¹ Yesu erhi ayunjuzibwe na muka mwimana arhenga e yorodani,n'oyo muka amuheka omw'irungu. ² Shetani amurhangula mwo nsku makumi gani,muli ezo nsiku zoshi arhalyaga kalyo koshi koshi.n'erhi ziba zamahwa ashalika. ³ Ago mango shetani amubwira erhi:nkaba oli mwene Nnamahanga rhegeka ely'ibuye lihinduke mugati. ⁴ Chi yesu amushuza erhi:amandiko gadesire oku omuntu arhankalama oku mugati gwone. ⁵ Shetani amurheremana amuheka honaho amuyereka amuyerka amami goshi g'en'igulu. ⁶ Amubwira erhi:nakuha obuhashe n'obugale bwaga mami goshi ebyo byoshi Nnamahanga abimpire nani nanabiha oyu nankalonza. ⁷ Erhi wankafukamira byoshi byanaba byawe. ⁸ Yesu amushuza erhi:amandiko gadesire mpu:okazi harhamya Namuzinda,Nnamahanga wawe n'okumukolera yene. ⁹ Enyuma lyaho Shetani amuheka e yerusalemu amuhira oku nyanya ly'enyumpa ya kanisa amu bwira erhi:nakaba oli mwene Nnamahanga chikwebe okw'idaho. ¹⁰ Bulya amandiko ga desire mpu:Nnamahanga adesire mpu arhegeka bamalaika bage mpu bayishi bakulange. ¹¹ Ashubi derhi erhi bakuheka omu maboko gabo mpulyo arhagi sarhala okw'ibuye. ¹² Yesu amushuza erhi:amandiko ga desire mpu:Orhanka rhangula Nakasane Nnamahanga wawe. ¹³ Erhi shetani aba amarhangula Yesu omungasinjira,arhangi ba nk'amuleka. ¹⁴ Yesu ashubira omu galilaya erhi adwirhe obuhashe bwa muka mwimana.N'irenge lyage lyalumira omu chihugo mwoshi. ¹⁵ Aka yigiriza omu makanisa na bantu boshi baka mukuza. ¹⁶ Yesu ahika e Nanzareti,eyo munda yo aleleragwa,olusiku lw'okurhamuka aja omu kanisa kabo nk'oku anayorhaga ajira. ¹⁷ Bamuhereza e chitabu ch'omulebi Isaya,abungula ahali echitabu ch'amandiko chiyandiirwe mpu: ¹⁸ Muka wa Nnamahanga andi kwo,achinshozire mpu mpekere abakenyi emyanzi y'akalembe.antumire mpu nderhe abali mazimi bashwekulwe.mpu n'emihurha agalulirwe okubona mpu nabalibuzibwe imbalikule. ¹⁹ Mpu ndalike omwaka Nakasane ayerekana olukogo lwage. ²⁰ Enyuma lyaho Yesu abunga echitabu.achigalulira owakolaga omukanisa.abulitamali.abantu boshi bali omukanisa bakamulolereza. ²¹ Ago mango ababwira erhi:echi chigabi ch'aga mandiko,chahikirire ene,ene muna yunva nagasoma. ²² Boshi baderha mpu ogwa yesu gwamarhusomera,n'okusomerwa n'ebinwa binunu binunu akag'iderha baderha mpu:koyo arhali mwne Yozefu. ²³ Yesu ababwirha erhi Yesu ababwizira erhi:imbwine oku mwalingi twa gulya mugani gudesire mpu:we mufumu chibukage!nakandi mwachiri mbwira mpu:rhwa yunvirhe ebi wajijire e Kaperanaumu byoshi.korha bijiraga neno mwinyu oburhwa? ²⁴ Ahanyuma lyaho achiri yushula erhi:okuli okuli mbabwizure oku ntaye mulebi okengwa emwabo. ²⁵ Imubwizire okunali,omu mango ga Eliya omu israeli mwali bakana banji ago mango erhi enkuba eheba myaka isharhu n'enusu erhanya n'erhi echizombo chilumire omu chihugo choshi. ²⁶ Chiru ankaba ntyo,Nnamahanga arharhumaga Eliya emw'omukana chiru n'omuguma mulibo,chikwone amurhuma emw'omukana muguma oyo mukana abaga omuchishagala ch'e zarepati,omu chihugo ch'e siyoni. ²⁷ N'omu Israeli mwali abebibenzi banji omu mango g'abalebi,Elisha chiru nkaba ntyo nta muguma mulibo wafumire,chikwone Namanai w'e Asiriya yene wa fumire. ²⁸ Abali omu kanisa boshi erhi bayunva ntyo,bachi dudumya bwenene, ²⁹ Bayimuka,bahulukana Yesu bamaheka enyuma ly'echishagala chabo,okunyanya ly'etondo echo chishagala chali chiyubake kwo,mpulyo bamu jucha oku ntuli. ³⁰ Chi larha wani abagera mwo achigendera. ³¹ Erhi luba lusiku lwakurhamuka,Yesu aja omuchishagala chiguma ch'egalilaya chiderhwa Kaperanaumu ayigiriza abantu. ³² Basomerwa bwenene n'ebi akagi yigiriza bulya akagi derha n'obuhashe. ³³ Omu kanisa mwali omuntu wali kwo omuzimu,ayama bwnene erhi: ³⁴ Mashi yesu w'e Nanzareti,bichi rhufanwa rhweshi?koyishire hano mpu orhushereze?imanyire bwinja wendi.oli mwimana we rhumirwe na Nnamahanga. ³⁵ Yesu amushoholera anamurhegeka erhi:Hulika,murhenge kwo,oyo muntu arhimba ayu muntu okw'idaho emalanga ga bantu boshi.amurhenga kwo buzira kujira oyo muntu buzira kumujira kubi kwoshi kwoshi. ³⁶ Boshi basomerwa bwenene,baka bwirana mpu:"lero kwo kurhi oku!chi oyu muntu ali arhegeka abazimu n'obukulu n'obuhashe banali baka rhenga! ³⁷ Ago mango Yesu aja irenge bwenene omw'echo chuhugo choshi. ³⁸ Yesu arhenga omu kanisa aja omu mwa Simoni erhi nazala wa simoni ashushirwe bwenene,bahuna Yesu mpu amufumye. ³⁹ Amuja ho,ayimanga hofi naye,akalihira ely'ishushira lyana murhenga mwo.honaho ayimuka arhondera abakolera. ⁴⁰ erhi izuba liba lyamazika ngasi bantu boshi baligwerhwe namalumwa ga ngasi lubero babalerhera yesu aja abaheba kwo amaboko gage oku ngasi muntu honahalya banaja bafuma. ⁴¹ Abazimu baderha nabo bakarhenga oku balwala banji n'okuyama mpu:oli mwene Nnamahanga!chi kwone Yesu abakalihira n'okubahanza mpu barhachiderhaga,bulya bohe bali bamanyire oku ye Masiya. ⁴² Erhi bucha ntya,Yesu arhenga omu chishagala aja hage hage.bantu banji baja bamulonza,erhi bamuhika ho balonza oku muyorhana n'okumu chika mpu arhachirhengaga yo. ⁴³ chikwone ababwira erhi:Indozize inyigirize emyanzi ya kalembe ko bwami bwa Nnamahanga obindi bishagala namwo,bulya okwo kwo kwarhumaga Nnamahanga antuma. ⁴⁴ Ago mango aka yigiriza omu makanisa.