¹ Hana hika,olu siku lwe sabato luhamagirwe lwa kabirhi lurhanzi,Yesu ageraga omu mashwa g'engano.Abaganda bage bajaga ba vuna emihuli banayi lya,ahanyuma zoku yivungira omu nfune zabo. ² Bafarisayo baguma banababwira:Bulya gurhi muli mwajira ebirha yemerirwi okujirwa olusiku lwe sabato? ³ Yesu abashuza:Ka murha somaga ebi Daudi ajiraga,amango ayunvagy'ishali,ye n'abali boshi; ⁴ gurhi ayingiraga omu nyumpa ya Nnamahanga,arhola emigati balirheganyize,omukulya,n'omuha abali boshi,chiru akaba bi rhali yemerirwe oku abajinji bayilye? ⁵ Ana babwira:Omwana w'omuntu yene ye mwalimu w'esabato. ⁶ Hana hika,olwindi lusiku lw'esabato,olu Yesu ayingiraga omu chishagala,anakagi yigiriza.Mwali mulume mugumaokuboko kwage kwe kulyo kwali yumire. ⁷ Abashamuka b'ihano n'abafarisayobakagi singiriza Yesu,baka lola erhi abuka olusiku lw'esabato:Bakagi lonza enjira yokumushitaki. ⁸ Chikwone alimanyire entanya zabo ,anabwira omulume wali gwerhe okuboko kuyumire:Yimuka,onayimange aho omukagarhi.Anayimuka,anayimanga. ⁹ Na yesu ababwira:Mbadosize erhi biyemerirwe,olusiku lw'esabato,okujira ebinja erhi oku jira ebibi,oku chiza omuntu erhi oku muniga. ¹⁰ lero,abasegeza amasu gage boshiabwira oyo mulume:Lambula oku boko kwawe.Anakujira,n'okuboko kwage kwanafuma. ¹¹ Bana yunjula oburhe ,bana hanulana gurhi bajira Yesu ¹² Omuako kasangi, Yesu anaja oku ntondoagendi huna,obudufu bwoshi bwa hwer'eyo ali ahuna Nnamahanga. ¹³ Erhi bucha ahamagala abaganda bage,abarhola mwo ikumi na babirhi,bo ahga izino ly'entumwa: ¹⁴ Simoni,amuha elya Petro;Andreya,mulumuna wage;Yakobo;Yohana;Flipo;Batulumayo; ¹⁵ Matayo;Tomaso;Yakobo,mwene Alfayo;Simoni,ohamagirwe Zeloti; ¹⁶ Yuda,mwene Yakobo;na Yuda Iskarioti,olya wamuhindukaga. ¹⁷ Ahonoka bonabo,ayimanga omu ndekera,aha abaganda bage banji bali nabantu banji bomu Yudeya yoshi,ab'eyerusalemu nab'omu chishagala ch'oku nyanja y;etiro n'esidoni.Bali yishire bali mu yunvirhiza,abafumye n'endwala zabo. ¹⁸ Abali libuzibwe n'empusi mbi nabo ba fuma. ¹⁹ N'olubaga lwoshi lwa lonaz oku muhuma kwo,bulya emisi yakagi murhenga mwo yanaka bafumya boshi. ²⁰ Lero Yesu,ayinamula amasu oku baganda bage,aderha:Muli b'iragi mwe muli bakenyi,bulya obwami bwa Nnakasane buli bwinyu! ²¹ Muli b'iragi mwe mushalisire,bulya mwayishi yigurha!Muli b'iragi mwe muli mwa laka buno,bulya mwayishi ba omu bushagaluke! ²² Muli b'iragi mwe ,erhi abantu baka bashomba,hano baba hinva,bakamulahira n;oku kabaderha oku muli babi enyanya z'omwana wo muntu! ²³ Mushagaluke ago mango muna chishinge bulya oluhembo lwinyu luli lunene omu mpingu;bulya ntyo kwo b;ishe balibuzagya abalebi. ²⁴ Chikwone,buanya emwinyu,bagale,bulya mugwerhe olwinyu luhembo! ²⁵ Buhanya bwinyu mwe muyigusire,bulya mwayishi shalika!Buhanya bwinyu mwe muli mwa sheka buno,bulya mwayishi ba omu mishibo n'omu milenge! ²⁶ Buhanya,amango abantu boshi bayishi derha bwinja enyanya zinyu,bulya nyo kwobishe