¹ Bantu banji bachihanire okurholeza emyanzi ya birya bintu bya baga omu kagarhi kirhu. ² Bayandika nkakulya balya bantu babonaga omurhondero gwa byo banakag'ibiyanadika baja barhubwira byo abo banali bahamirizi bakanwa Ka Namahanga. ³ Nani nyono nkola ndi eruhya narhamire eyi neyi naja na lonza omurhangiro gw'ebyo byoshi kurhenga oku murhangiro.nabona oku kunali kwinja nawe nku bwire eyo myanzi waliha Teofile. ⁴ Njijire ntyo mpulyo nani mpasha oku manya okuli kw'enyigirizo wa yunvirhe. ⁵ Ago mango Herodi ali mwami we Yudeya,hali mujinji muguma wa Nnamahanga izino lyage ye Zakariya,ali mujinji w'omurhwe gwa bajinji ba Abiya mukage ye wali Elizabeti anali w'omu buko bwa aroni ye wali munjinji mukulu wa Nnamahanga. ⁶ Okubanali bombi bali bashinyanya embere za Nnamahanga banali bakuyunva okunali banali bakuyunva oku amarhegeko ga desire,n'okw'ibinwa bya Nnamahanga byoshi bidesire. ⁸ N'obwo erhi Zakariya lusiku luguma aligwerhe akola omukolo emmalanga ga Nnamahanga.n'omukugera gera omu ngasi mulango. ⁹ Nk'oku obworhere bw'abajinji ba namahanga bwanali omu daha omu kanisa ka Nakasane erhi baji hana amarasi. ¹⁰ Olubaga lwoshi lwali embuga erhi luli lwa huna yo enyanya z'olusiku lwa marasi ¹¹ Honaho abonekerwa na Malaika wa Nakasane,ayimanzire ekulyo kw'e nterekero y'obuko. ¹² Zakaroya erhi amubona ayaganwa n'e choba chinji chamugwarha. ¹³ Chi kwoki malaika amubwira orhabe n'e choba Zakariya,bulya amahuno gawe gayunvirwe.mukawe Elizabeti akuburhira omwana w'o bulume.na waishi muha izino lya Yohana. ¹⁴ Kayishiba emund'oli kantu kabushagaluke na bantu banji bayishi sima okuburhwa kwage. ¹⁵ Bulya ishiba mukulu emalanga ga Nakasane.arhakanywa manvu erhi kantu kakulalusa koshi koshi ayishi yunjuzibwa na muka mwimana kurhenga omunda ya nina. ¹⁶ Anayishi galula banji bene israeli emwa nakasane larha Nnamahanga. ¹⁷ Ayishi ba n'olugenzi lwinja lwa Muka mwimana ayunjuzibwe n'emisi ya Eliya agalula emirhima ya bishe emwa bana babo.nababi babo bayishi galulirwa obumanye bw'okuli. ¹⁸ Zakariya abwira Malaika,oku bichi nana namanyire ebyo?bulya nkola mushosi,na mukanye akola wa myaka erhali minyi. ¹⁹ Malaika amushuza mpu:nye Malaika Gabrieli,okayimanga emalanga ga Nnamahanga.narhumirwe mpu nyishe nkubwire nnankumanyise eyo myanzi minja. ²⁰ Alaga:okolaga waba kaduma,wayishi dumuka kuhika ebyo bintu bihikirire.bulya orhayemire ebinwa byani byana hikirira omu kasanzi kabyo. ²¹ Honaho abantu baligwerhe balinda Zakariya basomerwa mpu lero gurhi ayosire omukanisa. ²² Omukuhuluka,arhachihashaga abadesa,baderha mpu nkaba anabonekirwe omukanisa barhondera bamudesa n'ebimanyiso byamaboko