¹ Abavurhis'ikoli n'abantu b'akalamu kabi bayeger'emunda Yesu ali bamuyunvirhiza. ² N'abafarisayo n'abashamuka b'ihano baduduma,bakaderha:oyu muntu ayegerez'abantu b'akalamu kabi,analya haguma nabo. ³ Chikwon'ababwir'ababwir'ogu mugani: ⁴ Muntu nd'omumwe, nk'agwerhe bibuz'igana,nk'akarhera ciguma,arhanka lek'ebyo makumi galimwenda na mwen'omwirung'agendi lonz'eca hezire,kuhik'acibone? ⁵ Hano ab'acibwine,acibarhul'oku birhugo byage n'obushagaluke, ⁶ Na hn'agaluk'emwage,akamagal'abira bage n'abalungu bage,ababwire:Mushagaluke haguma na nani,bulya narhozire cilya cibuzi cali hezire. ⁷ Kwo nokwo,mbabwizire,haishi b'obushagaluk' omu mpingu enyanya z'omunabyaha muguma wa gokole,kulusha makumi gali mwendana mwenda bacijijire bashinganyanya barha lonziz'okuchi yunjuza. ⁸ Erhi mukazi ndi,nk'agwerhe nfrang'ikumi,nk'akarhera,luguma,k'arhanka yas'itara,anahyajire enyumpa, analongereze n'obushirizi,kuhik'alubone? ⁹ Erhi ab'amalurhola,ahamagala abira bage n'abalungu,ababwira:Mushagaluke haguma na nani bulya narhozir'olufaranga lwli mpezire. ¹⁰ kwonokwo,mbabwizire,hal'obushagaluk'omu ba malaika ba Nnamahanga oku omunabyaha muguma oci yunjuzize. ¹¹ Aciri derha:Muntu muguma aligwerhe bana bage babirhi. ¹² Omurh'abwir'ishe:Larha,omp'ebyani birugu bw o mwimo.N'ish'abagabir'ebirugu byage. ¹³ Enyuma lya nsiku ntya,omurho w'abagala,erh'ab'amarhola byoshi agnd'omucihugo ca hali,ahereza y'ebirugu byage byoshi omu njira y'obushungu. ¹⁴ Erh'ab'ab'amamala byoshi,ishali linji lyaj'omwecocihugo,anashingana akol'aliachifinj'ebyo kulya. ¹⁵ agend'arhonder'akoler'akoler'omuntu muguma womw'echo chihugo,amurhuma omu mashwa gage aji ka lang'engulube. ¹⁶ Akafinja okucishalula n'ebiry'engulube zakagi lya,chi ntaye wa kagi muha byo ¹⁷ Erh'aci gerereza yen'acibwira:Balimya banga bal'omu mwa larha,bali balya n'okuyigurha,na nani, nafa n'ishali! ¹⁸ Na yishi yimuka ngend'emunda larh'ali nayishi mubwira,larha,najijir'ecah'empingu n'emund'oli, ¹⁹ Ntashinganiniokuhamagalwa mwana wawe;Ontole nka muguma wabakozi bawe. ²⁰ Anayimuka,aj'emund'ish'ali.Erh'ab'aciri hal'ish'amubona n'okugwarhwa n'obwonj'alibirh'amuyubarhira anamununugurha. ²¹ Omugala amubwira:Larha,najijir'ecah'empingu n'emund'oli,nta shinganini okuhamagalwa mwana wawe ²² Cikwone ish'abwir'abambali:Mulerh'omushangi mwinja duba,munamuyambike;Mumuhir'olupet'omumunwe,n'ebirat'omumagulu. ²³ Mulerhe n'empanz'ehimbire,muyinige.Rhulye rhuna shagaluke; ²⁴ Buly'oyu mwana mubwine alifir'anafusire,alihezire,anabonekine.Banarhondera ba shagaluka. ²⁵ N 'Obwo,omugala mukul'ali'omwishwa.Erh'agaluk'anayegerer'ahamwabo,ayunv'enyimbo n'abali ba sama. ²⁶ Ahamagala mukozi muguma,anamudosa bici bya bire. ²⁷ Oyo mukozi amubwira: Mwene waw'anagalusire,na,buly'abonekin'ali mugumana, sh'anabazir'empanz'ehimbire. ²⁸ Anaba burhe,arhanalonzagy'okuyingira.Ish'ahuluka,amuyinginga mpu'ayingire. ²⁹ Chikwon'ashuz'ishe:Lola,hali myaka minji ngwerhe nakukalera,ntasigi vuna'irhegeko lyawe,cir'orhasigi mp'empene mpu nshagaluke rhn'abira bani. ³⁰ C'amang'omwana wawe anahikaga,owa lyag'ebirugu byawe bon'embaraga ye wanigir'empanz'ehimbire. ³¹ Mwana wani,ishe amubwira,oba rhemb'ensiku zoshi,n'ebingwerhe bili byawe; ³² ci kwali kwinja rhulis'idinye rhuna shagaluke,bulya alihezire anciribonekana.