¹ Akanwa ka Namuzinda Yoweri ahabagwa,mwene betwali. ² Muyunve oku,bashosi!murhegere irhwiri,mweshi mwe muyik'omu chihugo!ntabyo byantyo bya hisire oku kasanzi kinyu,erhi akasanzi ka sho winyu. ³ Mubibwire abana binyu,n'abana binyu bayishi bibwira abana babo,n'abana babo bayishi bibwira iburha lya shimbulira! ⁴ Ebi Gzamu alesire,eminunu yabi lire;ebi eminunu ya sizire,e bizindere bya bikera,ebi ebizindere bya sizire amahanzi ga birhola. ⁵ Muzuke,balalu,munalake!mwshi,banywi b'amanvu,muchidudumye,bulya amalehe g'omuzabibu ga murhenzire omu kanwa. ⁶ Bulya olu lubaga lwa yishiri gandaza omu chihugo chani,bazibu barhana gwerhi muganjo.Agwerhe amino g'entale,emyanganga y'entale nkazi. ⁷ Ali arhu yonera ishwa ly'emizabibu;arhusheregeza emirhi y'emitini,aborobonja eyo mirhi,ayunula eyo mirhi,asiga emirhi myumu erhli kwo basi. ⁸ Ochi dudumye kuly'omunyere alakira owa kagi musheba. ⁹ Entulo n'idivayi bya hezire omu nyumpa ya Namuzinda;abakulu b'ihano,abakozi ba Namuzinda,bali omu milenge. ¹⁰ Bayonya amashwa idaho lya bondwire,buly'engano za sherezibwe,n'idivayi lihyahya lirha ci haba. ¹¹ Abahinzi baba burhe,abahingir'emizabibu bali bachilumwija.Bulya engano n'iporoji bya hezire,nta mburho echi yera. ¹² Emirhi y'emitini n'emizabibu ya yumire,amalehe ga kuli ga holoka,emirhi y'emikomamanga,ey'amabo,n;ey'epome mira ya yumaga yoshi. ¹³ Mwe bajinji mulake muna shibe!muband'endulu mwe mukola oku irherekerero!muyishe,mulale muyambirhe amasunzu,bakozi ba Nnamahanga wani!bulya entulo n'idivayi bya hezireomu nyumpa ya Nnamahanga winyu. ¹⁴ Muchishalise,mulalike mujir'endeko nyimana!mulalik'abashosi,balama omu chihugo boshi.Omu nyumpa ya Nnamuzinda,Nnamahanga winyu,munayakuze Namuzinda! ¹⁵ Yajewe!lusiku luchi!bulya olusiku lwa Namuzinda luli hofi;luyishire nka bushereza bw'ogala byoshi. ¹⁶ K'ebiryo birha gezibagw'emalanga girhu?obushagaluke,n'omwishingo bya hezir'omunyumpa ya Nnamahanga wirhu? ¹⁷ Emburho za jire za yuma om'idaho;enguli zirhali mwo bichi,n'enkuluba za shabusire.bulya nta myaka echiyimbwa mwo. ¹⁸ nkoku ebishwekwa biri bya laka!obuso bwa manina bwa yeheza eyi n'eyi,bulya birha gwerhi basi;chiru n'obuso bw'ebibuzi bya libusire. ¹⁹ Emunda oli y'ondi na yakuza,Namuzimda!bulya omuliro gwa yokire emirhi y'omwishwa yoshi. ²⁰ Esimba z'emuzirhu we zili za rhul'emilenge;bulya enyishi za ganyire.N'omuliro gwa yokire emanda z'omwirungu.