¹ Erhi ayus'ezo nshambalo zosh'embere zo lubaga lwoshi lwakagi mu yunvirhiza,Yezu ayingir'e kapernaumu. ² Mukulu muguma wa basirika igana aligwerhe omukazi wali murhonyi wage,n'oyo ali lwazire bwenene,kulinzifa. ³ erhi ayunva baderha enyanya za yezu,amurumira abashamuka b'abayahudi,mpu bagendi muhuna oku ayish'amufumize omukazi wage. ⁴ Bana hika hofi na Yezu,bamuyinginga bwenene, n'okuderha ;Bishinganine omujirire ntyo; ⁵ Bulya asim'obuko bwirhu'ye wana rhu yubakirag'isengerero lirhu. ⁶ Yezu,anagenda boshi nabo,erhi arha chihika hofi n'enyumpa,oyo mukulu w'abasirika arhum'abira bage mpu bamubwire;N'nahano orhachi rhamye,bulya ntashinganini oje omu mwani. ⁷ Ebyo byo byana rhumaga nachuganya niene oku ntakaja emunda oli niene.Chi kwone oderhe kanwa kaguma,n'omukazi wani afuma. ⁸ Bulya nani nankarhegekwa n'abakulu,ingwrhe abasirika nani nka rhegeka;na mwire muguma ;Genda,anagende;n'owindi,isha anayishe;n'omukazi wani;jira hilebe anahijire. ⁹ Erhi Yezu ayunva eyo myanzi,asima oyo mukulu wa basirika,na,anahindukira olubaga lwali mushimbire,aderha;Mbabwizire,choli omu israel nta sigi bona y'obwemere bunene bulink'obu. ¹⁰ Erhi bagaluk'eka,abantu balirhumirwe n'omukulu,bashingana olya mukozi wali lwazire anafumire. ¹¹ Olusiku lushimbulire,Yezu agenda omu lugo ludesirwe Naini;entumwa zage n'olubaga luinjilwajaga lwagenda bonaye. ¹² Erhi akol'ahika omu muhago,alaga,babarhwire omufu bajigubisha,mwana muguma wa nina,ali mukana;hali bantu banji bomu murhundu bali mulusize. Nakasane erhi amubona,amuyunviz'obwonjo,ana mubwira;orhalake. ¹⁴ Ayegera,ahuma oku isanduku.Abalimubarhwire ba yimanga.Aderha;murhabana,nkubwizirekwo,oyimuke. ¹⁵ olya mufu atamala anarhondera aderha.Yezu anaja emunda nina ali. ¹⁶ Boshi ba gwarwa n'echoba,bana kuza N'namhanga,bakaderha;omulebi mukulu anarhu bonekire,na Nnamahanga anarhandwire olubaga lwage. ¹⁷ Ogwo mwanzi guyerekire yesu gwayalagala omu buyahudi bwoshi n'omu bihugo byoshi bye burhambi. ¹⁸ Yohana amanyisibwa eyo myanzi yoshi n'abaganda bage. ¹⁹ Abahamagala mwo babirhi,anabarhuma emunda Yesu ali,mpu baji mubwira:Kaw'olya wayishi isha,erhi rhugwasirwe rhulind'owindi? ²⁰ Erhi bahika hofi na Yesu,baderha:Yohana Mubatiza anarhurhumire emund'oli,mpu rhuderhe:Kaw'olya wayishi isha,erhi rhugwasirwe rhulind'owindi? ²¹ Honaho,Yesu afumya bantu banji e'ndwala ,obulema,abazimu babi,n'emihurha minji ayigalulir'okubona. ²² Anabashuza mpu:Gendi muganirire Yohana ebi mwabwine n'ebi mwayumvirhe:Emihurh'engwerhe yabona,ebirema bigwerhe byagenda,ab'ebibenzi bamachesebwa,bana murhunva bagwerhe bayunvaemifu yamafuka,omwanzi gw'akalembe gwama yalagazibwa emw'abakenyi. ²³ Iragi ly'olya orhakasarhala erhi nie ntuma. ²⁴ Erhi balya Yohana alirhumire bagenda,Yesu arhonder'abwir'olubaga,ebiyerekire Yohana mpu:bichi mwalijiri lol'omwirungu?ka mashekesheke galigazunguzibwa n'empusi? ²⁵ Chi,bichigi mwalijiri lola?ka muntu oyambirh'e mishangi ye chishingo?alagi,chabayambal'emishangi