¹ Okumurhondero gw'emyanzi ya yesu kristu mugala wa N'namahanga kushimbana. ² Kushimbana n'okubiyandisirwe n'omulebi Isaya:Lola,intumire emundoli omurhumisi wani wokukubula injira yawe; ³ liri izu lyoli wayakuza omwi rungu mukubule enjira ya N'namahanga murheganye enjira zage. ⁴ Yohana abonekana,abatiza omwirungu ona igiriza obubatizo bwobuchunguke,lyo babalirwa ebyaha. ⁵ Echihugo choshi che yudeya nabantu boshi be yerusalemu,baja emundali bana hunguma ebyaha byabo baka batizibwa naye omunyanja ye yorodani. ⁶ Yohana ali gwerhe emishangi yobwoya n'omukaba ngwengozi omuchibuno.Bakagi lya amahanzi n'obuchi bwe mpoko. ⁷ Akagi igiriza n'okuderha,owa isha enyuma zani agwerhe emisi minji kundusha ntana shinga nini uku yunama inshwekule emigozi ye birato byage. ⁸ Nye,namubatizize omu mishi,yehe,ayishi mubatiza uku muka mweru. ⁹ Ako kasangi yesu ayisha kurhenga enanzareti ye galilaya ana batizibwa na yohana omu yorodani. ¹⁰ Erhi arhange omu mishi abona amalunga gayuguka no muka mweru amuhokera kwo nka nguku. ¹¹ Izulya yunvikana emalunga omwei myanzi,oli mwani wani muzigirwa,omukarhi kawe nahizire mwo obuzigire bwani bwoshi. ¹² Honaho muka mweru aheka yesu omwirungu. 13 Ahirayo nsiku makumi gani,arhangulwa na lyangombe aline bone simba zemuzirhu nabamalaika bamukolera. ¹⁴ Erhi yohana aba amashwekulwa yesu aja egalilaya ayigiriza omwanzi gwa N'namahanga. ¹⁵ Akaderha:akasanzi kahisire n'obwami bwa N'namahanaga buli hofi.Muchiyunjuze muna yemere emyanzi yakalembe. ¹⁶ Erhi agera oku burhambi bwe nyanja yegalilaya abona simoni na Andereya mwene wabo,simoni,bakagi kweba akeshe omunyanji bulya bali badubi. ¹⁷ Yesu aba bwira mushimbe mwaba badubi ba bantu. ¹⁸ Honaho baleka orhweshe rhwabo bamushimba. ¹⁹ Erhi alikula abona yakobo,mwene Zebedayo,na Yohana mwene wage,nabo erhi bali omu bwarho buguma n'okutengeneza orhweshe. ²⁰ Erhi aba hamagala,bana,siga Ishe wabo Zebedayo omu bwarho bona abakozi bamushimba. ²¹ Banja e kaperanaumu n'olusiku lwa N'namahanga,yesu arhangi ingira omu chishagala,anigiriza. ²² Basomerwa n'enyigirizo zage;bulya akagi baigiriza inka muntu w'obuhashe chi arhali nka bandisi. ²³ N'aho hali omuntu omu chishagala chabo wali gwerhwe n'omuzimu,ayakuza: ²⁴ Bichi biri ekarhi kirhu na nawe,yesu we Nanzareti?Waishire mpu orhuheze.Namanyire okuli mwimana wa N'namahanga. ²⁵ Yesu abakalihira,aderha:Hulika,rhenga omw'oyu muntu. ²⁶ Omuzimu anarhenga omwoyu muntu omukumudundaganya n'emisi,anayama n'izu linene. ²⁷ Boshi bagwarhwa n'echoba kuhika barhondera bachidosa bone na bone:Biri bich'ibi?Inyigirizo mpyahya ezi!Ali arhegeka chiru n'abazimu,bana mukenge. 8 Irenge lyage lya lumira omu chihugo choshi che galilaya. ²⁹ Erhi arhenga omu chishagala agenda bona Yakobo na Yohana emwa Simoni na Andreya. ³⁰ Nazala wa Simoni ali gweshire,ali gwerhwe n'ihoma,babwira yesu anyanya zage. ³¹ Erhi amuyegera,amugwarha okuboko,amuyimusa.honaho ihoma lya murhengamwo na anabaha ebi balya. ³² Bijingo enyuma lyo kugweshera ukwizuba bamulerhera abalwala boshi nabayunjwire bazimu. ³³ N'echihugo chosi chali shinganine embere z'omulango gwage. ³⁴ Akagibuka bantu banji baligwerhe endwala zangasi lugero:akagi hinva nabazimu banji arhanakagi yemera abazimu baderhe,bulya ali bamanyire. ³⁵ Oku mucho erhi omwizizi,guchiri mwinji ayimuka,anagenda omwirungu,emund'ali jire huna. ³⁶ Simoni nababali boshi bagenda baja bamulonza; ³⁷ n'erhi baba banamubona,bamu bwira,rhweshi rhwaja rhwa kulonza. ³⁸ Abashuza rhugende ahandi omunyubako zili eburhambi lyonayo ingendi iyigiriza;bulya ebyo byobyarhumire nagenda. ³⁹ Anagenda igiriza omu makanisa,omugalilaya ysoshi,ana hinva abazibu. ⁴⁰ Owe bibenzi ayisha emundali;ana fukama,amubwira nizu ly'obwonjo:Inka wankasima wana chesa. ⁴¹ Yesu,amuyunviza obwonjo,alambula okuboko,amuhumakwo,aderha:Inkulonzize ochesibwe. ⁴² Honaho ebibenzi bya murhengakwo anacha. ⁴³ Yesu abagalula honaho amu komereza, ⁴⁴ amu bwira:omanye orhabwiraga muntu yeshi;chi ogende ochiyerekane emwa banjiji,ohane oku buchesibwe bwawe ebi musa ayandisire,ly'ebyo birhabale okubudima. ⁴⁵ Chi oyo mulume erhi egenda arhondera ayalagaza bwenene ogwo mwanzi anaguderha arhuma yesu arhachijaga adaha omu bishagala n'obwalagale ajabera embuga,omwirungu,abantu bangasi hantu bakaja emundali.