1 Banayimuka boshi,baheka Yesu emalanga ga Pilayo. 2 Barhondera bamulega,bakaderha:Rhw shinganyire oyu muntu ali ahabula abantu birhu ,mpu barhaka vurh'ikoli lya Kaisari,anakachi derha mpu yene ye Kristo, mwami. 3 Pilato amudosa,omu ezi nderho:Koli mwami w'abayahudi?Yesu amushuza:Okudesire. 4 Pilato abwira abkulu b'abajinji n'olubaga:Nta bwini echankarhuma na hana oyu muntu. 5 Chikwone bana seza,bana derha:Anaka shimika olubaga,anaj'ayigiriza e yudeya yoshi kurhonderera e Galilaya,kuhika eno munda. 6 Erhi Pilato ayunva baderha e Galilaya,adosa erhi oyo muntu ali mugalilaya; 7 Na,erhi amanya oku ali womu chihugo Herode alimwo murhegesi,achiri murhumira Herode,ye wali e Yerusalemu ago mango. 8 Erhi herode abona Yesu ,asima bwenene;bulya kurhenga mira akagi lonza amubone,enyanya zoku akagi yunva enyanya zage,analangalira mpu abona oku ajira ebisomerine biguma. 9 Amudosa madoso manji;chikwone Yesu arhamushuzagya bichi. 10 Abakulu babajinji n'abashamuka b'ihano bali aho,bamu lega bwenene. 11 Herode bon'abalanzi bage,bamuganyagusa ;na,erhi baba bamamushekereza n'oku muyambisa omushangi mwinja bamuheka emwa pilato. 12 Lwo no lwo lusiku ,Pilato na Herode baba bira,bali bashombine kurhenga mira. 13 Pilato,ahira abakulu babajinji haguma, abaka twa emanja,n'olubaga,ababwira: 14 Mwandwirhire oyu muntu ali ahabula olubaga.lolagi,namamudokeza emalanga ginyu,ntabwine bichi atumwire oku byo mumu shobesire; 15 Herode naye ntabyo,bulya arhugalulire ye,lolagi,ntabyo oyu muntu ajijire byanka rhuma afa. 16 Kwo kuderha namushwekula,erhi namana mushurhisa emikoba. 17 Oku ngasi idigne lya Pasaka,aligwasirwe alike muntu muguma w'omugozi. 18 boshi bayakuza boshi haguma:Oyirhe oyu,orhulikire Baraba. 19 Oyo muntu alishwesirwe oku bugoma bwa zukaga omu chishagala n'obuhimbisi. 20 Pilato achiri babwira buhyahya,omukulonza alike Yesu. 21 Bana yakuza:mumumanike,mumumanike ! 22 Pilato achiri ba bwira bwa kasharhu:Bubi buchi ajijire?ntabyo nabwine omu ye byankarhum'afa.nkolaga namulika,enyuma lyo ku mushurha emikoba. 23 Baseza oku izu linene,bahuna oku amanikwe.n'izu lyabo lya muheka: 24 Pilatoaderha oku ebibahunyire binabe. 25 Alika owalishwesirwe oku bogoma n'oku buhimbisi,n'oku bakagi huna;ana hana Yesu oku bulonza bwabo. 26 Erhi baba bamudwirhe,barhola muntu muguma Simon we Kurene,wa rhengaga ebwishwa,bamuha omusalaba,mpu agu heke enyuma za Yesu. 27 Anashinbulira obwnji bwa bantu b'olubaga,n'abakazi bajaga bachishurha echifuba bana ka chidesa oku ye. 28 Yesu ahindamuka emunda bali,ana derha:Banyere b'eyerusalemu,murhandakire;chikwone muchi lakire n'abana minyu. 29 Bulya mulole,Ensiku za yisha bayishi derha:Aban'iragi abagumbire,aban'iragi abarha burhaga,n'amabere garha sigi yonsa! 30 Lero bayishi rhondera babwira entondo:orhuhimire kwo!n'emishozi:Murhufulike! 31 Bulya,nka bakajira ebyo oku murhi mubishi,burhi bya yishiba oku murhi mumu? 32 Bali dwirhe bishungu bibirhi ako kasangi,bali bayirhwa boshi na Yesu. 33 Erhi bahika ahantu hahamagirwe mpanga,bamu manika aho,na bilya bihimbisi bibirhi,muguma e kulyo,n'owindi e kumosho. 34 Yesu aderha:Larha,obabalire,bulya barhamanyiri ebi bali bajira.Banachigabira emishani yage,bayiyeshera ensimbi. 35 Olubaga lwali yimanzire aho,bana ka lola.Atwi b'emanja bakashekereza Yesu,baka derha:A chizize abandi;achichize naya yene,nkaba ali Kristo,mwishogwa wa Nnamahanga! 36 Abasirika nabo bakamushekera;bashegera bana muha enkalishi, 37 baka derha:Nkaba oli mwami w'abayahubi,ochi chize wene! 38 Aha nyanya zage hali amandiko:Oyu ye mwami w'abayahudi. 39 Muguma w'omu bishumusi mumanike arhondera amujachira,akaderha:Ka arhali we Kristo?ochichize wene ona rhu chize nirhu! 40 Chikwone owindi amukalihira,ana derha:Korha yobohiri Nnamahanga,weri wahanwa buhane buguma mwe naye? 41 Oku rhwe,obu buhane,burhu shinganine,bulya rhuhirwe ebyali rhu kwanine oku bijiro birhu;Chikwone oyu nta bubi ajijire 42 Anabwira Yesu:Onkengere,hano oyisha omu bwami bwawe. 43 Yesu amushuza:Nkubwizire okunali,ene waba na nani omu paradizo. 44 Hali kola hali aha nsa ndarhu z'omushi,n'omwizizi gwaba omu igulu lyoshi,kuhika nsa mwenda. 45 Izuba lya zima,omushangi gwokusikikiriza aka-Nyamuzinda gwa berekera aha karhi. 46 Yesu ayakuza n'izu linene:Larha,mpizire omurhima gwani omu maboko gawe.Erhi anaderha ebyo binwa arhenga mw'omuka. 47 Erhi omurhambo w'abasirika abona ebyo byoshi,akuza Nnamahanga,ana derha:kwobinali,oyu muntu ali w'okuli. 48 Abantu boshi baliyishire aho bali lola,erhi baba bama bona ebya hisire,bagaluka,bachishurha e chifuba. 49 Abali manyire Yesu,n'abakazi bali mulusize kurhenga e galilaya,ba shegera hali baka lola ebyakagi gera. 50 Hali omu hanuzi,ohamagirwe Yosefu,mulume mwinja na w'okuli, 51 orhalisigi yegera ahabatwa omugigo n'ebijiro by'abandi;ali w'arimatayo,chishagala ch'abayahudi,anakagi lindirira obwami bwa Nnamahanga. 52 Oyo mulume aja emunda Pilato ali,ana huna omubiri gwa Yesu. 53 Amuhonola oku musalaba,amuboha omu mushangi mweru,amuhira omu nchinda yali humbirwe omu lwala ,ntaye muntu wali chi hebwa ho. 54 Lwali lusiku lwa marheganyo,n'e sabato yali ya rhondera. 55 Abakazi ba rhengaga e Galilaya bona Yesu balusa Yosefu,babona enchinda na gurhi omubiri gwa Yesu gwa hizirwe mwo, 56 Enyuma lyaho bashubira emwa babwe.Bajirheganya amavuraha ga marashi.omu lusiku lw'oku rhamuka barhamuka nk'oku amarhegeko gali desire.