¹ oku buzinda,ngasi mujinji orholwa omu kagarhi k'abantuanayimikwe entanya z'abantu omu mukolo gwa Nnamahanga,ly'aylerha entulo n'okuchihana entanya z'ebyaha. ² Anaba muzamba emw'abahwinja n'abahabusire, Bulya obugonyogonyo buli omu ye. ³ Na entanya ly'obwo bugonyogonyo lyo akachihana entanya ly'ebyaha byage yene,nk'eby'olubaga. ⁴ Ntaye wanka chiha olwo lukengwa,nk'arhahamagirwi na Nnamahanga,nk'oku bya baga oku Aroni. ⁵ Na Kristo arha chihaga obukuze bwokuba mujinji ,chikwone ahànwa n'owaderhaga:Oli mwana wani,nakuburhaga ene! ⁶ Nk'oku achiziri derha kandi:oli mujinji kwoshi,kushimbana oburhegesi bwa Melkizedeki. ⁷ Owali,amango b'omubiri,owayakuzagya bwenene n'emilenge y'amahuno n'oku yinginga owaka bachizize n'olufu,n'owayunvibwe enyanya z'obwirhonzi bwage, ⁸ amanyire,bwinja oku Ali mugala,obukenge oku bintu alibukiraga, ⁹ n'oyu,erhi ab'amakubulwa,abanshoko y'obuchire em'abamukenzire boshi, ¹⁰ Nnamahanga amujira mujinji mukulu nka Melikizedeki. ¹¹ Rhugwerhe binji rwanka derha aha nyanya z'ebyo,na bintu binji bizibu rhwanka hugula,Bulya mwabire balemu omu kuyunva. ¹² Mwe,oku buzinda,ndi kurhenga mira wankabire mwigiriza, mulonzize babayigirize ebirhanzibirhanzi by'akanwa ka Nnamahanga,mwayishi yisha muli n'enyorha y'amarha chi arhali ebryo bizibu. ¹³ Nobwo,ngasi ye oli wayonka arhamanyiri bichi oku kanwa k'okuli;Bulya Ali mwana. ¹⁴ Chikwone ebilyo bizibu bili by'abantu bakulu,balya okutwira oku banja lwajijirwe lyo bakamanya ebiri ninja n'ebiri bibi.