chikwoki ana bera kaduma. ²³ Erhi ensiku z'omukolo gwage erhi zihwa,agaluka omunyumpa yage. ²⁴ Ahanyuma lyakasanzi katya,mukage Elizabeti ab'izimi achifulika myezi rhanu aderha erhi: ²⁵ Alaga oku Nakasane ananjirire omu kasanzi anabwine okwanteze nshonyi emunda olubaga luli. ²⁶ Omu mwezi gwa kalindarhu,Malaika gabrieli arhumwa na Nnamahanga omuchishagala chihamagirwe Nanzareti. ²⁷ Emwo mubikira w'omunyere wali shebirwe n'omule oderhwa Yozefu. ²⁸ Adaha aha mwage anamubwira mpu:nkulamusize we oberirwe lukogo,Nakasane ali haguma nanawe, ²⁹ Ebyo binwa byamu zungulusa bwenene,aka chidosa gwo musingo much' ogwo. ³⁰ Malaika amubwira mpu:arhayobohe,Mariya Bulya wa habirwe olukogo na Nnamahanga. ³¹ Alaga,okolaga wab'izimi wa burha n'omwana w'obulume wayishi muhamagala Yesu. ³² Ayishi ba mukulu,anayishi hamagalwa mugala w'oli enyanya.na Nnamahanga ayishi muha entebe y'obwami bwa shakulu wage Daudi. ³³ Ayishi rhambula omunyumpa ya Yakobo emyaka yoshi n'oburhambuzi bwage burhaka gwarha buzinda. ³⁴ Lero Mariya abwira Malaika:gurhi ebyo byanka hashikana mwo?nye ntasingi bona mulume. ³⁵ Lero olya Malaika amushuza mpu:muka mwimana ayishi kuyishira,n'emisi ya oli enyanya ya ishi kuheba omuchihoho chage,chochirhumire omwana wa burhwa ayishi ba mwene Nnamahanga. ³⁶ Alaga Elizabeti muchiwawe al'izimi naye aburha omwana omu bugikulu bwage.muntu wali ka hamagalwa mugumba lero ahere muezi ndarhu. ³⁷ Bulya ntabyo birhahashikana emwa Nnamahanga. ³⁸ Mariya amubwira mpu: alaga mukozi wa Nakasane,bibe emwani nk'oku ona desire,Malaika anachiyegula naye. ³⁹ Muli ezo nsiku Mariya ayimuka anashonera okutondo omu chishagala ch'e yudeya. ⁴⁰ Aja omu mwa Zakariya analamusa Elizabeti. ⁴¹ Erhi Elizabeti ayunva omusingo gwa Mariya omwana edunda omunda yage Elizabeti ayunjuzibwa na muka mwimana. ⁴² Lero ayakuza n'izu linene,oli mugishe omubakazi boshi,n'omwana w'omunda yawe ali mugushe. ⁴³ Mpu ndi munganachi okubona nina wa Nakasane aje ahamwani? ⁴⁴ Chi alaga:honaho erhi izu ly'omusingo gwawe linayunvekana honahalya omwana amana sharha omunda yani n'obusime. ⁴⁵ Ali muniragi olya wa yemire ebi abwizirwe na Nakasana. ⁴⁶ Na mariya aderha:Murhima gwani okuze Nakasane, ⁴⁷ N'omuhima gwani gusimire bwenene muli Nnamahanga muchiza wani. ⁴⁸ Bulya alolerize obwirhohye bwani nye mwambalikazi wage bulya alaga kurhenga buno embaga zoshi zikola zakampamagala musimwa. ⁴⁹ Bulya omugala byoshi ananjirire ebintu binene izino lyage lili limana. ⁵⁰ N'obwonjo bwage bugenderire emyaka n'emyakula emwabalya bamu yoboha. ⁵¹ Analambulire emisi y'okuboko kwage emwabalya boshi bali gwerhe entanya mbiomu mirhima