¹ Yesu achiri daha buhyahy'omw'isengero.mwakagi bera mulume mugum'ali gwerh'okuboko kuyumire. ² Akagi singiriza Yesu,mpu balole nkab'amufumy'olusiku lwa N'Namahanga:kwali kulonza bamusongere. ³ Na Yesu abwir'oyu mulume waligwerh'okuboko kuyumire:Yumuka we,ah'omukarhi. ⁴ Ler'ababwire :Kabikwanine olwa N'Namahanga okujir'ebinja erhi kand'okujira kubi,okuchiz'omuntu erhi kandi okumuyirha?Chikwone bahulika. ⁵ Erh'abagezageza mw'amasu noku chidudumya,haguma n'okugay'enyanya ly'obuzibu bw'emirhima yabo,abwir'omulume:Lambul'okuboko,anakulambula,n'okuboko kwage kwanafuma. ⁶ Abafarisayo bahuluka,ho naho bana jana mwo boshi n'abaherodi banalaganan'oku bamuhererekeze. ⁷ Yesu abarhenga mw'ayereker'ebwa nyanja boshi n'entumwa zage.Buso bunene bwamushimba ebw'e Galilaya;n'e Buyahudi, ⁸ n'e Yerusalemu,n'e Idumaya,n'ishiriza ly'e Yorodani,na hofi hofi n'e Tiro,n'e Sidoni,lubaga lwinji ,bamanya bosh'ebi akagi jira, baj'emwage. ⁹ Abwir'entmwa bachihangane bamutunde n'obwarho butya bamuyase hofi n'olubaga. ¹⁰ Bulya,bulya nkwoku anakagika fumya bantu banji,balya balwala boshi baka chijanika kuli ye mpu bamuhume kwo. ¹¹ Abazimu babi,omumango babwine kulya bakachijanik'embere lyage n'okuyama:Oli Mwana wa N'Namahanga. ¹² Chikon'abarhegeka n'obwalagale mpu barhamumanyis'oku bantu. ¹³ buzinda bwah'oshoner'oku ntondo;ahamagala'ab'analisimire,nabo banaj'emund'ali. ¹⁴ Anajira ntumwa ikumi nazibirhi,zokubera haguma naye,n'okuka barhuma baji yigiriza, ¹⁵ Abayambik'obuhashe bwokuka hinv'abazimu. ¹⁶ Alag'ikumi na babirhi ajijire:Simoni amuyirika Petro; ¹⁷ Yakobo,mwene Zebedayo,na Yohana,mwene wabo Yakobo,baly'ahag'izino lya Boanerge,kwoku derhabmwene mulazo; ¹⁸ Andrea;Filipo;Barthelemayo;Matayo;Tomaso;Yakobo,mwene Alufayo;Tadeo;Simoni we Kanani; ¹⁹ Na Yuda Iskariyoti,olya wayishi hana Yesu.Baja n'eka, ²⁰ N'olubaga lwachiheba haguma buhyahya, kulya barhankachihashire okuly'ebirho byabo. ²¹ Ababusi ba Yesu ,erhi bayunv'ebyagezire,baja yo mpu lyo bamany'ogwage;bulya bakagi derha mp'arhagwerhi burhimanye. ²² N'abandisi bahonokag'e Yerusalemu,baderha:Agwerhe na Belzebuli;n'oku burhwali bwa bashetani kw'akahinv'abashetani. ²³ Yesu abahamagala,anababwira oku muganyi:Gurhi Lyangombe akahinva Lyangombe? ²⁴ Nkw'obwami bwankachigaba kuli bwonene,obwo bwami burhanka chilama, ²⁵ N'ank'enyumpa yankachigaba kuli yonene,eyo nyumpa erhankachi lama. ²⁶ Nka lyangombe ankachigobok yene,achigabire,arhanka nachilama,bulya bulya byajirikine kuli yene. ²⁷ Nta muntu wankadah'omunyumpa yo mulume w'emisi,n'oku zimb'ebintu byage,nk'arharhanziri mushweka oyu mulume w'emisi;lyok'anazibag'omunyumpa yage. ²⁸ Mubwizire n'obwalagale:Ebyaha byoshi byayishi babalirwa oku mwene muntu,na ngasi buderhe derhe byoshi badesire; ²⁹ Chikwone owaderhe kubi o'Muka mweru,oy'arhaka babalirwa:Aba munabyaha w'ensiku na mango. ³⁰ Yesu aderhaga tya bulya bakagi derha:Ali kw'omuzimu mubi. ³¹ Alangira nina,na benewage,boshi,baliyimanzir'aha mbuga,barhumiza bamuhamagale. ³² Olubaga lwalitamire lumuzunglusire,bana mubwira:Ala nyoko na bene winyu bal'embuga balibakulonza. ³³ Ashuza:Nndi nyama na bandi bo benewani? ³⁴ Aha nyuma lyaho,alikir'amasu okubo balitamir'aha burhambi bwage:Ababwira,lolagi, nyama na bene wani. ³⁵ Bulya,ngasi yeshi okajir'obulonze bwa N'namahanga,oyo ye mwene wani,mwali wirhu,ye na nyama.