¹ Nkoku Yesu ali hofi n'enyanja ye Genezareti,n'olubaga lwali harhwire lumuzungulusire lyo luyunva akanwa ka Nnamahanga, ² anabona ishiriza lye nyanja marho gabirhi,erhi abadubi bama honoka bji shuka orhweshe rhwabo. ³ Ana shonera omu bwarho buguma aho,bwali bwa Simoni,n'omu obwo bwarho aja ayigiriza olubaga. ⁴ Erhi ayusa aderha,abwira Simoni:oyegere omu mishi,mukwebe orhweshe rhwinyu murhondere mwa buba. ⁵ Simoni amu shuza:Mwalimu,rhwa kozire obudufu bwoshi rhurhapasire bichi;chikwone,oku kanwa kawe,nakweb'akeshe. ⁶ Erhi akakweba,bagwarha nsamaki nyinji,n'akeshe kabo karhondera ka twika. ⁷ Bana kema ababo bali omu bwindi bwarho mpu bayishe baba gwase.Bayisha bana yunjuza ago marho gombi,kuhika gaja gazika. ⁸ Erhi babona nyo,Simoni Petro ahirima omu madwi ga Yesu,ana derha:Nnahamwirhu,ontenge ho,bulya ndi munya byaha. ⁹ Biy'echoba chali mugwerhe ,ye n'aba bali boshi,enyanya z'ensamaki balobaga. ¹⁰ Kwo byanali ntyo emunda Yakobo na Yohana,mwene zebedayo,abali haguma na Simoni.honaho Yesu abwira Simoni:Orhayobahe;kurheng'ene waba mudubi wa bantu. ¹¹ Na,erhi balerha obwarho ebulambo,baleka byoshi ,bamushimba Yesu ali omu chishagala chiguma;lolaga,muntu muguma ayunjwire bibenzi,erhi amubona,ahirima emalanga gage,amuhuna erhi;Nakasane,nkaba okusimire,wananchesa. ¹³ Yesu alabula okuboko,amuhumakwo,anaderha;nku lonzize,ochesibwe.Honaho ebibenzi bya murhenga kwo. ¹⁴ Ana barhegeka oku barhabwire ndi.Chikwone,aderha,genda ochiyerekane emw' omujinji,ona rhule enyanya lyokuchesibwa kwaweoku Musa arhegekaga,lyo okwo kuba yereka obudima. ¹⁵ Irenge lyage lya yalagalabwenene kulusha,n'abantu bayisha banji bayishi muyunirhiriza banayishi bafumya endwala zabo. ¹⁶ na ye,anja omu irungu,an huna. ¹⁷ Lusiku luguma Yesu akagi yigiriza.Abafarisayo n'abashamuka b'ihano bal'aho batamire,barhenga omu ngo z'omu Galilaya,omu Yudeya n'eyudeya n'eyerusalema;n'obuhashe bwa Nakasane bwakarhuma afumy'abantu. ¹⁸ Lolagi,abantu,bali barhwire omuntu ohoze amgulu oku nchingo,bakagi lonza bamu yingize bana muhire emalanga gage. ¹⁹ Bulya barhali manyire ngahi bamugeza,enyanya z'olubaga,ba sokera oku manjanja,banamuhonolera omu murhule,n'enchingo yage,omu kagarhi k'olubaga,embere za Yesu. ²⁰ Erhi abona obwemere bwabo,Yesu aderha:mulume,ebyaha byawe bibabalirwe. ²¹ Abashamuka b'ihano n;abafarisayo barhondera ba rhanya bana derha:Oyu ali ndi,oli waderha ebyokugnyagusa?owaka babalira ebyaha,nka arhali Nnamahanga yene? ²² Yesu,omu kumanya entanya zabo,ashuza anababwira:Ntanya nci mugwerhe omu mirima yinyu? ²³ Kurhi kuli kulembu,oku derha:ebyaha byawe bibabalirwe,erhi oku drha:yimuka,ona gende? ²⁴ Nobwo, lyo mumanya oku omwana womuntu agwerhe obuhashe bwoku babalira ebyaha:Nkurhegesire kwo,abwira olya wali hozire oyimuke,rhola enchingo yawe,ogende omu nyumpa yawe. ²⁵ Honaho,anayimuka emalanga gabo,arhola enchingo aligweshire kwo,anagenda emwage,ajakuza Nnamahanga. ²⁶ Boshi ba somerwa,banakuza Nnamahanga;bayunjwire echoba,baka derha:Rhwa bwine ene ebintu bisomerine. ²⁷ Buzinda bw'aho,Yesu ahuluka abona omuvurhisa,ohamagirwe Lawi,atamire ah'ali avurhikiza.Amubwira:Nshimba. ²⁸ Ana,siga byoshi,ayimuka,anamushimba. ²⁹ Lawi amujirira idigne lihamu omu mwage,na bavurhisa banji n'abandi bantu bakagi lya boshi. ³⁰ Abafarisayo n'abashamuka b'ihano bachidudumya,babwira abaganda bage: Bulya gurhi muli mwa lya mwana nywa mwen'abavurhisa n'abantu b'akalamu kabi? ³¹ Yesu,abashuza,abawira:Arhali abali ba yunva bwinja bo bachifinja munganga,ch'abalwala. ³² Ntayishaga ndi lonza abokuli bachunguke,ch'abe byaha. ³³ Ba mubwira;Abaganda ba Yohana,nk'ababafarisayo,bana chishalisa ngasi mango bana kana huna,chikwoki abawe banaka lya bana nywe. ³⁴ Abashuza;Ka mwana shalisa abira bo muhya amango bali boshi n'omuhya? ³⁵ Ensiku zayisha z'omuhya alengezibwa,lero ban yishi chishalisa omwezo nsiku. ³⁶ Ana chiri babwira mugani muguma;Ntaye obera omushangi muhyahyaluhande lyo aguhira oku mushangi mukulukulu;abere omushangi muhyahya,n'oluande arhozire gurhabe mukulukulu. ³⁷ Na ntaye wanka heba idivayi lihyahya omu bichima bikuluku;nka bakajira ntyo,idivaiyi lihyahya lyanalyana bera ebichuma,lyana bulajika,n'ebichuma byana hera; ³⁸ chikwone bigwasirwe bahire idivayi lihyahya omu bichuma bichire. ³⁹ Na nta muntu,wankaba amanywa idivayi likulukulu,wanka chisima ehi hyahya,bulya aderha elikulukulu lyo linja.