusi bhuno. ²⁴ Na éto yanesowa núwe: bhusi bha úkúmu étuko ya Sodhomo ipatie úkúmu ta bhua iéta núwè. ²⁵ A wakáti úwò, Yesu á dunga livfia ka avfia: yane biba, Tita, Bhwáná bha ikulu la nguvfa ka bha kisi, na eyo ú à lio bhima bhio anga bhatumba ka na anga bhaa bha na otinga, ka na bhaa ubha vfanisia anga bhana. ²⁶ Ya djelia, Tita, tane biba na iyo wa onda dyito. ²⁷ Bhima bhitopa bhi bhia bhiowane angami na Tita, ka mushe andje ndjibhiese mona ani sibhaese ku Tita, mushe ta omoi andje n'djibhiese Tita ani sibhaese ku mona ka ani ku mona undjo uondue ine vfanisia. ²⁸ Ukai anganu nuwe bhatopa bhaa nabhoga ka bhaa bha na bhakumbo bha dhüi, ka ineouwe nuwe iyama. ²⁹ Vfevfai mpuli wami, angani ka djeliai ma koko mami, emi i tü ka na mpumatima mune dhulusie; ka mipumatima nyanu mipali iyama. ³⁰ Ngo mpuli wami ú ta tiü, ka akumbo wami uvfue.