minja,n'abalama omu binja,ch'omunyumpa z'obwami baba. ²⁶ Bichigi mwaligi jiri lola?ka mulebi?Nechi,nkudesirhe,kulusha n'omulebi. ²⁷ Oyo yob'oyandisirwe:lola,ntumir'e ntumwa yani emalanga gawe,oku ekubul'e njira yawe embere lyawe. ²⁸ M'mubwizire oku,omu babusirwe n'abakazi;Ntaye mukulu obali mwo nkaba Yohana.Nantyo,oli murho bwenen'omubwami bwa N'namahanga ye mukulu bwenene kumulusha. ²⁹ N'olubaga lwoshi lwayunvirhe,chiru n'abana byaha badimire N'namahanga,omu kubatizibwa obubatizo bwa Yohana; ³⁰ Chikoki abafarisayo na balimu b'ihano,okurhayemera obubatiza bwage, baganyagusa e'malanga gabo oburheganye bwa N'namahanga. ³¹ Indigi naka gerera kwo lino ibirha,nandi bashushire? ³² Bashushire abana batamire ah'olubaga lunji banali babwirana bone na nene,mpu:Ramuzihir'akarhere,murhana samaga;Rhwabanzire e'ndulu,murhanalakaga. ³³ Bulya Yohana Mubatiza ayishire,arhalyaga mugati arhana nywaga manvu,chimwaderha mpu:Alimwo omuzimu. ³⁴ Omwana w'omuntu ayishire,akigi lya anakagi nywa,chi mwaderha mpu:Alimudambye anali mulalu,mwirw w'abana byaha na bantu bakalamu kabi. ³⁵ Ch'obumanye abana bage boshi babudimire. ³⁶ Mufarisayo muguma ayinginga Yesu mpu baji lya bonaye.Yesu ana daha omu nyumpa yo mufarisayo,anarhondera alya. ³⁷ Alaga n'omukazi muguma munabyaha wali omu chishagala,erhi amany'ok'ali alya omu mwoyo mufarisayo,aler'ichupa lya albatre liyunjwire malashi, ³⁸ Anayimanga enyuma ,aha magulu ga Yesu.Akagi laka;n'erhi kuba kasangi amulobya amugulu n'emilenge yage,agali ihorhola n'e nviri zage,aganunugurha,anagashig'amalashi. ³⁹ Olya mufarisayo wamulalikaga erhi'abon'okwo,achidosa emurhima:Ink'oyu muntu anali mulebi,anali amanya mukazi much'oyu wamuhumaga kwo n'obworhere bwage,anal'amany'ok'ali muna byaha. ⁴⁰ Yesu aderha,anamubwira erhi:Simoni,ingwerhe oku nakubwira.Nay'ashuza erhi:Mwigiriza,derhaga. ⁴¹ Bantu babirhi baligwerhe omwenda gw'owabo:Muguma aligwerh'omwenda gwa ngoyi magana garhanu,n'owindi magana garhanu. ⁴² Nankwoku barhaligwerhe bichi bakalyula,abafwa bonjo bombi oku mwyenda yabo.Indi wakamusima kulusha? ⁴³ Simon ashuza:Inchikebirwe oku olya wababalirwe oku binji.Yesu amubwira:Wadesire bwinja. ⁴⁴ Lero,ahindukira olya mukazi,abwira Simon:kobwine oyu mukazi?Nadahire omu nyumpa yawe,arhanampir'amaishi gokunshuka amagulu gani,chi yehe,anagalobize n'emilenge yage,amana gahorhola n'enviri zage. ⁴⁵ Orhacho nunugusire,chi yehe,chi yehe,kurhenga nadahaga arhachihusa okununugurha amagulu gani. ⁴⁶ Orhacho bulagire amavurha omwirhe lyani;chi yehe,anabulagir'amalashi oku magulu gani. ⁴⁷ Chochirhumire,nkubwizire oku,ebyaha byage binji bya babalirwe:bulya ana nzigire bwenene.Chi ngasi oyu bababalira hitya,anazigire hitya. ⁴⁸ Anabwira olya mukazi mpu:Ebwaha byawe bibabalirwe. ⁴⁹ Abakagi lya haguma naye barhondera bachidosa mpu:ye muntu much'oyulira,oli wababalira chiru n'ebyaha? ⁵⁰ Chi Yesu abwira olya mukazi mpu:O'bwemere bwawe bwakuchizize,genda n'omurhula.