¹ Cho chirhumire rhuchishwekere kulusha na kuzibu oku byo rhwayunvirhe,lyo rhurhagi hekw Bali naye ² Bulya,nk'akanwa kaderha na ba malahika kahikirire,na ngasi y'orheyikenziri ahabirwe obuhane bwaali mukwanine, ³ gurhi rhwanka shugunuka Obwo buhane omu kuganyagusa Obwo buchunguke buhamu,bwa derhagwa na Nakasane,rhwa buyemereragwa n'ababuyunvirhe, Nnamahanga ahamiriza eciragane chabo oku bibonekerezi,ebirhangaza bidarhi,n'ebisomerine bya ngasi lubero,n'oku nshobolo ya mûka mutagatifu ya gabagwa oku bulonza bwage ⁵ Oku Ntyo, arhali ba malahika bao Nnamahanga ahire obuhashe omu igulu lyayishi rhuli rhwa derha. ⁶ N'obwohali muguma wadesire obu buhamiriza hanyu haguma:Omuntu Ali muchi,ly'oka mukengera, erhi mwana w'omuntu,ly'oka mukombera? ⁷ WAmurhohize kasangi kasungunu kulusha na malahika,wamuyambisa ishungwe ly'obukuze n'olukengwa, ⁸ waheba ebintu byoshi idaku ly'amagulu have.Oku b'izinga,omu ku muha ngasi kantu,ntabyoNnamahanga asizirebirhabaga byage.Nyta,rhurhachibwini bunooku ahabirwe byoshi. ⁹ Chikwone owa honwirwe oku kasangi Katya idaku lya ba malahika,Yezu,rhu mubwine ayambisibwa ishungwe ly'obukuze n'obukengeenyanya z'okufa alibuzibagwa,lyo oku lukogo lwa Nnamahanga,alibuka olufu enyanya lya boshi. ¹⁰ Alishinganine,oku bindi,kwali oku ndi n'emwa ndi bili ebintu byoshi,na ndi walonzagya alusebana banji oku bukuze,ayinamulaechirongozi chikulu ch'obwemere omu njra y'amalibuko. ¹¹ Bulya owachesa n'ochesibwe boshi barhenzire omu muguma.Cho chirhumire arha yunvirhi nshonyi z'oku bahamagala bene wage, ¹² Erhi aderha:Bayishi bwira bene wani izino lyawe,naishi kaimba irenge lyawe omu lubaga. ¹³ Na kandi:Naishi chi shwekerwa oku we.Na kandi:Ombwine,nye n'abana Nnamahanga ampire. ¹⁴ Na ntya,buly'abana Bali ba muko b'omubiri,naye yene ahabirwe,mpu lyo,oku kufa,ashereza owaligwerha emisi y'okufa,kwo derha lyangombe, ¹⁵ ana shwekula ngasi ye,oku bwoba bwo kufa,akalamu kabo kali gwasirwe koshi omu malibuko. ¹⁶ Bulya okuli arhali ba malahika go baka yoshi rhabala,chikwone Iburha lya Adamu. ¹⁷ Cho chirhumire alihirwe ashushe omu bintu byoshi abalumuna,lyo aha mujinji mukulu na mwi kubagirwa na wamurhima mwinja omu mikolo gwa Nnamahanga,ly'olubaga lubabalirwa ebyaha ; ¹⁸ Bulya,erhi arhangulwa yene omu by'alibuliraga,ana rhabala yene abarhangwirwe.