yabo. ⁵² Akula abachibona n'emisi okuntebe zabo,ayinamule n'abachirhohize. ⁵³ Ayugusa n'abashalisire bilyo ch'abagale abagalula maboko mumu. ⁵⁴ Ayishaga rhabala izraeli lubaga lwage.arhalekaga n'okuyerekana obwinja bwage. ⁵⁵ Kuli Abrahamau n'obuko bwage ensiku zoshi,nk'oku alaganyaga bashakuluza. ⁵⁶ Mariya abera bon'Elizabeti hofi myezi isharhu.enyuma lyaho ashubira emwabo. ⁵⁷ Amango g'okuburha kwa Elizabeti gahika,anaburha omwanarhabana. ⁵⁸ Abalungu ba Elizabeti na bene wabo bayunva oku Nnamahanga anamujirire ebisomerine chiri nkecho erhi bwinja bwage burhuma,bajishagaluka haguma naye. ⁵⁹ Erhi oyo mwana ahisa iposo bayisha bali mukembula,balonza n'okumuyirika izino lishe Zakariya. ⁶⁰ Chikwone Nnina aderha erhi:nanga ayirikwa izino lya Yowane. ⁶¹ Bamushuza mpu:chikwoki omu mulala gwinyu chintaye ojira ely'izino. ⁶² Lero badosa ishe w'omwana n'eminwe mpu izino lihi baha omugala. ⁶³ Zakariya ahuna ehipaho,ayandika kwo erhi:izino lyage ye Yoawane. ⁶⁴ Honaho Zakariya aderha:arhondera akuza nnamahanga n'izu linene. ⁶⁵ Eyo myanzi yalumira omuchihugo choshi ch'omubirhondo by'e yudeya abantu boshi beyo bagwarhwa n'echoba. ⁶⁶ Ngasi abakagi yunva baderha ebyo byoshi bakarhanya n'okuchidosa mpu:lero aba mwana muchi oyo wani?Bulya okunali obuhashe bwa Nnamahanga buli haguma naye. ⁶⁷ Zakariya ishe w'omwana muka mwimana amuyishira arhondera okuleba aderha erhi: ⁶⁸ Akuzibwe Namuzinda,Nnamahanga wa izraeli bulya ayishire sinza olubaga lwage n'okuluchungula. ⁶⁹ Arhuyereka Omuchiza w'obuhashe,w'oku buko bw'omwamabli wage mwai Daudi. ⁷⁰ Ebyo alimira abilaganyize kurhenga mira omukanwa kabalebi bage bimana. ⁷¹ Alaganyize okw'arhuchungula n'abashombanyi birhu.n'oku buhashe bw'abarhushomba boshi. ⁷² Alaginyize okw'ayerekana aminja gage.kuli bashakuluza n'oku akengera echirgane chage chimana. ⁷³ Bulya Nnamahanga achigashire shakuluza abrahamu, ⁷⁴ Okwa rhulikuza oku buhashe bwa bashombanyi birhu n'oku rhuyemerera rhumukolere buzira bwoba. ⁷⁵ Lyo rhuba bimana na ba bushinganyanya emalanga gage,ensiku zohi z'obulamu bwirhu. ⁷⁶ Nawe mwana wani wa derhwa mulebi wa Nnamahanga ow'enyanya bwenene.Bulya wa shokolera Namuzinda omu kurheganya enjira yage. ⁷⁷ N'omukumanyisa olubaga lwage okwalu chuzi n'okulubabalira ebyaha lujira. ⁷⁸ Bulya Nnamahanga wirhu ali wa buzigire bwenene na wa murhima mwinja arhulangaliza kwo obulangashane bw'enyanya bushushine n'obw'izuba lyashoshoka. ⁷⁹ Okumolekera abali omu mwizizi n'omu chihoho ch'olufu,n'okurugeza omunjira y'omurhula. ⁸⁰ Oyo mwana akula azibuha n'omurhima,abera omu mpinga kuhika olusiku achiyerekanaga n'obwalagale emalanga g'olubaga lw'abaisraeli.