bakajira emalanga g'abalebi babi! ²⁷ Chikwone mba bwizire,mwe muli mwa nyunva:Musime abshombanyi binyu,mujirire ababashomba aminja, ²⁸ mukagisha abaka ba heherera,mukahunira n'abali bamulibuza. ²⁹ Erhi hakaba owa kushurhira omu irhama liguma,omuhindulire n'elindi.Nka hakaba owa kurhola ikoti lyawe,orha mulahizagya mpu arha rhole n'ensimisi yawe. ³⁰ Ohe ngasi ye wakuhuna,orhanahunaga akantu kawe emw'owaka kurhola ko. ³¹ Ebi mwakalonza abantu babajirire,bajirire byo nabo. ³² Nka mwaka sima abamusima,munkwa muchi mwanka habwa?Abapagani nabo banakasima ababa sima. ³³ Erhi wanka jieira aminja oka kujirira aminja,luhembo luchi wakayishi habwa?abapagani nabo banakajira ntyo. ³⁴ Erhi mwanka kaba abamulangalire oku bamulyula,luhembo luchi mwakayishi habwa?abapagani nabo banaka kaba abapagani,lyo bagalulirwa oku byanali. ³⁵ Chikwone musime abashombanyi binyu,mujire aminja,mukabane murhana langalire bichi.N'oluhembo lwinyu lwayishi ba lunene,mwana yishi ba bana bowe nyanya,bulya buli bwinja oku barhavuga munkwa n'oku b'emirhimamibi. ³⁶ Mube n'omurima mwinja ,nk'oku sho winyu aba wa murhima mwinja. ³⁷ Murha twaga olubanja,murhanaka yishi twirwa olu banja;mu rhana hanaga,murhakanahanwa;mubabalire,mwayishi babalirwa. ³⁸ Muhe,banayishi muha: Bayishi bulagira omu mifuko yinyu echipimo chinja,chisindagire,lushaganye lunali lusheshe;bulya bayishi bapimira n'echipimo mwayishi pimirwa. ³⁹ Achiribabwira ogu gwindi mugani:K'omuhurha gwana hek'ogwabo muhurha?ka barhanka rhogera boshi omu mwina? ⁴⁰ Omuganda arhalushiri omwalimu;chikwone abaganda oyenire aba nk'omwalimu wage. ⁴¹ Bulya gurhi obona ehyasi hili om'isu lya mwene winyu ,orhana bone enduluma y'omurhi guli om'isu lyawe? ⁴² erhi gurhi wanka bwira mwene wawe:Mwene wani,oleke nkul'ehyasi hili omu isu lyawe,we orhali wabona enduluma y'omurhi eli omu lyawe?eyindyalya,orhangi rhenza enduluma y'omurhi eli om'isu lyawe,lyo wayishi bona gurhi warhenza ehyasi omu isu lya mwene wawe. ⁴³ Arhali omurhi mwinja gwo gurhenza amalehe mabi,erhi omurhi mubi gurhenze amalehe minja, ⁴⁴ Bulya ngasi murhi gunamanyirwe oku malehe gagwo.Barhahumbula malehe omu mishugi,n'oku makererhe barhahumba kwo malehe ga mizabibu. ⁴⁵ Omuntu mwinja anaka rhenz'ebintu binja omumuhako mwinja gwo mu murhima gwage,n'ababi banarhenze ebintu bibi omu muhako mubi;bulya omubwinji bw'omurhima lyo akanwa kaderha. ⁴⁶ Bulya gurhi muka mpamagala Nakasane,nakasane!murhanajira embi nka mubwira? ⁴⁷ Nayishi muyereka ndi ashushire omuntu okayisha emunda ndi,oyunva emyanzi yani ,anayikole. ⁴⁸ Ashushire omuntu wa,yubakaga enyumpa,ahumba,ahumba bwenene,anahira echiriba oku lwala.Enkuba nyinji yayisha,empusi nyinji yachikweba oku eyo nyumpa,erhana hirimaga,bulya yali nyubake bwinja. ⁴⁹ Chikwone owa yunva,arhanashimbulire,ashushire omuntu wayubakiraga ok'idaho,buzira musingi.Empusi yayihirimira kwo:lero yanahirima,okuhongoka kw'eyonyumpa kwali kunene.